Kolose 2:19 - Taaz Weru Witu u Nunuwu'en Tombulu

¹⁹ Ni séra kangkasii én zéi'mo mahkiit un tutuzu' ni Kristus si tanu ulu im witu un awak, wo un awak é sé tou-Na. Am witu un awak itii ém pahtu'tul-Na wo péléng nimaesa, tanu sé tou-Na in zéi'kan mata'u matampasan. Karia in téntu, kuramo un awak mahtu'amé mengiit ung kapaaz ni Opo Empung, téntumo um pa'émanen niou im wia si Opo Empung éng kaenté'na.

Kolose 2:19 Iomraidhean Croise

Lukas 5:38

Un anggor weru é léwo'zéi' itahu' witu um pahtahu'an anggor werupé'.

Yohanes 17:21

Ni Aku mengaléi, wo ni séra péléng maesa, tanu si Ama' nimaesa karia-Ku wo ni Aku nimaesa karia ni Ama'. Wo ni séra kasii nimaesa karia ni Kita, wo sé tou walina wia ung kaayahan kenu ma'éman i si Ama' si nimatumé ni Aku.

Kisah Rasul-rasul 4:32

Péléng sé tou ma'éman én esa genang wo nimaesaan, wo zéi'kan siapa zozo' in esa si mahkua im péléng an anuna én anuna in esa, taan péléng an anuna én anu néra péléng.

Roma 11:17

Sé woopira im wia sé tou Yahudi én tanu am panga kai zaitun ni Opo Empung ang kinetoro. An iéndomé pangana ang kai zaitun wana an talun an ilaput witu ung kai zaitun ni Opo Empung. Ni kamu in tou zéi'kan Yahudi én tanu am panga kai zaitun wana an talun. In tarékan, ni kamu é nimakaileko ung katou-touan wo ung ketez witu un ahmut ung kai méitanem ni Opo Empung.

1 Korintus 1:10

Katuari-katuari! Pahpaan ni aku nimaesa karia ni Yesus Kristus si Mahpiarata, ni aku sumésama wia ni kamu, wo ni kamu én esa nuwu', tia'mo mahéndo-éndoan taan maesaanola wo esa genang.

1 Korintus 11:3

Taan kapaazku ni kamu é mata'u un téntii: si Tonaas ni tuama é si Kristus wo si tonaas ni wéwéné é si tuama, wo si Tonaas ni Kristus é si Opo Empung.

1 Korintus 3:6

Ni aku si timanem, si Apolos si mahsirang. Si mangun a méitanem itii i mahtou é si Opo Empung.

Efesus 1:22

Péléng am péléng ém winanguno ni Opo Empung ing kawasan ni Kristus wo nimayo si Kristus wia sé jamaat i maéndo tonaas néra.

Efesus 1:23

Sé jamaat én awak ni Kristus. Si Kristus nimangun sé jamaat-Na nimalekep im wana péléng am péléng.

Efesus 2:21

Ni Siamo si timu'tul péléng am wéténgna um walé itii maéndo walé Lenas ni Opo Empung.

Efesus 4:3

Mahtututu'la i menou-nou i mahesa-esaan pahpaan si Roh ni Opo Empung si nimangun ni kita nimaesaan wo menou-noula in zéi'kan siapa ikaarét.

Efesus 5:29

Pahpaan, zéi'kan kawisa si tou mazi'zis un awakna in esa, taan tantumo ni sia é miara wo murus un awakna tanu si Kristus nimiara wo nimurus sé jamaat-Na.

Filipi 1:27

Un totoz ipahpuu-puuna in tarékan, pahpaan ni kamu é ma'émano wia si Kristus, ung katou-touan niou é léwo'zéi' i masuat karia an tutuzu' ni Kristus mengiit u Nuwu' Lé'os tumoro ni Sia. Karia in téntu sa aku mangémé, ni aku én toro mileké, kaapa sa aku zéi'kan mangémé wia ni kamu, ni aku én tumalinga i ni kamu én esa genang, nimaesaan i mahtututu' mahwoka' u Nuwu' Lé'os tumoro si Kristus, enté' um pa'émanen, wo ni kamu mahwali-wali i mahtututu' mahwoka' u Nuwu' Lé'os tumoro si Yesus Kristus wia sé tou wo séra toro ma'éman.

Kolose 1:10

Karia in téntu, ung katou-touan niou ém wangun im witu u sinaru ni Mahpiara wo ni kamu éng kapaaz-Na im wana am péléng wo mua'mé am wangun im wana péléng am pahpaayangen niou, wo kalousna i mata'u tumoro ang kapaaz ni Opo Empung.

Kolose 1:18

Ni Sia én ulu wo sé jamaat én awak. Ni Sia si kataré-taré wo ni Sia si puuna méitoumé ni Opo Empung im wia sé nimaté, niitumo ni Sia si ipahpuu-puuna im wana péléng am péléng.

Kolose 2:2

Ni aku nimangun un téntu wo un até néra én toro maenté' wo mahesa-esaan pahpaan i mahraa-raatéan. Karia in téntu, ni séra péléng én uli-ulit makatulap wo totoz mata'ula un im puuna zéi'kampé' méipapata'u ni Opo Empung. Un zéi'kampé' méipapata'u itii é si Kristus in esa.

1 Tesalonika 3:12

Mengalé-ngaléi uman si Mahpiara é mangun ni kamu kalousna i mahraa-raatéan wo kasii kalousna i rumaraaté sé tou walina, tanu u raraatéan nai wia ni kamu.

1 Tesalonika 4:10

Wo niitu é méipapailek niouo wia sé katuari esa pa'émanen wia péléng an tana' Makedonia. Taan katuari-katuari, ni kai é sumésama wia ni kamu, wo ni kamu uli-ulit kalousna i mahraa-raatéan.

2 Tesalonika 1:3

Katuari-katuari, pahpaan ni kamu ni kai sekezé é léwo'zéi' ing kumua u makasé wia si Opo Empung. Ni kai é léwo'zéi' i mahwangun un téntu pahpaan ni kamu éng kalousnamo i ma'éman wia si Yesus wo ni kamu si esa wo sé walina éng kalousnamo i mahraa-raatéan,

1 Petrus 3:8

Ing kamurian, kapaazku ni kamu én esa genang, mahgena-genangan, rumaraaté sé tou esa pa'émanen, meripu' umané i rumaraaté wo zéi'kan wera'.

2 Petrus 3:18

Taan, ni kamu é mahtututu'la wo kalousna i mé'an ung kamang tatambér ni Yesus Kristus Mahpiara wo si nimilot ni kita im witu un ukuman wana a singkéla'. Mahtututu'la wo ni kamu totoz mata'u ni Sia. U looz wo sigi' ém wia uman ni Sia, in tarékan makaz ing kauré-uré. Amin.