Kolose 2:23 - Taaz Weru Witu u Nunuwu'en Tombulu

²³ Zozo' am pakahragés néra ém pahileken winangun karia ang katulapan néra in esa, tanu u meroros un tou wo mapazéha un awak in esa, taan péléng niitu én zéi'kan siapa torona, akaz uman i mahwuwutul u lelo un awak.

Kolose 2:23 Iomraidhean Croise

Roma 13:14

Taan méyémo kita maéndo tanu si Yesus Kristus Mahpiara, wo pahilekené né tou am pahwangunenta. Karia in téntu, ni séra én tanu nimilek ni Sia witu un touta. Wo tia'mo megena-genang uman ing kumiit a lelo léwo' un awakmu in esa.

Efesus 5:29

Pahpaan, zéi'kan kawisa si tou mazi'zis un awakna in esa, taan tantumo ni sia é miara wo murus un awakna tanu si Kristus nimiara wo nimurus sé jamaat-Na.

Kolose 2:18

Tia' ipahwaya niou ung kukulu makailekan niou in zéi'en umana né tou sé mahtowo-towo i meroros un tou néra wo mahongkot wia sé malaekat. Ni séra é mapahlolooz un tou néra im wana am pina'ilek néra un tanu im pahipi-ipin, zozo' niitu én zéi'kan uli-ulit téntu. Ni séra é mahlolooz un tou néra karia am pegena-genangen néra u mahkiit uman ung kapaaz ung kaayahan.

Kolose 2:22

Péléng an tinotoz itii én tumoro uman a maléwo' im pahpakén wo mahkiit uman am perénta wo an tutuzu' né tou.

Kolose 2:8

Mile-ilek, én taa wéwéhan sé maheenou ni kamu karia an tutuzu' néra an zéi'kan siapa torona wo mahlululu uman um pa'émanen niou um wia si Kristus. An tutuzu' néra én zéi'kan mahkiit an tutuzu' ni Kristus, taan mahkiit uman ang kinanaram né nimaopo néra im puuna wo ung kapaaz né roh wia ung kaayahan.

1 Timutius 4:3

Ni séra é mahséro' sé tou in zéi'kan toro kumawéng, wo wéwéhan kasii ang kakanen sinéro' néra im pahkanen. Taan un ulitna péléng ang kakanen ém winangunomé ni Opo Empung in toro kanen. Sa sé tou ma'éman wia si Yesus wo mata'umo an tutuzu' ulit ni Opo Empung kuman niitu, un ipahpuu-puuna éng kumuapé'la u makasé wia si Opo Empung taré séra kuman ang kakanen itii.

1 Timutius 4:8

I mahnanaram un awak wo enté' ém wéwéhan un torona taan toyo' uman. Taan i mahnanaram un tou i mahragés wia si Opo Empung ém wéwéhan torona im wana am péléng, pahpaan niitu é mahalimé ung kamang witu ung katou-touan in tarékan wo in tumondong.