Kolose 2:15 - Taaz Weru Witu u Nunuwu'en Tombulu

¹⁵ Karia si Kristus nimaté i sinalip, si Opo Empung éng kimala péléng sé roh léwo' sé mahpeperénta wo sé mahkakawasa, wo nimangun ni séra méipapaiza-izang witu u sinaru né tou lakez pahpaan ni Sia é nimuntungo im wia ni séra.

Kolose 2:15 Iomraidhean Croise

Matius 12:29

Kura si tou mahuuntep um walé ni tou ketezen i makumahat a sangkumna, sa sia zéi'kampé' niapusnala? Si tou ketezen itii apusennapé'la wo taré sia toro kumahat am witu um walé itii.

Lukas 10:18

Ang kuan ni Yesus wia ni séra, “Niilek-Ku si tonaas né sétang nimagogomé im witi langit tanu an tila'pong.

Lukas 11:22

Taan sa wéwéhan tou si kumetezenpé'mé sumaru wo kumala ni sia, si tou itii makumahat ang kokoro' u mahkelung si tou ketezen itii, an ipeméténgnala wia sé kakariana a sangkum kinahatnamé itii.

Yohanes 16:11

Wo ni Sia kasii mapata'u i si Opo Empung én timotozo ulit kaapa zéi'kan am pahwangunen né tou, pahpaan si tonaas né sétang si mahkawasa wia ung kaayahan kenu é niukumo.

Yohanes 19:30

Makapé'anla un anggor esem itii, a si Yesus kumuama, “Simampetola.” A Sia tumuktukla an iayo-Nala ung katou-touan-Na.

1 Korintus 15:24

In toro niitu ung kaayahan é mazéi'. Péléng sé mahperénta, péléng sé mahkawasa wo péléng ang ketez wia ung kaayahan kenu é léwo'en ni Yesus. Kumawusa niitu, ung kawasa-Na ing Kolano én iayo-Na wia si Opo Empung, si Ama'-Na.

2 Korintus 2:14

Taan ni aku éng kumuama u makasé wia si Opo Empung, pahpaan ni Sia si nimaéndo tonaas si sekezé én timatér ni kai karia ung kawasa ni Kristus, makaz ni kai toro muntung. Ni kai é méiatu ni Opo Empung wo séra mata'u si Kristus, tanu u mahwou tariis ing kawouanna né tou lakez wisa uman un angéan nai.

2 Korintus 4:4

Sé tou itii zéi'kan ma'éman pahpaan ung genang néra éng kinawasapé' ni tonaas né sétang si kimawasa wia ung kaayahan kenu. Niitumo, zéi'kan kailekan néra u sena' u Nuwu' Lé'os tumoro ung kawangko'an ni Kristus si totoz masuat wo si Opo Empung.

Efesus 3:10

Wo mengiité sé jamaat, si Opo Empung in tarékan toro mapata'u ang ginenang-Na tumoro péléng ang katulapan-Na wia sé mahperénta wo sé mahkawasa witi kasendukan.

Efesus 4:8

Niitumo, witu um Pinantik Lenas méipantik in téntii, I ni Sia nimawénéta mangé witi tampa totoz rakék, ni Sia nimahalima sé kakoro'-Na sé tinionan-Na, Wo ni Sia é méhé an tatambér wia sé tou.

Efesus 6:12

Pahpaan ni kita i mahkoro' én zéi'kan mahsaru sé tou, taan mahsaru sé pa'opoen léwo' mahperénta wia ung kaayahan wo péléng ang kawasa a mahperénta sé roh léwo' itii. Ni kita kasii é mahkoro' mahsaru ang kawasa wana ang karimbengbengan im wia ung kaayahan kenu wo sé roh léwo' witi langit.

Kolose 1:16

Pahpaan si Yesus nimaesa karia ni Opo Empung am wangunen péléng am witi kasendukan wo am wia ang kaayahan, ang kaile-ilekan wo an zéi'kan kaile-ilekan, a rurumezan né kolano wo ung kakolanoan, téntu kangkasii sé roh mahkakawasa wo mahpeperénta. Péléng niana ém winangun ni Opo Empung mengiité si Kristus wo méiwéhé wia ni Sia.

Kolose 2:10

Wo pahpaan i nimaesamo karia ni Kristus, ni kamu ém winéhan ung katou-touan nimawutul. Ni Siamo si tonaas péleng né roh sé mahpeperénta wo sé mahkakawasa.

Ibrani 2:14

Sé koki' sé méiwéhémé ni Opo Empung itii é sé tou uman sé winangun karia u lé'ona wo un zaha'. Niitumo, si Yesus nimaéndo tou uman si winangun karia u lé'ona wo un zaha' tanu sé tou uman sé toro maté. Karia Sia i nimaté, ni Sia éng kimalamoma si tonaas né sétang si kimawasa witu um patéan.

Wahyu 12:9

Si naga tua'na itii é si ulé' tu'a, si pahkuan kangkasii in tonaas né sétang kaapa si sétang mahlulu sé tou. Ni siamo si limulu péléng sé tou wia ung kaayahan wo ni sia kasii méilombo'mé wia ung kaayahan karia né malaekatna.

Wahyu 20:10

Si tonaas né sétang si limulu sé tou itii é méiwerita witu un tasik api wo walélang melaya-layas, um wineritan kasii si binatang makaindé'en wo si nabi towo. Im witu ni séra péléng ém pahzézéhan endo wo wengi makaz ing kauré-uré.