Kolose 3:1 - Taaz Weru Witu u Nunuwu'en Tombulu

¹ Niitumo, ni kamu sé méitoumé sumaup karia ni Kristus, mahtututu'la i menéro am witi kasendukan, witi tampa ni Kristus i rimumez witu ung kakan ni Opo Empung.

Kolose 3:1 Iomraidhean Croise

Matius 22:44

‘Si Opo Empung é nimuwu' wia si Tuangku: Rumumezola witu ung kakan-Ku, makaz sé kakoro'-Mu iwéhé-Ku witu u léléék-Mu.’

Matius 26:64

A si Yesus mingkotla, “Ni ko éng kimuamomé niitu, taan ikua-Kuma wia ni kamu, rengan in tarékan ni kamu é milek si Oki' ni Tou i rimumez witu ung kakan ni Totoz Mahkawasa wo méyé witu um wawo a ninahak witi langit.”

Matius 6:20

Taan ruméwokola a sangkum niou witi kasendukan, pahpaan im witi kasendukan sé meniksik wo an ta'ingkéré' én zéi'kan luméwo' niana, wo sé maremu' én zéi'kan rumemu' niana.

Matius 6:33

Taan penérompé'la ung Kakolanoan ni Opo Empung wo um paaz-Na, wo péléng niana én iawes wia ni kamu.

Markus 12:36

Si Daud in esa, i ni sia kinawasa ni Roh Lenas éng kimua in téntii: Si Opo Empung éng kimua wia si Tuangku: ‘Rumumezola witu ung kakan-Ku, makaz sé kakoro'-Mu iwéhé-Ku witu u léléék-Mu.’

Markus 14:62

A si Yesus mingkotla, “Ni Akumo Sia, wo ni kamu é milek si Oki' ni Tou i rimumez witu ung kakan ni Totoz Mahkawasa wo méyé witu um wawo a ninahak witi langit.”

Markus 16:19

Makanuwu'la si Yesus wia sé pahtuzu'en-Na, a Sia mawénéta mangé witi kasendukan, a marumumez witu ung kakan ni Opo Empung.

Lukas 12:33

Iwangkérola péléng a sangkum niou wo un zoit én iwéhéla wia sé tou zéi'kan siapa apa. Sa téntu um pahwangunen niou, niitu én tanu ni kamu limé'os a sangkum niou witi kasendukan wo niitu én zéi'kan maapu. Niitu én zéi'kan siksiken né meniksik wo zéi'kan siapa si rumemu'.

Lukas 20:42

Pahpaan um Pinantik Lenas witu u Mazmur, si Daud éng kimua: ‘Si Opo Empung é nimuwu' wia si Tuangku: Rumumezomé witu ung kakan-Ku,

Lukas 22:69

Taan rengana in tarékan si Oki' ni Tou é marumumez witu ung kakan ni Opo Empung si Totoz Mahkawasa.”

Kisah Rasul-rasul 2:34

Pahpaan zéi'kan si Daud si winénéta mangé witi kasendukan, taan lumouspé'mé niitu ni sia éng kimua in téntii, ‘Si Opo Empung éng kimua wia si Tuangku:

Kisah Rasul-rasul 7:55

Taan si Stefanus si kinawasa ni Roh Lenas é limoho'ma witi langit an ilekennama ung kawangko'an ni Opo Empung, wo si Yesus si rimendai witu ung kakan ni Opo Empung.

Roma 8:34

Si Kristus Yesus si nimaté wo méitou sumaup im wia sé nimaté an irumez witu ung kakan ni Opo Empung, si Kristus itiimo si masumawang ni kita i mamengaléi wia si Opo Empung.

Roma 8:6

Si tou mahgenang um paaz un awakna in esa é mahwali ni sia witu um patéan, taan si tou mahgenang ang kapaaz ni Roh ni Opo Empung é mahwali ni sia witu ung katou-touan wo ung kaluasan witu un até.

2 Korintus 4:18

Pahpaano niitu, ni kai én zéi'kan mahwéhé genang wana am pahileken wia ung kaayahan kenu, pahpaan am wia ung kaayahan én zéi'kan makaz ing kauré-uré. Taan am pahwéhan nai genang an zéi'kan kailekan, am witi kasendukan a méyé u makaz ing kauré-uré.

Efesus 4:10

Si Kristus si timumpamoma, ni Sia kangkasii si nimawénétoma witi tampa totoz rakék, rumakékpé'mé péléng am witi langit wo Sia merénta péléng am wia ung kaayahan.

Efesus 5:22

Ni ko im wéwéné makamahayo é mahtali-talingala wia si mahayomu tanu ni ko i mahtali-talinga si Mahpiara.

Kolose 2:20

Ni kamu én tanu nimatémo karia ni Kristus, wo mémoipiloté im witu ung kawasa né roh léwo' wia ung kaayahan, kaa kamu kinawasapé' a léwo'an wia ung kaayahan? Kaa kamu menou-nou mahkiitpé' an tinotoz né wia ung kaayahan, in téntii:

Kolose 3:2

Mahgenang umanla am witi kasendukan, wo tia'mo megena-genang am wia ung kaayahan.

Ibrani 1:13

Wia si séi im wia sé malaekat si kinuaan-Namé, “Rumumezomé witu ung kakan-Ku, makaz sé kakoro'-Mu iwéhé-Ku witu u léléék-Mu?”

Ibrani 1:3

Ni Siamo si mahsena'mé u sena' ni Opo Empung wo mengiité ni Sia kita toro milek si Opo Empung. Karia u Nuwu'-Na un totoz mahkawasa, si Yesus mahtéiz péléng am wia ung kaayahan. Kumawusa Sia i miloté sé tou im witu un ukuman wana a singkéla', ni Sia rimumez witu ung kakan ni Opo Empung si totoz wangko' witi tampa totoz rakék.

Ibrani 10:12

Taan si Kristus makasa uman nimayo un tou-Na i maéndo raragés makaz ing kauré-uré, in zuméi' a singkéla' né tou, a Sia marumumez witu ung kakan ni Opo Empung.

Ibrani 12:2

Mahweren umana wia si Yesus si mahtu'tul um pa'émanenta wo nimangun um pa'émanenta nimalekep. Ni Sia ezen i nimazézéha witu u salip wo zéi'kan pandungen-Na zozo' niitu makaizangen, ni Sia mahgenang umana u mahpaa-paaz u mapendanen-Na in tumondong. In tarékan ni Sia é rimumezo witu ung kakan u rurumezan ni Opo Empung ing Kolano.

Ibrani 8:1

Un totoz ipahpuu-puuna witu um pahkuaku kenu, ni kita ém wéwéhano si Walian Wangko' téntu, si rimumezo witu ung kakan u rurumezan ni Opo Empung si Kolano Totoz Wangko' witi kasendukan.

1 Petrus 3:22

In tarékan si Yesus Kristus é nimangémo witi kasendukan a rumumezla witu u rurumezan totoz pahsigi'en witu ung kakan ni Opo Empung. Wo péléng sé malaekat, péléng sé mahkawasa wo péléng ang kaketezan ém witumo ung kawasa ni Yesus Kristus.