Kolose 2:20 - Taaz Weru Witu u Nunuwu'en Tombulu

²⁰ Ni kamu én tanu nimatémo karia ni Kristus, wo mémoipiloté im witu ung kawasa né roh léwo' wia ung kaayahan, kaa kamu kinawasapé' a léwo'an wia ung kaayahan? Kaa kamu menou-nou mahkiitpé' an tinotoz né wia ung kaayahan, in téntii:

Kolose 2:20 Iomraidhean Croise

Yohanes 15:19

Sa ni kamu masuat karia né tou wia ung kaayahan kenu sé zéi'kan ma'éman ni Aku, tantumo sé tou itii é rumaraaté ni kamu pahpaan ni kamu én anu néra. Taan pahpaan ni Aku é niméléngo ni kamu im wia sé tou wia ung kaayahan kenu, niitumo ni kamu én zéi'mo anu né tou wia ung kaayahan kenu. Pahpaano niitu sé tou wia ung kaayahan kenu nimazi'zisola ni kamu.

2 Korintus 10:3

Zozo' ni kai é menou-noupé' wia ung kaayahan, taan um pakahsaru nai sé tou mahtuzu' an zéi'kan ulit én zéi'kan tanu um pakahsaru né tou wia ung kaayahan.

Galatia 4:3

Téntu kangkasii ni kita: Sa ung katou-touanta é mahasa-asarpé' sé koki', ni kita ém pahata-atampé' an tinotoz wia ung kaayahan kenu.

Galatia 6:14

Taan um pahloo-loozku én zéi'kan un touku, si pahloo-loozku é si Yesus Kristus Mahpiarata si nimaté sinalip. Pahpaan si Yesus Kristus Mahpiarata nimaté sinalip, niitumo, am pahileken né tou wia ung kaayahan kenu im wéwéhan torona én zéi'mo siapa torona im wia ni aku. Wo ni aku én tanumokan i nimatémo im wia ung kaayahan kenu.

Efesus 2:15

Pahpaan, karia ni Sia nimaté witu u salip, ni Sia nimangun un ukum Torat karia péléng an tinotoz wo am perénta witu zinéi'mo. Wo sé tou Yahudi karia né tou zéi'kan Yahudi maéndo tou wineru sé nimaesa im wia si Kristus wo karia um patéan-Na itii, si Kristus nimangun ni séra toro mahlé'o-lé'osan.

Kolose 2:14

wo ziméi'la an utang mémoikapantik a léwo'zéi' im waérenta, a mahindé' wo mukum ni kita pahpaan zéi'kan kawawaanta i maér. Si Opo Empung ziméi'la an utangta i nimakula um pinantikan an utangta itii witu u salip.

Kolose 2:16

Niitumo, tia' ipahwaya niou sé tou walina i mapahsasala' ni kamu tumoro um pahkanen wo um pahelepen niou, kaapa tumoro an endo wangko' pahlé'osen né tou Yahudi sekez in ta'un, kaapa am pahlé'osen sekez i loloho'en weru, kaapa kangkasii tumoro un endo Sabat né tou Yahudi,

Kolose 2:21

“Tia' mahtion ung kenu”, “Tia' mahpé'an ung kenuma”, “Tia' mahsahiz ung kenu?”

Kolose 2:8

Mile-ilek, én taa wéwéhan sé maheenou ni kamu karia an tutuzu' néra an zéi'kan siapa torona wo mahlululu uman um pa'émanen niou um wia si Kristus. An tutuzu' néra én zéi'kan mahkiit an tutuzu' ni Kristus, taan mahkiit uman ang kinanaram né nimaopo néra im puuna wo ung kapaaz né roh wia ung kaayahan.

Kolose 3:3

Pahpaan ung katou-touan niou im puuna u mahkiit uman u lelo léwo' wia ung kaayahan é mémoitula'u nioula, ni kamu én tanu nimatémo. In tarékan ung katou-touan niou én zéi'kan katulapan né tou pahpaan ni kamu é nimaesamo karia ni Kristus, si nimaesa karia ni Opo Empung, witi kasendukan.

Ibrani 13:9

Tia' kamu mahkiit péléng an tutuzu' a nimahwali-walinaan an zéi'kan siapa kaulitan mengiit u Nuwu' Lé'os tumoro si Yesus, an ipahtuzu' né tou walina an toro mangun ni kamu ikalulu. Un atéta é léwo'zéi' nienté' karia ung kamang méitambér ni Opo Empung, pahpaan niitumo um wangun, zéi'kan karia an tinotoz tumoro ang kakanen an zéi'kan siapa torona im wia ni séra sé mahkiit niitu.

Yakobus 4:4

É kamu sé nimaliuz a méitaaz! Zéi'kan kata'uan niou wé sa kamu mahkaloan karia ung kaayahan, ni kamu é makahkoro' wo si Opo Empung? Niitumo, séi si mahkaloan karia ung kaayahan kenu, ni sia nimangun un touna maéndo kakoro' ni Opo Empung.

1 Yohanes 5:19

Kata'uanta i ni kita ém wia si Opo Empung a méyé wo ung kaayahan kenu éng kinawasa ni tonaas né sétang.