Kolose 3:12 - Taaz Weru Witu u Nunuwu'en Tombulu

¹² Pahpaan nimaéndomo tou pinéléng wo ikararaaté wo linenas ni Opo Empung, niitumo ni kamu é mapailekla u raraatéan, ung kalé'osan, u roros até, ung kaeluzan wo ung kaezenan.

Kolose 3:12 Iomraidhean Croise

Matius 24:22

Sa un oras itii zéi'kan rewekena ni Opo Empung, zéi'kan siapa zozo' in esa si tou makailek ung katou-touan makaz ing kauré-uré. Taan pahpaan u raraatéan wia sé tou pinéléng-Na, un oras itii é rinewek-Na umana.

Matius 24:24

Pahpaan sé zéi'kan uli-ulit Mesias wo sé zéi'kan uli-ulit nabi é méyé wo ni séra é mangun a makakompo'en zéi'mo kakuaan, wo sa toro, ni séra kasii é lumulu sé tou pinéléngo ni Opo Empung.

Matius 24:31

Ni Sia é matu sé malaekat-Na i mondola karia i simengoma um pontuang ung karimez un zanina zéi'mo kakuaan. Ni séra é ruméwok péléng sé tou pinéléng-Na im wana péléng saruan, sé witi penpen u langit kasaru makaz witi penpen u langit kasaru.”

Markus 13:20

Wo sa un oras an zézéha itii zéi'kan rewekena ni Opo Empung, zéi'kan siapa zozo' in esa si tou si mamenou-nou. Taan pahpaan sé tou nimapéléng, sé pinéléng-Na in esa, niitumo un oras itii é sinogit-Na umana.

Markus 13:22

Pahpaan sé mahwangu-wangun Mesias wo sé mahwangu-wangun nabi é méyé. Ni séra é mémangun a makakompo'en wo an zéi'kan kakuaan i lumulu sé tou. Wo sa toro kangkasii, sé tou pinéléngo ni Opo Empung én ipahlulu néra.

Markus 13:27

In toro niitu kangkasii sé malaekat én iatu-Na i maruméwok péléng sé tou pinéléng-Na sé wana an epat saruan, rengané witi pondol ung kaayahan makaz witi pondol u langit.”

Lukas 1:78

pahpaan u raraatéan wo u lé'os ni Opo Empungta. Niitumo, ni Sia é niméyé i milot ni kita im witu un ukuman wana a singkéla'ta masuat wo si endo i mondolé im woondo,

Lukas 18:7

Si Opo Empung é sumawang um pahéndo-éndoan né tou-Na sé endo wo wengi én zéi'kan kumana' i mahtawah ni Sia. Wo ni Sia én zéi'kan mahuré-uré i sumawang ni séra.

Roma 1:7

Wia ni kamu péléng sé mahento' witi Roma, ni kamu sé ikararaaté ni Opo Empung, tinawah i nimaéndo tou lenas. Mengalé-ngaléi uman ung kamang tatambér-Na wo ung kaluasan witu un até, um wia si Opo Empung, si Ama'ta, wo wia si Yesus Kristus Mahpiara é menaté-natér ni kamu.

Roma 13:14

Taan méyémo kita maéndo tanu si Yesus Kristus Mahpiara, wo pahilekené né tou am pahwangunenta. Karia in téntu, ni séra én tanu nimilek ni Sia witu un touta. Wo tia'mo megena-genang uman ing kumiit a lelo léwo' un awakmu in esa.

Roma 9:11

Pahpaan i sé koki' itii zéi'kampé' méitoumé wo zéi'kampé' nimangun a lé'os kaapa a léwo'an, si Opo Empung én timotozo sé koki' itii i maéndo apa, wo un tinotoz-Na tumoro um pinéléng-Na én enté'en, zéi'kan mengiit am pahwangunen né koki' zua itii taan mengiit un tatawah ni Opo Empung.

1 Korintus 13:4

Si tou rumaraaté sé tou walina én téntii: ni sia én ezen, ni sia é lé'os uman, ni sia én zéi'kan téutéu, ni sia én zéi'kan mahlooz un touna wo zéi'kan loozan.

2 Korintus 6:6

Ni kai nimangun niitu karia ung genang weresi wo ung katulapan, ung kaezenan wo u lé'os uman wia sé tou. Ni kai kasii é mahéré' uman wia si Roh Lenas wo uli-ulit rumaraaté.

Galatia 5:6

Pahpaan sinunat kaapa zéi'kan sinunat é masuat uman im wia sé tou sé nimaesamo karia ni Kristus Yesus. Un totoz ipahpuu-puuna é ma'éman si Kristus Yesus un toro pa'ileken karia i rumaraaté sé tou walina.

Efesus 1:4

Pahpaan si Opo Empung é niméléngo ni kita puunala ung kaayahan kenu im winangun mengiité um pinaesaanta karia ni Yesus Kristus, wo kita lenasen ni Opo Empung wo zéi'kan siapa um pahséro'an witu u sinaru-Na.

Efesus 4:2

Irorosla un até niou, mahelu-eluzan umanla wo meze-ezen. Ipapailekla u raraatéan niou karia i mahsawa-sawangan.

Efesus 4:24

Menou-noula karia ung katou-touan weru u méikiit um paaz ni Opo Empung, ung katou-touan ulit wo linenas ni Opo Empung.

Efesus 4:32

Taan mahtututu'la i mahwangun a lé'os si esa im wia sé walina, mahraa-raatéan wo mahampu-ampungan tanu si Opo Empung niméhé ampungan mengiit um winangun ni Kristus.

Filipi 1:8

Pahpaan si Opo Empung si totoz mata'u, i ni aku é lumelo ni kamu péléng. Ni aku é rumaraaté ni kamu péléng tanu u raraatéan ni Kristus Yesus wia ni kamu.

Kolose 3:10

Ni kamu in tarékan é nimakaileko ung katou-touan weru wo zéi'kan mazéi' im pahwerun ni Opo Empung si nimanguné ni kamu wo ni kamu maéndo tanu ni Sia. Karia in téntu ni kamu é mata'u ni Sia makauli-ulit.

1 Tesalonika 5:15

Ile-ileken én taa wéwéhan sé tou mahwaér a léwo'an karia a léwo'an, taan mahtututu'la i mahwangun a lé'os si esa wo sé walina wo wia péléng sé tou.

2 Timutius 1:9

Ni Siamo si nimilot ni kita im witu un ukuman wana a singkéla' wo timawah ni kita menou-nou in tou linenas-Na, zéi'kan mengiit am pahwangunenta, taan mengiit ung ginenang-Na wo ung kamang méitambér-Na, u mémoiwéhé wia ni kita mengiité si Kristus Yesus puunala ung kaayahan kenu im winangun.

2 Timutius 2:10

Niitumo, ni aku én ezen i nimasaan an zézéha pahpaan sé tou pinéléng ni Opo Empung, wo séra toro ipilot im witu un ukuman wana a singkéla' mengiité si Kristus Yesus, karia u sigi' wo looz makaz ing kauré-uré.

Titus 1:1

Um pinantik kenu ém wia ni aku Paulus a mangé, ata ni Opo Empung wo aatu ni Yesus Kristus. Ni aku é méiatu in tumuzu' sé tou pinéléng ni Opo Empung wo um pa'émanen néra é maenté', wo kasii séra toro mata'u tumoro an tutuzu' ulit am pengingilekenta im wana am peraragésanta wia si Opo Empung.

1 Petrus 1:2

Si Opo Empung, Ama'ta é niméléngo ni kamu mengiité ung ginenang-Na rengané im puuna. Si Roh Lenas si limenas ni kamu wo kamu mahwangun ang kapaaz ni Yesus Kristus, wo kamu weresin im wana a siningkéla' niou karia im pinikpikan un zaha'-Na. Mengalé-ngaléi uman ung kamang tatambér ni Opo Empung wo ung kaluasan witu un até é menaté-natér ni kamu.

2 Petrus 1:10

Niitumo, katuari-katuariku, totoz mahtututu'la i mapailek sa kamu én uli-ulit pinéléng ni Opo Empung wo tinawah-Na ing kumiit ni Sia. Pahpaan sa kamu mahwangun niana péléng, zéi'kan itula'u niou um pa'émanen niou masuat wo ni kamu én zéi'kan ikasangkil karegas i mahlampang.

1 Yohanes 4:19

Ni kita é rumaraaté, pahpaan si Opo Empung si puuna rimaraatémo ni kita.

2 Yohanes 1:13

Sé oki' ni katuarimu wéwéné si pinéléng ni Opo Empung é mapaayoma u sigi' wia ni ko.

Wahyu 17:14

Ni séra éng kumoro' sumaru si Anak ni Domba. Taan si Anak ni Domba éng kumala ni séra, pahpaan si Anak ni Domba itii én Tuang péléng né tuang, wo kasii Kolano péléng né kolano. Wo sé tou sé memali-mali karia ni Anak ni Domba itii kasii éng kumala ni séra. Sé tou itii é sé tinawah, sé pinéléng wo kasii sé zéi'kan mazéi' i ma'éman wia si Opo Empung.”