Kolose 2:16 - Taaz Weru Witu u Nunuwu'en Tombulu

¹⁶ Niitumo, tia' ipahwaya niou sé tou walina i mapahsasala' ni kamu tumoro um pahkanen wo um pahelepen niou, kaapa tumoro an endo wangko' pahlé'osen né tou Yahudi sekez in ta'un, kaapa am pahlé'osen sekez i loloho'en weru, kaapa kangkasii tumoro un endo Sabat né tou Yahudi,

Kolose 2:16 Iomraidhean Croise

Matius 15:11

“Talingana wo wéhanla genang: zéi'kan a mahuntepa witu u sumah a mahwangun si tou makati'tiren, taan a mondolé im witu u sumah, niitumo u mahwangun si tou makati'tiren.”

Markus 7:19

pahpaan a mahuntepa itii én zéi'kan nimuntepa witu un até, taan mahuntep umana witu um poot a maitia'mé witi muri?” Karia ing kimuama un téntu, si Yesus éng kimua im péléng ang kakanen én toro kanen.

Kisah Rasul-rasul 15:20

Taan ni kita é léwo'zéi' i mantika um pinantik iwéhé wia ni séra, wo séra tia' mahkan ang kakanen a mémoiragés wia sé opo-opo, mahseza' a lé'ona né binatang nimaté ing kinezangan wo un zaha'. Ni séra kasii én zéi'kan toro mahsamek.

Roma 14:10

Taan ni ko, kaa am pahwangunen né katuari esa pa'émanen ém pahtotozennu in ulit kaapa zéi'kan? Kaapa kaa ni ko memawa' sé katuari esa pa'émanen? Pahpaan ni kita péléng én isaru wia si Opo Empung in totozen am pahwangunen ulit kaapa zéi'kan.

Galatia 4:10

Wéwéhan an endo wangko', a loloho'en, an oras wo an ta'un an tinotoz niouo im pahlé'osen mengiit un ukum Torat.

Kolose 2:20

Ni kamu én tanu nimatémo karia ni Kristus, wo mémoipiloté im witu ung kawasa né roh léwo' wia ung kaayahan, kaa kamu kinawasapé' a léwo'an wia ung kaayahan? Kaa kamu menou-nou mahkiitpé' an tinotoz né wia ung kaayahan, in téntii:

Ibrani 13:9

Tia' kamu mahkiit péléng an tutuzu' a nimahwali-walinaan an zéi'kan siapa kaulitan mengiit u Nuwu' Lé'os tumoro si Yesus, an ipahtuzu' né tou walina an toro mangun ni kamu ikalulu. Un atéta é léwo'zéi' nienté' karia ung kamang méitambér ni Opo Empung, pahpaan niitumo um wangun, zéi'kan karia an tinotoz tumoro ang kakanen an zéi'kan siapa torona im wia ni séra sé mahkiit niitu.

Ibrani 9:10

Pahpaan péléng am pahwangunen néra itii én tumoro uman ang kakanen, am pahelepen wo am pahwangunen néra i meresi un tou néra mengiit um pakahragés né tou Israel. Péléng niitu én tinotoz uman né tou, zéi'kan mangun sé tou maéndo ulit witu u sinaru ni Opo Empung. Péléng an tinotoz an toro pahileken itii én zéi'kan mauréma, makaz uman si Opo Empung i mangun péléng am péléng nimaweru.

Yakobus 4:11

Katuari-katuari, tia' kamu mahtatawurukan! Séi si mahtawuruk kaapa mapahsasala' si katuarina esa pa'émanen, ni sia é mahtawuruko wo mapahsasala'mo un ukum ni Opo Empung. Wo sa ko mapahsasala' un ukum itii, ni ko én zéi'kan mahwangun un ukum itii taan nimaéndomo menonotoz ulit kaapa zéi'kan un ukum itii.