Kolose 2:4 - Taaz Weru Witu u Nunuwu'en Tombulu

⁴ Niia é méipapata'ukuma, wo zéi'kan siapa im wia ni kamu si toro towoan né tou walina pahpaan a nuwu' eenou néra.

Kolose 2:4 Iomraidhean Croise

Matius 24:24

Pahpaan sé zéi'kan uli-ulit Mesias wo sé zéi'kan uli-ulit nabi é méyé wo ni séra é mangun a makakompo'en zéi'mo kakuaan, wo sa toro, ni séra kasii é lumulu sé tou pinéléngo ni Opo Empung.

Matius 24:4

Ang kuan ni Yesus wia ni séra, “Tuméga-tégam én taa ni kamu ilulu né tou.

Markus 13:22

Pahpaan sé mahwangu-wangun Mesias wo sé mahwangu-wangun nabi é méyé. Ni séra é mémangun a makakompo'en wo an zéi'kan kakuaan i lumulu sé tou. Wo sa toro kangkasii, sé tou pinéléngo ni Opo Empung én ipahlulu néra.

Kisah Rasul-rasul 20:30

Lumousé niitu, im wia ni kamu ém wéwéhan sé woopira tou sé mahtuzu' an tutuzu' zéi'kan ulit. Ni séra é mahtututu' i mahlululu sé tou ma'émano ing kumiit ni séra.

1 Korintus 2:4

A méipahwoka'ku én zéi'kan tanu a méipahwoka' né tou tulap i mahenou ni kamu, taan an ipahwoka'ku éng karia ung ketez méiwéhémé ni Roh Lenas.

2 Korintus 11:3

Taan ikaindé'ku én taa ung genang niou é méilulu makaz kamu zéi'mo uli-ulit mahkiit si Kristus, tanu si Hawa im puuna i méilulula ni ulé' karia ung kasigaanna i mahtowo.

Galatia 2:4

Un tumoro si Titus zéi'kan sinunat é méikakuamé pahpaan im witu ém wéwéhan sé mahkua-kua ma'éman wia si Yesus, taan un ulitna ni séra én towo, ni séra mahtututu' wo si Titus é sunaten. Ni séra é mahwuni-wuni i nimuntepé kimariala ni kai sé uli-ulit ma'émano si Kristus. Ni séra nimangunla an téntu wo séra toro mahilek apa um pahwangunenta i ni kita zéi'mo mahkiit un ukum Torat pahpaan nimaesa karia ni Kristus Yesus. Ni séra é mahtututu' wo kita ikakiit sumaup i mahwangun un ukum Torat. Sa kita ikakiitla, ni kita én tanu pahata-atan un ukum Torat itii.

Efesus 4:14

Karia in téntu ni kita én zéi'mo tanu sé koki' sé mahkii-kiit uman an tutuzu' nimahwali-walinaan né menunuzu' towo. Niitu én tanumokan u sempa' pemolé-moléi u reges. Ni séra mahlululu uman karia an towo néra.

Efesus 4:17

Pahpaano niitu, ni aku kumuama wo sumésama wia ni kamu karia ung kawasa ni Mahpiara: Tia'mo kamu menou-nou tanu sé tou zéi'kan mata'u si Opo Empung sé megena-genang uman an zéi'kan siapa torona.

Efesus 5:6

Tia' kamu towoan né tou karia a nunuwu'en zéi'kan siapa torona, pahpaan an téntu é mangun uman si Opo Empung in totoz maupi' wia sé tou zéi'kan mahtali-talinga ni Sia.

Kolose 2:18

Tia' ipahwaya niou ung kukulu makailekan niou in zéi'en umana né tou sé mahtowo-towo i meroros un tou néra wo mahongkot wia sé malaekat. Ni séra é mapahlolooz un tou néra im wana am pina'ilek néra un tanu im pahipi-ipin, zozo' niitu én zéi'kan uli-ulit téntu. Ni séra é mahlolooz un tou néra karia am pegena-genangen néra u mahkiit uman ung kapaaz ung kaayahan.

Kolose 2:8

Mile-ilek, én taa wéwéhan sé maheenou ni kamu karia an tutuzu' néra an zéi'kan siapa torona wo mahlululu uman um pa'émanen niou um wia si Kristus. An tutuzu' néra én zéi'kan mahkiit an tutuzu' ni Kristus, taan mahkiit uman ang kinanaram né nimaopo néra im puuna wo ung kapaaz né roh wia ung kaayahan.

2 Timutius 2:16

Taan ma'katla im wana a nuwu' zéi'kan siapa torona wo mahséro' wia si Opo Empung, u mahwangun uman sé tou in zéi'kan pandung wia si Opo Empung.

2 Timutius 3:13

taan sé tou léwo' wo tantowo kahuman éng kalousna i mahwangun a léwo'an, ni séra mahlulu sé tou wo ilulu né tou walina.

1 Yohanes 2:18

É kamu in oki'ku, in tarékan é merétémoma ung kaakazan ung kaayahan, wo tanu an tinalinga niouo i si kakoro' ni Kristus é méyé, wo in tarékan lakez sé kakoro' ni Kristus ém wiamo. Nianamo an tumuzu'mé wia ni kita sa un oras kenu én uli-ulit merétémoma ung kaakazan ung kaayahan.

1 Yohanes 2:26

Péléng niana én ipantikkuma wia ni kamu, tumoro sé tou mahtututu' i mahlululu ni kamu.

1 Yohanes 4:1

Katuari-katuari ikararaatéku, péléng sé roh én tia' pa'émanen niou, taan pahtata'ula lumé'o-lé'os sé roh itii, sa sé roh itii ém wia si Opo Empung a méyé kaapa zéi'kan. Pahpaan lakez sé nabi towo sé nimapaileko un tou néra wo mahliklik ung kaayahan.

2 Yohanes 1:7

Pahpaan im wia ung kaayahan é lakez sé tou mahlululu uman wo soo makaulit i si Yesus Kristus é niméyémo wia ung kaayahan in tou uman. Sé tou itiimo sé melulu, wo kakoro' ni Kristus.

Wahyu 12:9

Si naga tua'na itii é si ulé' tu'a, si pahkuan kangkasii in tonaas né sétang kaapa si sétang mahlulu sé tou. Ni siamo si limulu péléng sé tou wia ung kaayahan wo ni sia kasii méilombo'mé wia ung kaayahan karia né malaekatna.

Wahyu 13:8

Si binatang itii ém pahongkotan wo pahsigi'en péléng né tou mahento' wia ung kaayahan, sé rengané ung kaayahan kenu im winangun, a ngaran néra én zéi'kan méipantik witu ung Kitap Katou-touan un anu ni Anak ni Domba, si kinerizo.

Wahyu 20:3

An iweritnama si naga itii witu um woso um patéan. Ang kusi'ennamé um woso um patéan itii a segelennamé um wawona. Karia in téntu, si naga itii én zéi'mo mata'u lumulu sé tahsasana wanua witu u sana riwuna ta'un. Ing kimawusoma u sana riwuna ta'un, si naga itii én ipilot sumaup ni malaekat itii taan zéi'kan mauréma.

Wahyu 20:8

Si tonaas né sétang itii é malumulu sé tahsasana wanua witi epat zuhuna ung kaayahan. Sé tahsasana wanua itii ém pahkuan ‘Gog’ wo ‘Magog’, wo ni séra é réwoken ni tonaas né sétang itii i makumoro'. Wo ung kalakez néra én tanumokan an eris witi tasik.