Kolose 1:27 - Taaz Weru Witu u Nunuwu'en Tombulu

²⁷ Im wia sé tou-Na, si Opo Empung ém paaz i mapata'u, in totoz wa'ilan wo wangko' a méikawunipé' itii im wia sé tou walina sé zéi'kan Yahudi. U méikawunipé' itii én téntii: Si Kristus ém witumo un até niou, ni Siamo si pahéré'an i makailek u sigi' wo looz ni Opo Empung.

Kolose 1:27 Iomraidhean Croise

Matius 13:11

A si Yesus mingkotla, “Im wia ni kamu én tinambéran ung kamang in toro makatulap u méikawunipé' tumoro ung Kakolanoan ni Opo Empung, taan im wia ni séra én zéi'kan.

Lukas 17:21

wo zéi'kan siapa si tou toro kumua: ‘Méileken, niitu wia'i’ kaapa ‘niitu witi kenuma!’ Pahpaan ung Kakolanoan ni Opo Empung ém witumo un unez niou.”

Yohanes 14:17

Si Menunulung itii é si Roh ung kaulitan. Sé tou wia ung kaayahan é soo sumungkul ni Sia, pahpaan sé tou wia ung kaayahan én zéi'kan mahilek ni Sia wo zéi'kan mata'u ni Sia. Taan ni kamu é mata'u ni Sia, pahpaan ni Sia é menaté-natér ni kamu wo maesa karia niou.

Yohanes 14:20

In endo itiimo ni kamu lamata'u i ni Aku é nimaesa karia ni Ama', ni kamu é nimaesa karia-Ku wo ni Aku é nimaesa karia niou.

Yohanes 14:23

Ang kuan ni Yesus, “Si tou rumaraaté ni Aku é mangun a nuwu'-Ku. Si Ama'-Ku é rumaraaté ni sia wo si Ama'-Ku wo ni Aku é méyé wia ni sia wo mento' mahwali-wali kariana.

Yohanes 17:26

Séi si Ama' é mémoikua-Ku wia ni séra, wo niitu én zéi'kan ikana'-Ku im wanguneng-Ku, wo séra mahraa-raatéan tanu si Ama' rumaraaté ni Aku wo ni Aku maesa karia néra.”

Yohanes 6:56

Séi uman si kuman un awak-Ku wo melep un zaha'-Ku, si tou itii é nimaesamo karia-Ku wo ni Aku é nimaesamo kariana.

Roma 11:33

O ndoon si Opo Empung, ni Sia én totoz wa'ilan, totoz tulap wo totoz lakez ang kata'uan-Na! Zéi'kan siapa si makawawa i mahtata'u an tinotoz-Namo, wo péléng am pahpaayangen-Na én zéi'kan katulapan!

Roma 2:4

Kaa iperorosmu u raraatéan-Na, ung kaezenan-Na wo ung kalé'osan-Na un totoz wangko' im wia ni ko? Zéi'kan kata'uannu wé ung kalakoan u raraatéan ni Opo Empung u mahkit ni ko in tumula'ula a singkéla'mu?

Roma 5:2

Ni kita sé ma'éman ém winéhan u lalan i mé'an ung kamang itambéré ni Opo Empung pahpaan si Yesus Kristus. Ung kamang kenu u nimangun ni kita menou-nou wo mahpaa-paaz pahpaan mahéré'la i makailek u sigi' wo looz ni Opo Empung.

Roma 8:10

Taan sa si Kristus é nimaesamo karia niou, zozo' un tou niou é maté pahpaan a singkéla', taan si Roh ni Opo Empung é méhé ung katou-touan wia ni kamu pahpaan ni kamu é niéndo-Na ulit.

Roma 9:23

Si Opo Empung kangkasii éng gimenang i mapailek ung kawangko'an-Na u malake-lakez, un iwéhé-Na wia ni kita sé kararaaté-Na. Ni kitamo sé méisanapa'-Na i makailek ung kawangko'an-Na.

1 Korintus 3:16

Zéi'kan kata'uan niou wé i ni kamu ém Walé ni Opo Empung wo si Roh ni Opo Empung é mahento' wia ni kamu.

2 Korintus 2:14

Taan ni aku éng kumuama u makasé wia si Opo Empung, pahpaan ni Sia si nimaéndo tonaas si sekezé én timatér ni kai karia ung kawasa ni Kristus, makaz ni kai toro muntung. Ni kai é méiatu ni Opo Empung wo séra mata'u si Kristus, tanu u mahwou tariis ing kawouanna né tou lakez wisa uman un angéan nai.

2 Korintus 4:17

Pahpaan an zézéha rorak uman am pahpendanen nai in tarékan én zéi'kan mauréma wo niitu u nimangun ni kai in totoz pahloozen wo pahsigi'en makaz ing kauré-uré, niitu é lumouspé'mé an zézéha pinendan naimé.

2 Korintus 4:6

Im puuna si Opo Empung éng kimua in téntii, “Im witu u rimbengbeng a mondolé un ayah!” In tarékan ni Sia kangkasii si nimangun un ayah-Na mahsena' witu un atéta wo toro kata'uantala ung kawangko'an-Na. Ung kawangko'an ni Opo Empung én toro ilekenta witu ung gio ni Yesus Kristus.

2 Korintus 6:16

Apa u masuat um witu um Walé ni Opo Empung wo um witu um walé né opo-opo? Ni kita i ma'éman ém Walé ni Opo Empung. Niitu én tanu u méipantik witu um Pinantik Lenas, in téntii, “Ni Aku é mamento' karia néra, wo menou-nou karia néra, wo ni Aku é maéndo Opo Empung néra, wo ni séra é maéndo tou-Ku.

Galatia 2:20

In tarékan, zéi'mo ni aku si menou-nou taan si Kristus si menou-nou wo mahkawasa witu ung katou-touangku. Witu ung katou-touangku wia ung kaayahan in tarékan kangkasii, ni aku é menou-nou witu um pa'émanengku wia si Oki' ni Opo Empung, si totoz rimaraatémo ni aku wo niméhémo un tou-Na in esa wia ni aku.

Galatia 4:19

É ni kamu sé oki'ku ikararaatéku. Pahpaan ni kamu, ni aku mahpendan kasii u rumara tanumokan si wéwéné in tumou si oki'na. Ni aku kasii én zéi'kampé' kumana' i mendan u rumara makaz ung katou-touan ni Kristus toro kaile-ilekan witu ung katou-touan niou.

Efesus 1:7

Pahpaan mengiité si Yesus ni kita én tinubus im wana a singkéla' karia un zaha'-Na. Ni kita winéhan un ampungan im wana a singkéla' mengiit ung kamang méitambér-Na an totoz lakez.

Efesus 2:22

Pahpaan nimaesa karia ni Yesus Kristus ni kamu ém pahwangunen i maéndo walé pahento'an ni Roh ni Opo Empung.

Filipi 4:19

Si Opo Empungku é meméhé-méhémé péléng am pemandungen niou mengiité si Kristus Yesus. Pahpaan ni Sia ém wa'ilan, niitumo ni Sia é méhé péléng am pemandungen niou mengiit ung kawa'ilanan wo ung kawangko'an-Na, taka-takazan am pahwéhé-Namé é lumousé am pemandungen niou.

Kolose 1:5

Ni kamu é ma'éman wo rumaraaté, pahpaan ni kamu é mahéré'la u niimeko ni Opo Empung wia ni kamu witi kasendukan. Um pahéré'an itii én tinalinga niouo witu u Nuwu' kaulitan, niitumo u Nuwu' Lé'os tumoro si Yesus,

Kolose 2:3

Mengiité si Kristus ni kita én toro mata'umé péléng ang katulapan wo ang kata'uan ni Opo Empung un im puuna é méikawunipé'.

Kolose 3:11

Niitumo, wia ni kita én zéi'mo siapa si pahkuan tou Yunani kaapa tou Yahudi, tou sinunat kaapa zéi'kan sinunat, tou Barbar kaapa tou Skit, ata kaapa zéi'mo ata, pahpaan si Kristus si ipahpuu-puuna wo péléng sé tou ma'éman é nimaesamo karia-Na.

1 Timutius 1:1

Um pinantik kenu ém wia ni aku Paulus a mangé, si aatu ni Kristus Yesus mengiit u méiperénta ni Opo Empung, si nimilot ni kita im witu un ukuman wana a singkéla', wo si Kristus Yesus si nimaéndo pahéré'anta.

Ibrani 6:19

Si pahéré'anta é si Yesus. Ni Sia én tanumokan un jangkar enté' wo méikateptep, pahpaan ni Sia mahenté' um pa'émanenta. Si Yesus nimahpuunamoma i nimangé witu muri u roko' aapé' witi tampa lenas i rumété si Opo Empung in tumubus a singkéla'ta.

1 Yohanes 4:4

É oki'ku! Ni kamu ém wia si Opo Empung a méyé wo ni kamu éng kimalamola sé nabi towo itii. Pahpaan si Roh si wiamo ni kamupé' si wangko', taan sé roh wia ung kaayahan.

Wahyu 3:20

Ilekené, ni Aku é rimendaio witu u sinaru um pepenet wo mahténgkor. Sa wéwéhan tou tumalingama ni Aku i mahtawah wo mukamé um pepenet, ni Aku é muntep i mahilekan kariana wo ni Aku éng kuman mahwali-wali kariana wo ni sia éng kuman mahwali-wali karia-Ku.