Kolose 1:28 - Taaz Weru Witu u Nunuwu'en Tombulu

²⁸ Si Kristus itiimo si ipahwoka' nai wia si esa wo si esa, i ni kai mahsésa wo mahtuzu' ni séra karia ung katulapan u méiwéhémé ni Opo Empung, i mangun péléng sé tou uli-ulit ma'éman wia si Kristus.

Kolose 1:28 Iomraidhean Croise

Matius 28:20

wo tuzu'ela séra i mahwangun péléng a mémoiperénta-Ku wia ni kamu. Kata'uan nioula, ni Aku é menaté-natér ni kamu makaz ung kaakazan ung kaayahan.”

Matius 3:7

Taan i niileknala lakez sé tou wia sé sana réwok tou Farisi wo Saduki niméyé i mekisarani, ang kuana, “É kamu sé suzu ni ulé' melangu. Séi si kimuala wia ni kamu i ni kamu én toro tumingkasé witu un upi' ni Opo Empung u méyé.

Matius 5:48

Niitumo ni kamu é mahtututu'la wo ni kamu malekep tanu si Ama' niou si witi kasendukan i lekep.”

Markus 6:34

I simuwa'mola u londéi sinakéan néra, ilekena ni Yesus totoz lakez sé tou nimaréwok ma'ento' ni Sia. A mawiamé u raraatéan-Na wia ni séra pahpaan ni séra én tanumokan sé domba zéi'kan siapa si memimiara. A si Yesus rengan i mahtuzu' an tutuzu' lakez wia ni séra.

Lukas 21:15

Pahpaan ni Aku in esa si mapata'u wia ni kamu a nunuwu'en mawuta-wuta karia ang katulapan in iwingkot niou, wo sé kakoro' niou zéi'kan makawingkot um pahkua niou kaapa sumaru ni kamu.

Kisah Rasul-rasul 10:36

Kata'uan niouo u Nuwu' ni Opo Empung u méipapaayo wia sé tou Israel. Ni Sia éng kimua i sé tou é mawurian sumaup karia ni Opo Empung mengiité si Yesus Kristus, si nimaéndo Mahpiara péléng né tou.

Kisah Rasul-rasul 11:20

Taan im wia sé méikasera itii, wéwéhan sé woopira tou Siprus wo Kirene sé nimangé witi Antiokhia. Im witu, ni séra kasii é nimahwoka'mé u Nuwu' Lé'os tumoro si Yesus Mahpiara wia sé tou zéi'kan Yahudi.

Kisah Rasul-rasul 13:38

Niitumo katuari-katuari, kata'uan nioula im pahpaano ni Sia, ni kamu é nimakaileko um wowoka' tumoro un ampungan wana a singkéla' niou. Wo un ukum Torat én zéi'kan mata'u mangun ni kamu niéndo ulit.

Kisah Rasul-rasul 17:18

Wo wéwéhan kasii sé woopira méster an tutuzu' Epikuros wo an tutuzu' Stoa mahzéi'-zéi'an kariana. Wéwéhan sé mahkua, “Apa un ipahkukua ni wayaan uman kanuwu'an kenu?” Taan sé walina kasii é mahkua, “An ipahkua ni tou kenu én tumoro sé opo-opo zéi'kan kata'uan.” Ni séra mahkua in téntu pahpaan ni sia é mahwoka' u Nuwu' Lé'os tumoro si Yesus, wo tumoro si Yesus i méitoumé sumaup ni Opo Empung im wia sé nimaté.

Kisah Rasul-rasul 17:3

Ni sia nimapata'u wo mahtuzu' wia ni séra i si Mesias é léwo'zéi' i mazéha wo itou sumaup im wia sé nimaté. Ang kuan ni Paulus wia ni séra, “Si Mesias itii é si Yesus, si méipahwoka'kumola wia ni kamu.”

Kisah Rasul-rasul 20:31

Niitumo ni kamu é léwo'zéi' in tuméga-tégam. Gena-genangen, teluna ta'un ung kauréna endo wo wengi ni aku zéi'kan mazéi' i mahsésa wia ni kamu si esa wo si esa karia im pahlué'an.

Kisah Rasul-rasul 3:20

Ni Sia é mangun ni kamu maena'. Wo si Opo Empung kasii é matumé si Yesus, si rengané im puuna én tinotoz-Namo i maéndo Kristus niou.

Kisah Rasul-rasul 5:42

Wo sekez in endo, ni séra é mahtuzu' witi lésaz um Walé ni Opo Empung wo wana am walé. Ni séra é mahtuzu' u Nuwu' Lé'os tumoro si Yesus i ni Sia é si Mesias.

Kisah Rasul-rasul 8:35

A si Filipus rengan i mahnuwu' wia ni sia u Nuwu' Lé'os tumoro si Yesus. Ni sia é rimengana witu um pinantik ni nabi Yesaya un taré binacama.

Kisah Rasul-rasul 8:5

Si esaané im wia ni séra si makangaran Filipus é nimangé witi wanua tua'na esa witi tana' Samaria. Im wana ni sia mahwoka' wia sé tou tumoro si Mesias.

Kisah Rasul-rasul 9:20

In toro niitu kangkasii ni sia mahuntepa wana am walé peraragésan né tou Yahudi wo mahkua wia sé tou i si Yesus én Oki' ni Opo Empung.

Roma 16:25

U sigi' wo looz wia si Opo Empung! Ni Sia ém wéwéhan kawasa i menté' um pa'émanen niou mengiit u Nuwu' Lé'os tumoro si Yesus Kristus u méipahwoka'ku mengiit u méipapailek ni Opo Empung, u rengan ing kataré-taré méikawuni im wia sé tou.

1 Korintus 1:23

Taan ni kai é mahwoka' i si Kristus é nimaté sinalip. Un ipahwoka' nai kenu éng kasoo né tou Yahudi pahpaan mahwangun un até néra i rumara, wo im wia sé tou zéi'kan Yahudi niitu ém pahkuan néra ing kalemouan.

1 Korintus 1:30

Si Opo Empung si nimangun ni kamu nimaesa karia ni Kristus Yesus wo si Kristus Yesus nimangun ni kita makailek ung katulapan ni Opo Empung. Ni kita nimaéndo ulit im witu u sinaru ni Opo Empung, nimaéndo tou linenas ni Opo Empung wo timubus ni kita.

1 Korintus 12:8

Pahpaan wia si tou, si Roh Lenas én timambér un tulap i mahkua u nuwu' ni Opo Empung. Wo wia si tou walina, si Roh Lenas itii kangkasii si timambér ang kata'uan wo makawawa ing kumua ang kata'uan itii wia sé tou.

1 Korintus 15:12

Méipahwoka' nai wia sé tou i si Kristus é nimatémo an itoumé sumaup ni Opo Empung im wia sé nimaté. Kura kahuman im wia ni kamu ém wéwéhan sé mahkua sa sé nimatémo én zéi'kan itou sumaup?

1 Korintus 2:15

Si tou wéwéhan si Roh ni Opo Empung én toro mata'u wisa un ulit wo wisa un zéi'kan ulit, taan zéi'kan siapa tou toro tumotoz i ni sia én ulit kaapa zéi'kan.

1 Korintus 2:6

Zozo' in téntu, im wia sé tou totozo lutu' i ma'éman, ni aku éng kimuamoma ung katulapan. Ung katulapan itii é méyé zéi'kan wia ung kaayahan kaapa wia sé mahkawasa wia ung kaayahan kenu sé mazéi'en.

1 Korintus 4:14

Ni aku i nimantik ang kenu an iwéhéma wia ni kamu, zéi'kan i mapaiza-izang ni kamu, taan i suméro' ni kamu, pahpaan ni kamu én tanumokan sé oki'ku, sé ikararaatéku.

2 Korintus 10:14

Ni kai i mahwoka' u Nuwu' Lé'os tumoro si Kristus é méikaayomoma wia ni kamu wo ni kai én zéi'kan limeweta taan nimakaz umanla witu un tampa tinotozo im pahpaayangan nai.

2 Korintus 11:2

Um pa'émanen niou wia si Kristus én totoz pahtéizangku wo ikaupi'ku sa wéwéhan sé mahlululu um pa'émanen niou, tanu si Opo Empung én timéiz ni kamu. Pahpaan ni aku si totoz puuna nimapata'u wia ni kamu tumoro si Yesus Kristus makaz ni kamu ma'éman wia ni Sia. Niitu é masuat wo si ama' mahkakawéng si rarahana karia ni tuama maéndo mahayona. Ni kamumo sé tanu si raraha itii wo si tuama itii é si Kristus.

2 Korintus 4:5

An ipahwoka' nai én zéi'kan tumoro ni kai, taan tumoro si Yesus Kristus Mahpiara. Ni kai nimaéndo ata niou, pahpaan ni kai é mahpaayang ang kapaaz ni Yesus.

Efesus 3:8

Wia ni aku, si totoz roros im wia péléng sé tou linenas ni Opo Empung én tinambéran ung kamang i mahwoka' wia sé tou zéi'kan Yahudi u Nuwu' Lé'os tumoro ung kamang totoz lakez ni Kristus un zéi'kan maapu.

Efesus 5:27

Karia in téntu ni Sia nimangun sé jamaat-Na toro rumendai karia in totoz wangun witu u sinaru-Na, in anu-Na sé linenas ni Opo Empung wo zéi'kan siapa sinala' zozo' in esa.

Kolose 1:22

In tarékan, mengiité un awak ni Yesus Kristus i ni Sia nimaté sinalip, si Opo Empung nimangun ni kamu nimalé'osan sumaup karia-Na. Karia in téntu, ni kamu é linenas-Na wo weresi wo zéi'kan siapa um pahséro'an im witu u sinaru-Na.

Kolose 2:10

Wo pahpaan i nimaesamo karia ni Kristus, ni kamu ém winéhan ung katou-touan nimawutul. Ni Siamo si tonaas péleng né roh sé mahpeperénta wo sé mahkakawasa.

Kolose 2:3

Mengiité si Kristus ni kita én toro mata'umé péléng ang katulapan wo ang kata'uan ni Opo Empung un im puuna é méikawunipé'.

Kolose 3:16

U Nuwu' ni Kristus é léwo'zéi' malake-lakez ing kimawasa witu péléng ung katou-touan niou, taka-takazan karia péléng ung katulapan, ni kamu mahtuzu' wo mahsésésaan si esa wo si esa karia i mahkantar a mazmur wo ang kakantaren lolooz wo ang kakantaren né tou ma'éman, wo mahkua u makasé wia si Opo Empung witu un até niou.

Kolose 4:12

U sigi' ni Epafras wia ni kamu; ni sia én tou esaané wia ni kamu, ata ni Kristus Yesus, ni sia én zéi'kan mazéi' i mahpengaléi ni kamu, wo ni kamu enté' im wana am pa'émanen, in tanu tou lutu'mo wo uli-ulit ma'éman wo mata'u péléng ang kapaaz ni Opo Empung.

1 Tesalonika 4:6

Tumoro niitu, tia' si tou mahlé'os an zéi'kan wangun wia si katuarina esa pa'émanen kaapa mahtowo wia ni sia. Pahpaan totoz méipapagenang naimola wia ni kamu i sé tou mahwangun an téntu én ukumen ni Opo Empung.

1 Timutius 3:16

Totoz ulit an tutuzu' ulit ni Opo Empung é mémoipapailek-Na witu um pa'émanenta karia ung kawangko'an-Na: “Ni Sia é nimapailek un tou-Na tanu in tou uman, kinua in ulit ni Roh ni Opo Empung wo nimapailek un tou-Na wia sé malaekat. Tumoro ni Sia é méiwoka' wia péléng sé tahsasana wanua. Ni Sia ém pa'émanen im wia ung kaayahan wo winénéta mangé witi kasendukan karia u sigi' wo looz.”

1 Timutius 3:2

Niitumo, si tonaas né jamaat é léwo'zéi' in téntii: zéi'kan penuwu-nuwu'en né tou, makamahayo uman si esa, mata'u mahime-imek un touna, tulap, mahsigi' sé tou, paaz mahsungkul sé tou méyéma witi waléna, tulap i mahtuzu' sé tou,

Ibrani 10:14

Pahpaan si Yesus Kristus nimaté makasa uman makaz ing kauré-uré i maéndo raragés, ni Sia nimangun sé tou nimaweresi im wana a singkéla', a séra maéndo tou linenas ni Opo Empung.

Ibrani 13:21

Mengalé-ngaléi uman si Opo Empung é sumawang ni kamu i mangun péléng am wangun mengiit un ikapaaz-Na, wo maayang witu ung katou-touanta i mangun ni Sia mahpaa-paaz, mengiité si Yesus Kristus. Wia si Kristus uman u sigi' wo looz makaz ing kauré-uré! Amin.

2 Petrus 3:15

Genangenola ung kaezenan ni Mahpiarata én témpo niou in ipilot im witu un ukuman wana a singkéla'. Ang kenu é masuat wo u méipantik ni Paulus an iwéhé wia ni kamu pahpaan ang katulapanna a méitambéré ni Opo Empung wia ni sia. Ni sia éng katuarita esa pa'émanen wo ikararaatéta.