Kolose 2:8 - Taaz Weru Witu u Nunuwu'en Tombulu

⁸ Mile-ilek, én taa wéwéhan sé maheenou ni kamu karia an tutuzu' néra an zéi'kan siapa torona wo mahlululu uman um pa'émanen niou um wia si Kristus. An tutuzu' néra én zéi'kan mahkiit an tutuzu' ni Kristus, taan mahkiit uman ang kinanaram né nimaopo néra im puuna wo ung kapaaz né roh wia ung kaayahan.

Kolose 2:8 Iomraidhean Croise

Matius 10:17

Taan mile-ilek im wia péléng sé tou. Pahpaan wéwéhan sé mayo ni kamu witi mahkama agama wo ni kamu kasii é masaluken néra witi walé peraragésan néra.

Matius 16:6

Kuan ni Yesus wia ni séra, “Tuméga-tégam wo mile-ilek im wana a ragi né sana réwok tou Farisi wo Saduki.”

Matius 7:15

Ang kuan kasii ni Yesus, “Mile-ilek im wia sé nabi towo! Ni séra méyé wia ni kamu é mahwangu-wangun lé'os tanu sé domba, taan ndéén ni séra é masuat wo si serigala meneza' tou.

Kisah Rasul-rasul 17:18

Wo wéwéhan kasii sé woopira méster an tutuzu' Epikuros wo an tutuzu' Stoa mahzéi'-zéi'an kariana. Wéwéhan sé mahkua, “Apa un ipahkukua ni wayaan uman kanuwu'an kenu?” Taan sé walina kasii é mahkua, “An ipahkua ni tou kenu én tumoro sé opo-opo zéi'kan kata'uan.” Ni séra mahkua in téntu pahpaan ni sia é mahwoka' u Nuwu' Lé'os tumoro si Yesus, wo tumoro si Yesus i méitoumé sumaup ni Opo Empung im wia sé nimaté.

Kisah Rasul-rasul 17:32

I ni séra timalinga tumoro si tou nimatémo én toro itou sumaup, si Paulus én ipahké'ké' né woopira tou im wia ni séra. Sé walina é mahkua wia ni sia, “Woo sawisamokan taré ni kai tumalinga tanu an ipahkuamumé ing kataré.”

Roma 16:17

Katuari-katuariku, ni aku é sumésama wia ni kamu. Tuméga-tégam im wia sé paaz mangun ni kamu i mahéndo-éndoan wo sé mahléléwo' um pa'émanen niou wo mahtuzu' ni kamu in tia' mahkiit an tutuzu ulit am pinahtata'u niouo. Tia'mo mahkari-karia ni séra!

1 Korintus 10:12

Niitumo, séi si mahgenangla um pa'émanenna én enté'mo, ni sia é mile-ilek én taa ikakiit uman i mahwangun a singkéla'.

1 Korintus 8:9

Zozo' kamu toro kuman péleng ang kakanen, taan mile-ilek én taa kamu maéndo raraung wia sé katuari zéi'kampé' enté' um pa'émanen néra.

2 Korintus 10:5

Ni kai kimala ang kaweraan a mahraung sé tou i mahtata'u si Opo Empung. Ni kai kasii kimala ang genang né tou wo mahwangun ni séra mahtali-talinga wia si Kristus.

Galatia 1:14

Tumoro u mahkiit an tinotoz um pa'émanen né tou Yahudi, ni aku é lumousé sé kakaria karenganku sé lakez im wia sé tahsasana wanuaku. Ni aku én uli-ulit mahkiit ang kinanaram né nimaopoku.

Galatia 4:3

Téntu kangkasii ni kita: Sa ung katou-touanta é mahasa-asarpé' sé koki', ni kita ém pahata-atampé' an tinotoz wia ung kaayahan kenu.

Galatia 4:9

In tarékan ni kamu é mata'umo si Opo Empung, lumouspé'mé niitu si Opo Empung é mata'umo ni kamu. Kaa kamu mawuri uman taré wana an tinotoz an zéi'kan enté' wo zéi'kan siapa apa in iwéhé wo nimayo kasii un tou niou im pahata-atan an tinotoz itii?

Galatia 5:15

Taan sa kamu mahkoro' wo mahsususaan un tanumokan i mahkikikian wo mahnenepnepan, mile-ilek én taa kamu mahwuwunu'ala!

Efesus 2:2

In toro niitu ni kamu é menou-nou mengiit ang kinanaram né tou wia ung kaayahan, ni kamu mahtali-talinga sé roh léwo' mahkawasa witi langit, ni séramo sé roh mahkawasa witu un até né tou zéi'kan mahtali-talinga si Opo Empung.

Efesus 4:20

Taan, zéi'kan téntu um pinahtata'u niou tumoro si Kristus.

Efesus 5:6

Tia' kamu towoan né tou karia a nunuwu'en zéi'kan siapa torona, pahpaan an téntu é mangun uman si Opo Empung in totoz maupi' wia sé tou zéi'kan mahtali-talinga ni Sia.

Filipi 3:2

Mile-ilek im wia sé tou sé wangun im pahkuan asu. Mile-ilek im wia sé tou mahpaayang a léwo'an. Mile-ilek im wia sé tou sé mahtututu' i sumunat ni kamu mengiit un ukum Torat.

Kolose 2:18

Tia' ipahwaya niou ung kukulu makailekan niou in zéi'en umana né tou sé mahtowo-towo i meroros un tou néra wo mahongkot wia sé malaekat. Ni séra é mapahlolooz un tou néra im wana am pina'ilek néra un tanu im pahipi-ipin, zozo' niitu én zéi'kan uli-ulit téntu. Ni séra é mahlolooz un tou néra karia am pegena-genangen néra u mahkiit uman ung kapaaz ung kaayahan.

Kolose 2:20

Ni kamu én tanu nimatémo karia ni Kristus, wo mémoipiloté im witu ung kawasa né roh léwo' wia ung kaayahan, kaa kamu kinawasapé' a léwo'an wia ung kaayahan? Kaa kamu menou-nou mahkiitpé' an tinotoz né wia ung kaayahan, in téntii:

Kolose 2:22

Péléng an tinotoz itii én tumoro uman a maléwo' im pahpakén wo mahkiit uman am perénta wo an tutuzu' né tou.

Kolose 2:23

Zozo' am pakahragés néra ém pahileken winangun karia ang katulapan néra in esa, tanu u meroros un tou wo mapazéha un awak in esa, taan péléng niitu én zéi'kan siapa torona, akaz uman i mahwuwutul u lelo un awak.

1 Timutius 6:20

Timotius, pahilekela lé'os péléng a mémoitarawésa wia ni ko. Tia' mahkii-kiit i mahsirita an zéi'kan siapa torona wo an zéi'kan mahsigi' si Opo Empung wo a mahzéi-zéi'an tumoro ang kata'uan,

2 Timutius 3:13

taan sé tou léwo' wo tantowo kahuman éng kalousna i mahwangun a léwo'an, ni séra mahlulu sé tou wo ilulu né tou walina.

Ibrani 13:9

Tia' kamu mahkiit péléng an tutuzu' a nimahwali-walinaan an zéi'kan siapa kaulitan mengiit u Nuwu' Lé'os tumoro si Yesus, an ipahtuzu' né tou walina an toro mangun ni kamu ikalulu. Un atéta é léwo'zéi' nienté' karia ung kamang méitambér ni Opo Empung, pahpaan niitumo um wangun, zéi'kan karia an tinotoz tumoro ang kakanen an zéi'kan siapa torona im wia ni séra sé mahkiit niitu.

Ibrani 3:12

Niitumo katuari-katuari, mile-ilek én taa im wia ni kamu ém wéwéhan zozo' in esa si makaaté u léwo'an wo soo ma'éman taka-takazan nimangun ni sia kimana' i mahtali-talinga wia si Opo Empung si menou-nou.

1 Petrus 1:18

Kata'uan niou sa ni kamu én tinubuso im witu ung katou-touan niou uré un zéi'kan siapa torona a méitula'uma né nimaopo niou. Ni kamu én zéi'kan tinubus karia un toro maléwo' tanu u mas kaapa um péra',

2 Petrus 3:17

Taan ni kamu, katuari-katuari ikararaatéku é mata'umo niana. Niitumo mile-ilek én taa kamu ikakiit umanla sé méster towo sé méikalulu pahpaan an tutuzu' towo itii, makaz ni kamu zéi'mo ma'éman im wana an tutuzu' kaulitan.

2 Yohanes 1:8

Niitumo tuméga-tégamla, én taa um pa'émanen niou wia si Yesus Kristus um pinaayang naimo im puuna én ikaliong, wo péléng um wawaér wia ni kamu én toro kailekan niou.