Kolose 2:13 - Taaz Weru Witu u Nunuwu'en Tombulu

¹³ Ni kamu kangkasii, im puuna in zéi'kampé' ma'éman én tanu nimatémo pahpaan a siningkéla' wo pahpaan zéi'kan sinunat witu un awak, taan in tarékan ni kamu é méitoumomé sumaup ni Opo Empung karia ni Kristus, kumawusa si Opo Empung i niméhéla ampungan wana a singkéla'ta,

Kolose 2:13 Iomraidhean Croise

Lukas 15:24

Pahpaan si oki'ku kenu én tanu a nimatémo a matoumé sumaup, si méikalulu éng kinailekanola sumaup.’ A séra péléng rengan i mahpaa-paaz.

Lukas 15:32

Niitumo ni kita ém wangun i mahpaa-paaz pahpaan si tuarimu én tanu nimatémo a matoumé sumaup, si méikalulu éng kinailekanola sumaup.’ ”

Lukas 9:60

Ang kuan ni Yesus wia ni sia, “Iwayamola sé tou nimatémo i malumewengla sé nimatémo. Taan ni ko, mangémo wo maiwoka'la tumoro ung Kakolanoan ni Opo Empung.”

Yohanes 5:21

Pahpaan tanu si Ama' én tumou sumaup sé tou nimatémo wo méhé wia ni séra ung katou-touan, téntu kangkasii si Oki' é méhé ung katou-touan wia si séi uman si kapaaz-Na.

Yohanes 6:63

Si Roh ni Opo Empung si mahwéhémé ung katou-touan, ung kaenté'an ni tou én zéi'kan siapa torona. A nuwu' méikua-Kuma wia ni kamu é nuwu' ni Roh ni Opo Empung u mahwéhémé ung katou-touan.

Roma 4:17

Tanu u méikua ni Opo Empung u méipantik witu um Pinantik Lenas, “Ni ko én tinotoz i maéndo ama' né tahsasana wanua lakez.” Ni sia én ama'ta im witu u sinaru ni Opo Empung. Un taaz itii é méiwéhéla ni Opo Empung wia si Abraham wo totoz pa'émanenna un taaz ni Opo Empung, si timou sumaup sé nimaté. Ni Sia kasii si numuwu' umana é mangun an zéi'kan siapa é mawia.

Roma 6:13

Tia' un awak niou iwéhé ing kawasaan a singkéla' i mangun a léwo'an. Taan iwéhéla un tou niou wia si Opo Empung, tanu si tou im puuna nimatémo wo in tarékan é nimakaileko ung katou-touan weru, wo iwéhémola un awak niou i mahwangun um paaz ni Opo Empung.

Roma 8:11

Si Roh ni Opo Empung, si timou sumaup si Yesus im wia sé nimaté é nimaesamo karia niou. Ni Sia si timou sumaup si Kristus Yesus im wia sé nimaté é méhé ung katou-touan witu un awak niou u maléwo' itii mengiité si Roh-Na si nimaesaan karia niou.

1 Korintus 15:36

Si tou meligau in téntu é si tou lemou. Am watuna tatanemen méikerozmula én zéi'kan sumuzu wo tumou sa am watuna tatanemen itii zéi'kan tinawunan, niitu é masut um watuna tatanemen itii é matépé'la wo taré tumoumé.

1 Korintus 15:45

Tanu u méipantik witu um Pinantik Lenas in téntii, “Si Adam é si tou kataré winangun ni Opo Empung a sia wéhan-Na ung katou-touan.” Taan si Adam totoz kamurian é si Kristus. Ni Sia é si Roh si mahwéhé ung katou-touan wia sé tou.

2 Korintus 3:6

Ni Sia si nimangun ni kai makawawa i maéndo tou maayang a méiatu-Na i mahwoka' um pinataazan weru wia sé tou. Um pinataazan weru itii ém pahpaayangen ni Roh Lenas. Um pinataazan weru itii én zéi'kan am pinantik witu ung kitap Torat. Pahpaan a méipantik witu ung kitap Torat é mahwali sé tou witu um patéan, taan si Roh Lenas é mahwali ni kita witu ung katou-touan.

2 Korintus 5:19

Ang kenu an ipahwoka' nai: Winangun ni Opo Empung sé tou wia ung kaayahan i mawurian sumaup karia-Na, mengiité si Kristus. Niana im winangun ni Opo Empung, zéi'mo kagenangan-Nala ang kasumalaan pinahwanguné né tou. Ni Sia kasii é niméhé wia ni kai um paayangen mahwoka' u Nuwu' Lé'os i sé tou én toro mawurian sumaup karia-Na.

Efesus 2:1

Puunala ni kamu i ma'éman, ni kamu én tanu nimatémo pahpaan a léwo'an wo a singkéla' niou.

Efesus 2:11

Niitumo gena-genangen, rengan ni kamu nimatoumé ni kamu én zéi'kan tou Yahudi. Ni kamu ém pahkuan in tou zéi'kan sinunat né tou Yahudi, sé tou sinunat itii u makaizangen néra ém wéwéhan um walulangna i sinunat um winangun né kasuat tou.

Efesus 5:14

Niitumo wéwéhan u méikua, “Tumoozomé, é ni ko si timekel, mawongkémomé im wia sé nimaté wo si Kristus maéndo sena' witu ung katou-touannu.”

Kolose 2:12

Pahpaan i ni kamu sinarani, a singkéla' niou én tanu mémoileweng karia ni Kristus; wo karia i sinarani kangkasii ni kamu é mémoitoumé sumaup wo nimakailek ung katou-touan weru mahwali-wali karia ni Kristus, pahpaan ni kamu é ma'éman ung kawasa ni Opo Empung si timoumé sumaup si Kristus im wia sé nimaté.

1 Timutius 5:6

Taan si wéwéné mahesa-esamokan si menou-nou mengiit uman um paazna in esa, zozo' sia i menou-noupé' taan ni sia é masuatokan i nimatémo.

1 Timutius 6:13

In tarékan witu u saru-sarun ni Opo Empung si mahwéhémé ung katou-touan wia péléng sé menou-nou wo witu u saru-sarun ni Kristus Yesus, si nimakaulitola ang kata'uan-Na tumoro ang kaulitan witu u sinaru ni Pontius Pilatus, pahaléiengku wia ni ko:

Ibrani 6:1

Niitumo, méyémo kita méra i mahtata'u an tutuzu' a lumouspé'mé an tutuzu' kataré-taré u nimaéndo to'tolan tumoro um pa'émanen wia si Kristus, wo um pa'émanenta éng kalutu'na. Tia'mo mawuri sumaup wana an tutuzu' kataré-taré tumoro un tumula'ula am pemangu-mangunen an zéi'kan siapa torona wo kasii an tutuzu' tumoro kura i ma'éman si Opo Empung.

Ibrani 9:14

apapé' kasii un zaha' ni Kristus mengiité ung kawasa ni Roh Lenas si makaz ing kauré-uré é méiwéhé-Na in esa wia si Opo Empung i maéndo raragés zéi'kan siapa pahséro'an. Un zaha' ni Kristus itii u mangun un atéta weresi im wana am pemangu-mangunen an zéi'kan siapa torona, wo kita toro lumooz wo maayang wia si Opo Empung si menou-nou.

Yakobus 2:17

Téntu kangkasii um pa'émanen: Sa um pa'émanen itii én zéi'kan pahileken wana am pahlé'osen, um pa'émanen itii én zéi'kan siapa torona.

Yakobus 2:20

É tou lemou, paaz ko wé in tarékan i makaulité sa um pa'émanen zéi'kan kinaria um pahlé'osen én zéi'kan siapa torona?

Yakobus 2:26

Pahpaan tanu un awak sa zéi'kan kinaria ni roh é nimaté, téntu kangkasii um pa'émanen, sa zéi'kan kinaria am pahlé'osen é nimaté.

1 Yohanes 2:12

É kamu sé koki', ni aku é mantika ang kenu wia ni kamu, pahpaan a singkéla' niou é niampungano pahpaan u ngaran ni Yesus Kristus.