Kolose 2:7 - Taaz Weru Witu u Nunuwu'en Tombulu

⁷ Um pa'émanen niou é léwo'zéi' in enté' tanu un ahmut ung kai in timeptep witu un tana', menou-nou mahkiit uman ni Sia. Um pa'émanen niou kangkasii é léwo'zéi' ing kaenté'na tanu u mémoituzu' wia ni kamu, wo ni kamu kangkasii én tia' mazéi' i mahkua u makasé.

Kolose 2:7 Iomraidhean Croise

Lukas 6:48

Ni sia é masuat wo si tou rimendai um walé. Ni sia éng kimiarla um woso rarem an izeta'nala witu am watu a mato'tolan i rumendai um walé. I lumewuhmé wo u séwélna un zano witi so'so'an tumoromé um walé itii, um walé itii én zéi'kan mogémé, pahpaan am watu to'tolan rinendaian um walé itii én enté'.

Roma 16:25

U sigi' wo looz wia si Opo Empung! Ni Sia ém wéwéhan kawasa i menté' um pa'émanen niou mengiit u Nuwu' Lé'os tumoro si Yesus Kristus u méipahwoka'ku mengiit u méipapailek ni Opo Empung, u rengan ing kataré-taré méikawuni im wia sé tou.

1 Korintus 1:8

Si Yesus Kristus Mahpiarata kangkasii é sumawang ni kamu wo um pa'émanen niou éng kaenté'na makaz witu un endo kaakazan ung kaayahan, wo im witu un endo itii i ni Sia méyé sumaup, ni kamu én zéi'kan siapa a sinala'.

1 Korintus 15:58

Niitumo, katuari-katuari ikararaatéku, rumendaila menté-enté', tia' mahzua-zua genang i ma'éman. Mahtututu'la i mahpaayang am paayangen méiwéhé ni Mahpiara wia ni kamu, pahpaan kata'uan niouo im witu u sinaru ni Mahpiara, zéi'kan siapa am pinaayang niou an zéi'kan siapa torona.

2 Korintus 1:21

Si Opo Empung si nimenté' ni kai, wo ni kamu uli-ulit mahkiit si Yesus Kristus. Ni Sia kasii si niméléng ni kai i maayang wia ni Sia.

Efesus 3:17

Pahpaan ni kamu ma'éman wia si Kristus, si Kristus é mento' witu un até niou wo u mahraa-raatéan é maéndo to'tolan wo kimawasa ung katou-touan niou.

Efesus 4:21

Pahpaan ni kamu én timalingamo an tumoro ni Sia wo ni kamu i mahkii-kiit ni Sia én tinuzu'mo karia an tutuzu' ulit tumoro si Yesus Kristus.

Efesus 5:20

Apa uman u nimamuali wia ni kamu sekezé é mapaayola u makasé wia si Opo Empung si Ama'ta witu u ngaran ni Yesus Kristus Mahpiarata.

Kolose 1:23

Niitumo, ni kamu én tia'mo kumana' i ma'éman wo tia'mo mahzua-zua genang. Ni kamu én uli-ulit ma'émanla wo tia' ipahtutula'u um pahéré'an niou witu u Nuwu' Lé'os tumoro si Yesus, un tinalinga niouo itii. U Nuwu' Lé'os itii é méikawoka'mo wia ung kaayahan, wo ni aku, Paulus, si mahpaayang a méiatu ni Opo Empung i mapata'u u Nuwu' Lé'os tumoro si Yesus itii.

Kolose 3:17

Péléng am pahnuwu'en niou kaapa péléng am pahwangunen niou, péléng niitu ém wangunela mengiit u ngaran ni Yesus Mahpiara, karia i mahkua u makasé wia si Opo Empung, si Ama'ta mengiité si Yesus.

1 Tesalonika 5:18

Mahkuala u makasé wia si Opo Empung im wana am péléng, pahpaan niitumo ung kapaaz-Na wia ni kamu in tou sé menou-nou nimaesa karia ni Kristus Yesus.

2 Tesalonika 2:17

menté' un até niou wo mangun ni kamu makawawa im wana péléng am paayangen wo wana a nunuwu'en wangun.

Ibrani 13:15

Mengiité si Yesus kita mahlooz si Opo Empung. Niitumo, méyémo kita kumua u makasé wia si Opo Empung wo u loloozta itii é maéndo tanu u raragésta wia si Opo Empung. Si Opo Empung én totoz paaz a raragés tanu niitu.

Ibrani 13:9

Tia' kamu mahkiit péléng an tutuzu' a nimahwali-walinaan an zéi'kan siapa kaulitan mengiit u Nuwu' Lé'os tumoro si Yesus, an ipahtuzu' né tou walina an toro mangun ni kamu ikalulu. Un atéta é léwo'zéi' nienté' karia ung kamang méitambér ni Opo Empung, pahpaan niitumo um wangun, zéi'kan karia an tinotoz tumoro ang kakanen an zéi'kan siapa torona im wia ni séra sé mahkiit niitu.

1 Petrus 5:10

Si Opo Empung si mahtambéré ung kamang, si timawahmo ni kamu sé ma'éman si Kristus witu ung kawangko'an-Na makaz ing kauré-uré é mangun ung katou-touan niou ing kawangunna, menté' am pa'émanen niou, menté' an até niou, wo mangun um pa'émanen niou wia si Kristus zéi'kan mawalina, kumawusla kamu i mendana an zézéha zéi'kan mauréma.

Yudas 1:12

Ni séra én tanu a sezingna im wia ni kamu. Pahpaan i ni kamu mahkan mahwali-wali ing gumenang u raraatéan ni Opo Empung, ni séra én zéi'mo siapa izangna i mahkan wo zéi'kan mahgenang sé tou walina. Ni séra én tanu a ninahak zéi'kan mamuali uzan un ipahwali-wali uman u reges. Ni séra én tanu uman ung kai zéi'kan mahwua' im witu un oras i mua', um winutwutan an ahmutna wo uli-ulit nimaté.

Yudas 1:20

Taan ni kamu katuari-katuari ikararaatéku, pahimekela ung katou-touan niou karia i mahkiit uman um pa'émanen un totoz lenas wo mengaléila karia ung kawasa ni Roh Lenas.

Yudas 1:24

Wia ni Sia si mahkawasa si mahtéiz wia ni kamu én taa kamu ikasundui, wo si nimahwali ni kamu sé zéi'kan siapa um pahséro'an karia i mahpaa-paaz i marumendai sumaru witu un tampa-Na um pahloozen wo pahsigi'en.