Kolose 1:6 - Taaz Weru Witu u Nunuwu'en Tombulu

⁶ u mémoiwoka' wia ni kamu. U Nuwu' Lé'os itii é mémoiwoka'ma wia sé tou lakez wia ung kaayahan, wo u Nuwu' itii kangkasii éng kimamang ung katou-touan né tou wia ung kaayahan, tanu ung katou-touan niou ing kinamang rengan ni kamu in timalinga wo uli-ulit mata'u ung kamang méitambér ni Opo Empung.

Kolose 1:6 Iomraidhean Croise

Matius 24:14

U Nuwu' Lé'os tumoro ung Kakolanoan ni Opo Empung kenu én ipakawoka' wia péléng sé tou wia ung kaayahan wo péléng sé tou toro tumalinga wo mata'u. Kumawusa niitu, taré ikaayola witu ung kaakazan ung kaayahan.”

Matius 28:19

Niitumo, mangémo wangunela péléng sé tahsasana wanua maéndo pahtuzu'eng-Ku wo saranila séra karia u ngaran ni Ama', ni Oki' wo ni Roh Lenas,

Markus 16:15

Ang kuan-Na wia ni séra, “Mangémo wia péléng ung kaayahan, wo iwoka'la u Nuwu' Lé'os ni Opo Empung wia péléng sé tou.

Markus 4:8

Taan am watuna tatanemen walina é méikagogoma witu un tana' rembuz, timoumé totoz wangun a mua'mé. Am wua'na niupu'mé wana an tinanem itii ém wéwéhan a makateluna pulu'mé, wéwéhan a makaenemna pulu'mé wo wéwéhan kasii a makasana atusé.”

Yohanes 15:16

Zéi'kan ni kamu sé niméléng ni Aku, taan ni Aku si niméléng ni kamu. Ni Aku nimatu ni kamu wo ni kamu mangé wo mangun lakez am paayangen lé'os wo am wua'na am paayangen niou é memia-mia makaz ing kauré-uré. Karia in téntu, apa uman um pahaléien niou wia si Ama' mengiité u ngaran-Ku, niitu én iwéhé-Na wia ni kamu.

Yohanes 17:19

Ni Aku nimayo un tou-Ku i maéndo anu ni Ama' uman pahpaan sé pahtuzu'eng-Ku, wo séra mayo un tou néra wia si Ama' mengiité ung kaulitan u nuwu' ni Ama'.

Yohanes 4:23

Taan un orasna é méyé wo tarékano un orasna i sé tou sé uli-ulit mahragés é marumagés wia si Ama' karia ung kawasa ni Roh Lenas wo ang kaulitan. Pahpaan si Ama' é mahpenéro sé tou mahragés tanu niitu wia ni Sia.

Kisah Rasul-rasul 11:18

Kaitalingamé niitu, ni séra é méikapenes. Tumondongla niitu a séra mahlooz si Opo Empung karia i mahkua, “Niitumo, maan wia sé tou walina sé zéi'kan Yahudi kangkasii én tinambérano ni Opo Empung un oras in tumula'u a singkéla' wo séra toro makailek ung katou-touan makaz ing kauré-uré.”

Kisah Rasul-rasul 12:24

U Nuwu' ni Opo Empung éng kalousna im pahkawoka'ma wo kalakezna kasii sé tou nima'éman.

Kisah Rasul-rasul 16:14

Si esaané im wia sé wéwéné itii é makangaran Lidia. Ni sia ém witi wanua tua'na Tiatira a méyé, memamangkér a roko' tina' wo meraragés wia si Opo Empung. Si Mahpiara é nimangun ni sia nimatulap makaz ni sia én totoz mahwéhé genang wana an ipahkua ni Paulus.

Kisah Rasul-rasul 26:18

i mangun am weren néra mawula', wo ni séra zéi'mo menou-nou witu ung karimbengbengan taan menou-nou witu un ayah. Wo menou-nou zéi'mo kinawasa ni tonaas né sétang taan mahkiito um paaz ni Opo Empung. Wo pahpaan um pa'émanen néra wia ni Aku, ni séra é makailek un ampungan wana a singkéla' néra. Wo ni séra kasii é makailek um wéwéténgan im wana an tinotozo in iwéhé ni Opo Empung wia sé tou sé linenas-Na.’

Roma 1:13

Katuari-katuari, ung kapaazku éng kata'uan nioua i ni aku én urémo megena-genang i mangé wia ni kamu, taan makaz in tarékan én zéi'kampé' méikaangémé pahpaan sekezé ém wéwéhan a mahraung. Kapaazku am pinaayangku im wia ni kamu ém wéwéhan torona, tanu am pinaayangku am wéwéhan torona im wia sé tou zéi'kan Yahudi witi tampa walina.

Roma 15:19

karia a makakompo'en wo an zéi'kan kakuaan pahpaan ung kawasa ni Roh ni Opo Empung. U Nuwu' Lé'os tumoro si Yesus Kristus é mémoipahwoka'kumé wia sé tou, rengané im witi Yerusalem makaz witi Ilirikum.

Roma 15:28

Niitumo, sa ni aku simampetoma wo niméhémoma an zoit sasawang né tahsasana wanua walina itii wia ni séra, taré ni aku mangé witi Spanyol lumangkoié um wanua tua'na niou.

Roma 16:26

In tarékan witu um perénta ni Opo Empung si makaz ing kauré-uré, u méikawunipé' itii é mémoipahwoka' wana a méipantik né nabi wia péléng sé tahsasana wanua i mahkit ni séra i mahtali-talinga wia si Opo Empung si pa'émanen néra.

2 Korintus 10:14

Ni kai i mahwoka' u Nuwu' Lé'os tumoro si Kristus é méikaayomoma wia ni kamu wo ni kai én zéi'kan limeweta taan nimakaz umanla witu un tampa tinotozo im pahpaayangan nai.

2 Korintus 6:1

Ni kai éng kapaayang ni Opo Empung, niitumo ni kai sumésama wia ni kamu, tia' ung kamang méitambér ni Opo Empung ung kinailekan niouo én zéi'kan siapa torona.

Efesus 3:2

Tantumo ni kamu én timalingamo um paayangen méiwéhé ni Opo Empung wia ni aku in tumulung ni kamu mapata'u tumoro ung kamang méitambér ni Opo Empung.

Efesus 4:21

Pahpaan ni kamu én timalingamo an tumoro ni Sia wo ni kamu i mahkii-kiit ni Sia én tinuzu'mo karia an tutuzu' ulit tumoro si Yesus Kristus.

Efesus 4:23

wo un até wo ung genang niou ém werun ni Roh Lenas.

Efesus 5:9

Pahpaan si tou menou-nou witu un ayah é mahwua'mé ang kawangunan, zéi'kan mahsanaweka wo ulit.

Filipi 1:11

Ni aku kasii é mengaléi wo kamu toro memangu-mangun an ulit. Si Yesus Kristus uman si toro mangun ni kamu mangun niitu i mahsigi' wo mahlooz si Opo Empung.

Filipi 4:17

Zéi'kan a méiwéhémé itii am penérongku, taan ung kapaazku si Mahpiara éng kalakezna i mahwéhémé péléng am péléng wia ni kamu pahpaan simawangomé ni aku.

Kolose 1:10

Karia in téntu, ung katou-touan niou ém wangun im witu u sinaru ni Mahpiara wo ni kamu éng kapaaz-Na im wana am péléng wo mua'mé am wangun im wana péléng am pahpaayangen niou, wo kalousna i mata'u tumoro ang kapaaz ni Opo Empung.

Kolose 1:23

Niitumo, ni kamu én tia'mo kumana' i ma'éman wo tia'mo mahzua-zua genang. Ni kamu én uli-ulit ma'émanla wo tia' ipahtutula'u um pahéré'an niou witu u Nuwu' Lé'os tumoro si Yesus, un tinalinga niouo itii. U Nuwu' Lé'os itii é méikawoka'mo wia ung kaayahan, wo ni aku, Paulus, si mahpaayang a méiatu ni Opo Empung i mapata'u u Nuwu' Lé'os tumoro si Yesus itii.

1 Tesalonika 1:5

Pahpaan u Nuwu' Lé'os tumoro si Yesus un ipahtuzu' nai wia ni kamu én zéi'kan uman karia u nunuwu'en, taan karia ung kawasa ni Roh Lenas wo karia ung kaulitan u Nuwu' Lé'os un totoz kata'uan nai. Kata'uan niouo kura ni kai mahpaayang i mahsawang ni kamu, i ni kai memali-mali karia niou.

1 Tesalonika 2:13

Wéwéhan kasii u nimangun ni kai zéi'kan kumana' i mahkua u makasé wia si Opo Empung, pahpaan i ni kai mahwoka'mé u Nuwu' ni Opo Empung wia ni kamu, ni kamu é simungkul u Nuwu' itii zéi'kan tanu u nuwu' um wia si tou a méyé, taan u Nuwu' um wia si Opo Empung a méyé. U Nuwu' itii én uli-ulit wia si Opo Empung a méyé, ung karegas i mahpaayang wia ni kamu in tou ma'éman.

2 Tesalonika 2:13

Katuari-katuari ikararaaté ni Opo Empung! Ni kai sekezé é léwo'zéi' ing kumua u makasé wia si Opo Empung pahpaan ni kamu. Pahpaan rengan im puuna ni kamu ém pinéléng-Namo in ipilot im witu un ukuman wana a singkéla', mengiité um pinaayang ni Roh-Na si nimangun ni kamu lenas wo mengiité um pa'émanen niou wana an tutuzu' ulit am wia ni Sia a méyé.

1 Petrus 5:12

Karia im pinahsawangala ni Silas, ni aku nimantika um pinantik potot uman kenu. Totoz kata'uangku i si Silas kenu éng katuariku esa pa'émanen wo ni sia én toro pahtali-talingan. Um pinantik kenu ém pinantikku wo iwéhékuma i sumésama wo totoz mapagenanga wia ni kamu sa niia én uli-ulit kamang méitambér um wia si Opo Empung a méyé. Totoz in enté'ela um pa'émanen niou im wana ang kamang méitambér ni Opo Empung itii.