Kolose 3:15 - Taaz Weru Witu u Nunuwu'en Tombulu

¹⁵ Wangunela ung kaluasan witu un até u méiwéhémé ni Kristus mahkawasa wia ni kamu, pahpaan ni kamu én tinawahmo ni Opo Empung i maéndo esa awak. Wo ni kamu é léwo'zéi' i mahkuala u makasé wia ni Sia.

Kolose 3:15 Iomraidhean Croise

Yohanes 14:27

Ung kaluasan witu un até én itula'u-Kuma wia ni kamu. Ung kaluasan witu un até-Ku én iwéhé-Kuma wia ni kamu. Wo ung kaluasan witu un até u méiwéhé-Kuma itii én zéi'kan masuat karia ung kaluasan witu un até u méiwéhé né wia ung kaayahan wia ni kamu. Tia'mo un até niou masusa wo maindé'.

Yohanes 16:33

Péléng niitu méikua-Kuma wia ni kamu, wo un até niou maluasa pahpaan nimaesa karia-Ku. Im wia ung kaayahan kenu ni kamu é mendan an zézéha, taan enté-enté'en un até niou, ni Aku éng kimalamoma ang kawasa wia ung kaayahan.”

Roma 1:21

Zozo' ni séra é mata'u si Opo Empung, ni séra én zéi'kan mahlooz wo mahsigi' ni Sia in Opo Empung wo zéi'kan kumua u makasé wia ni Sia. Taan ang ginenang néra é nimawiling uman taré i megena-genang uman an zéi'kan siapa torona, taka-takazan ni séra é nimalemou wo ung genang néra é nimarimbengbeng.

Roma 14:17

Pahpaan ung Kakolanoan ni Opo Empung én zéi'kan tumoro ang kakanen wo am pengengelepen, taan tumoro ung kaulitan, u mahlé'o-lé'osan wo u mahpaa-paaz wia si Roh Lenas.

Roma 15:13

Mengalé-ngaléi uman si Opo Empung, si mahwéhémé am pahéré'an é méhémé malake-lakez wia ni kamu u mahpaa-paaz wo ung kaluasan witu un até pahpaan ni kamu ma'éman wia ni Sia. Wo karia ung kawasa ni Roh Lenas, um pahéré'an niou é malake-lakez wia si Opo Empung.

Roma 5:1

Pahpaan um pa'émanenta, ni kita é niéndo ulit ni Opo Empung. Niitumo ni kita menou-nou witu u mahlé'o-lé'osan karia ni Opo Empung, mengiité si Mahpiarata, si Yesus Kristus.

1 Korintus 10:17

Zozo' ni kita lakez wo u roti én esa uman, ni kita sé kiman u roti itii é nimaéndomola esa awak.

1 Korintus 7:15

Taan sa si tuama kaapa si wéwéné zéi'kampé' ma'éman é mahtututu' in tuma'sa, iwayamola séra in tuma'sa. Un tanu niitu, si katuari wéwéné kaapa si katuari tuama ma'émano én zéi'kan sinéro', pahpaan ni kamu én tinawah ni Opo Empung menou-nou karia i mahlé'o-lé'osan.

2 Korintus 4:15

Péléng niitu é mamuali pahpaan ung kawangunan niou. Niitu mamuali wo lakez sé tou mamé'an ung kamang tatambér-Na. Karia in téntu, kalakezna sé tou mahkua u makasé wia si Opo Empung. Ang kenu é mangun ing kalakezna sé tou mahsigi' si Opo Empung.

2 Korintus 9:11

Ni kamu é mawa'ilan im wana am péléng wo ni kamu sekezé é meripu' umané i mahwéhé, u mangun sé tou lakez mahkua u makasé wia si Opo Empung pahpaan ni kai.

Efesus 4:16

Sé jamaat én tanu un awak, ni Siamo si nimimek un awak akaz nimatu'tul wangun, wo un esa wo un esa ém pinasondol karia am wuku. Wo un esa wo un esa wéténgna un awak mahpaayang wangun mengiit um paayangenna, péléng un awak é matua'na wo malutu' wo maenté' pahpaan i mahraa-raatéan tanu ni kita in jamaat maenté' pahpaan i mahraa-raatéan.

Efesus 4:4

Ni kamu é nimaéndomo tanu esa awak, esa Roh wo esa pahéré'an i mangun um paaz ni Opo Empung i ni Sia timawah ni kamu.

Efesus 5:1

Niitumo, ni kamu in oki' ni Opo Empung sé totoz ikararaaté-Na, ung katou-touan niou é mahkéréla wia si Opo Empung

Efesus 5:20

Apa uman u nimamuali wia ni kamu sekezé é mapaayola u makasé wia si Opo Empung si Ama'ta witu u ngaran ni Yesus Kristus Mahpiarata.

Kolose 1:12

wo kumua u makasé karia i mahpaa-paaz wia si Ama', si nimangun ni kamu im wangun makailek am wéténg u niimek-Namo wia sé tou linenas-Na, witi kasendukan, un tampa sumena-sena'.

Kolose 2:7

Um pa'émanen niou é léwo'zéi' in enté' tanu un ahmut ung kai in timeptep witu un tana', menou-nou mahkiit uman ni Sia. Um pa'émanen niou kangkasii é léwo'zéi' ing kaenté'na tanu u mémoituzu' wia ni kamu, wo ni kamu kangkasii én tia' mazéi' i mahkua u makasé.

Kolose 3:17

Péléng am pahnuwu'en niou kaapa péléng am pahwangunen niou, péléng niitu ém wangunela mengiit u ngaran ni Yesus Mahpiara, karia i mahkua u makasé wia si Opo Empung, si Ama'ta mengiité si Yesus.

1 Tesalonika 5:18

Mahkuala u makasé wia si Opo Empung im wana am péléng, pahpaan niitumo ung kapaaz-Na wia ni kamu in tou sé menou-nou nimaesa karia ni Kristus Yesus.

1 Timutius 2:1

Um puuna isésakuma én téntii: Ipapaayola um pengaléiennu wia si Opo Empung, mahaléila wia si Opo Empung tumoro am pemandungennu, ipengaléila sé tou walina wo kumuala u makasé wia si Opo Empung pahpaan um winangun-Na wia péléng sé tou.

1 Timutius 6:12

Mahtututu'la i menou-nou in tou ma'éman wia si Yesus wo makailek ung katou-touan makaz ing kauré-uré, tanumokan si tou mahlolowaan i makailek ung kukulu. Pahpaano niitu ni ko tinawah ni Opo Empung wo ko nimakaulitola witu u saru-sarun né tou lakez i ni ko é ma'éman si Yesus.

Ibrani 13:15

Mengiité si Yesus kita mahlooz si Opo Empung. Niitumo, méyémo kita kumua u makasé wia si Opo Empung wo u loloozta itii é maéndo tanu u raragésta wia si Opo Empung. Si Opo Empung én totoz paaz a raragés tanu niitu.

Wahyu 7:12

karia i mahkua, “Amin! A lolooz, ang kawangko'an, ang katulapan, a makasé, a sisigi'an, ang kawasa wo ang kaenté'an ém wia uman si Opo Empungta makaz ing kauré-uré! Amin!”