Kolose 1:12 - Taaz Weru Witu u Nunuwu'en Tombulu

¹² wo kumua u makasé karia i mahpaa-paaz wia si Ama', si nimangun ni kamu im wangun makailek am wéténg u niimek-Namo wia sé tou linenas-Na, witi kasendukan, un tampa sumena-sena'.

Kolose 1:12 Iomraidhean Croise

Matius 25:34

Tumondong niitu, si Kolano éng kumua wia sé tou witu ung kakan-Na in téntii, ‘Méyémo, é kamu sé kinamango ni Ama'-Ku. Muntepomé witu ung Kakolanoan u niimeko wia ni kamu rengané ung kaayahan kenu im winangun.

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Yohanes 20:17

Ang kuan ni Yesus wia ni sia, “Tia' mahtion wia ni Aku, pahpaan ni Aku én zéi'kampé' nimenéka i mangé wia si Ama'. Taan mangémo wia sé katuari-Ku wo ikuala wia ni séra i ni Aku in tarékan é mangémo wia si Ama'-Ku wo Ama' niou, wia si Opo Empung-Ku wo Opo Empung niou.”

Yohanes 4:23

Taan un orasna é méyé wo tarékano un orasna i sé tou sé uli-ulit mahragés é marumagés wia si Ama' karia ung kawasa ni Roh Lenas wo ang kaulitan. Pahpaan si Ama' é mahpenéro sé tou mahragés tanu niitu wia ni Sia.

Kisah Rasul-rasul 20:32

In tarékan, ni kamu én iayoku wia si Mahpiara in tatéren-Na wo ni kamu zéi'kan mazéi' i ma'éman witu u Nuwu' méitambér-Namé. Ni Sia é mahkawasa i mahenté' um pa'émanen niou wo mahtambéré ung kamang u niimek-Namo in iwéhé wia péléng sé tou linenas-Namo.

Kisah Rasul-rasul 26:18

i mangun am weren néra mawula', wo ni séra zéi'mo menou-nou witu ung karimbengbengan taan menou-nou witu un ayah. Wo menou-nou zéi'mo kinawasa ni tonaas né sétang taan mahkiito um paaz ni Opo Empung. Wo pahpaan um pa'émanen néra wia ni Aku, ni séra é makailek un ampungan wana a singkéla' néra. Wo ni séra kasii é makailek um wéwéténgan im wana an tinotozo in iwéhé ni Opo Empung wia sé tou sé linenas-Na.’

Roma 11:17

Sé woopira im wia sé tou Yahudi én tanu am panga kai zaitun ni Opo Empung ang kinetoro. An iéndomé pangana ang kai zaitun wana an talun an ilaput witu ung kai zaitun ni Opo Empung. Ni kamu in tou zéi'kan Yahudi én tanu am panga kai zaitun wana an talun. In tarékan, ni kamu é nimakaileko ung katou-touan wo ung ketez witu un ahmut ung kai méitanem ni Opo Empung.

Roma 15:27

Karia i mahpaa-paaz ni séra timotozla i mangun un téntu. Taan pahilekengkula ni séra é léwo'zéi' sumawang sé tou zéi'kan siapa apa itii. Pahpaan, sa sé tou Yahudi é niméténgo wia sé tou zéi'kan Yahudi ung kamang in timalinga u Nuwu' Lé'os tumoro si Yesus, tantumo sé tou zéi'kan Yahudi sé ma'éman é léwo'zéi' i sumawang sé tou Yahudi karia i méhéla wia ni séra am pemandungen néra.

Roma 8:17

Sa ni kita én oki'-Na, ni kita kangkasii é maéndo tou makasangkum a méitaaz ni Opo Empung. Ni kita é makailek a sangkum itii karia ni Kristus. Niitu éng kailekanta sa ni kita mazéha karia-Na, wo ni kita kangkasii é loozen wo sigi'en karia-Na.

Roma 9:23

Si Opo Empung kangkasii éng gimenang i mapailek ung kawangko'an-Na u malake-lakez, un iwéhé-Na wia ni kita sé kararaaté-Na. Ni kitamo sé méisanapa'-Na i makailek ung kawangko'an-Na.

1 Korintus 8:6

taan im wia ni kita: si Opo Empung én esa uman, ni Siamo si Ama'ta. Ni Sia si nimangun péléng am péléng wo pahpaan ni Sia kita menou-nou. Si Mahpiara én esa uman, ni Sia é si Yesus Kristus. Pahpaano ni Sia am wangunen péléng am péléng, pahpaano ni Sia ni kita én toro menou-nou.

1 Korintus 9:23

Niana péléng ém winangunku wo kalakezna sé tou toro tumalinga u Nuwu' Lé'os tumoro si Kristus, wo ni aku kangkasii én toro makailek kamang witu u Nuwu' Lé'os itii.

2 Korintus 11:14

An téntu én tia' ikakompo' niou, pahpaan si tonaas né sétang kangkasii é mahasa-asar sé malaekat nimahalimé un ayah.

2 Korintus 5:5

Niimeko ni Opo Empung wo kita toro makailek un awak weru. Ni kita ém winéhan-Na si Roh Lenas si nimaéndo aapus wia ni kita in uli-ulit makailek un awak weru.

Efesus 1:11

Si Opo Empung nimangun péléng am péléng mengiit um paaz-Na wo un tinotoz-Namo in esa. Rengané ung kaayahan zéi'kampé' winangun, ni Sia én timotozo ni kita sé kapaaz-Na i maéndo tou-Na pahpaan nimaesa karia ni Kristus.

Efesus 1:18

Ni aku kasii é mengaléi wia si Opo Empung, wo ung genang niou é mawuka wo toro makatulap um pahéré'an niou wia si Opo Empung si timawah ni kamu. Wo ni kamu kangkasii én toro mata'u kalakez ung kamang totoz wangun u niimeko ni Opo Empung wia sé tou linenas-Na,

Efesus 2:18

Pahpaan mengiité si Kristus, kita in tou Yahudi karia né tou zéi'kan Yahudi, winukaan lalan i rumété wia si Opo Empung si Ama' karia in tinulung ni Roh Lenas si esa uman.

Efesus 3:6

Ung kenu u méikawunipé' itii: Péléng sé tou ma'éman u Nuwu' Lé'os tumoro si Kristus Yesus, ni séra in tou Yahudi kaapa zéi'kan tou Yahudi é makailek um wéwéténgan im wana a méitaaz ni Opo Empung wia sé tou-Na. Ni kita péléng é maéndo esa awak wo makailek u mémoitaaz ni Opo Empung wia sé nimaesa karia ni Kristus Yesus.

Efesus 4:6

wo si Opo Empung én esa uman si nimaéndo Ama' péléng né tou. Ni Siamo si Opo Empung péléng né tou, si mahpaayang wia péléng sé tou wo si mahkawasa wia péléng sé tou.

Efesus 5:11

Tia' mahwangun an zéi'kan siapa torona tanu am pahwangunen né tou menou-nou wana ang karimbengbengan, taan tawimo ikua nioula wia ni séra sa am pahwangunen néra itii é simala'.

Efesus 5:20

Apa uman u nimamuali wia ni kamu sekezé é mapaayola u makasé wia si Opo Empung si Ama'ta witu u ngaran ni Yesus Kristus Mahpiarata.

Efesus 5:4

Téntu kangkasii ang kukuan saparuni, an zéi'kan siapa torona kaapa an uuwaken zéi'kan mata'u un adat, pahpaan an téntu én zéi'kan wangun. Taan tawimo ni kamu kumuala u makasé wia si Opo Empung.

Efesus 5:8

Im puuna ni kamu én zéi'kan mahkiit um paaz ni Opo Empung, ni kamu én tanu menou-nou witu ung karimbengbengan. Taan in tarékan, ni kamu é nimaesamo karia ni Opo Empung, niitumo ni kamu é menou-noula witu un ayah.

Kolose 2:2

Ni aku nimangun un téntu wo un até néra én toro maenté' wo mahesa-esaan pahpaan i mahraa-raatéan. Karia in téntu, ni séra péléng én uli-ulit makatulap wo totoz mata'ula un im puuna zéi'kampé' méipapata'u ni Opo Empung. Un zéi'kampé' méipapata'u itii é si Kristus in esa.

Kolose 3:15

Wangunela ung kaluasan witu un até u méiwéhémé ni Kristus mahkawasa wia ni kamu, pahpaan ni kamu én tinawahmo ni Opo Empung i maéndo esa awak. Wo ni kamu é léwo'zéi' i mahkuala u makasé wia ni Sia.

Kolose 3:17

Péléng am pahnuwu'en niou kaapa péléng am pahwangunen niou, péléng niitu ém wangunela mengiit u ngaran ni Yesus Mahpiara, karia i mahkua u makasé wia si Opo Empung, si Ama'ta mengiité si Yesus.

Titus 2:14

Ni Sia é nimayomola un tou-Na i milot ni kita im wana péléng a léwo'an wo mangun ni kita maéndo tou lenas wo maéndo tou-Na sé zéi'kan mazéi' mahlé'os am wangun.

Ibrani 12:23

Ni kamu kasii é mahilekan karia né tou sé nimaéndo oki' tu'a ni Opo Empung, a ngaran néra mémoipantik witi kasendukan. Wo ni kamu é mahilekan karia ni Opo Empung, si mahtotoz am pahwangunen péléng né tou in ulit kaapa zéi'kan wo mahilekan karia né roh né tou niéndo ulit sé zéi'mo siapa um pahséro'an.

Ibrani 3:1

Katuari-katuari sé linenas wo sé tinawahmo i maayang wia si Opo Empung. Wéhan nioula genang si Yesus si niéndo Aatu ni Opo Empung wo Walian Wangko', si pa'émanenta in ulit wo zéi'kan maindé' in ipahwoka'ta wia sé tou walina.

Ibrani 3:14

Pahpaan ni kita é nimaesamo karia ni Kristus in tou-Na, niitumo tio-tionan um pa'émanen um wiamo ni kita rengané ing kataré-taré i ma'émanla si Yesus makaz ing kamurian.

Yakobus 3:9

Karia u lila' kita mahlooz si Opo Empung Ama'ta wo karia u lila' itii kangkasii, kita mahwéhé un epa' wia si kasuat tou si winangun ni Opo Empung mahsua-suatan wo ni Sia.

1 Petrus 5:1

Ni aku ém penatua tanu ni kamu wo ni aku éng kumuama a niilekku wo an tinalingaku tumoro an zézéha pinahpendané ni Kristus im puuna. Ni aku kangkasii é lamakailek wéténg im witu ung kawangko'an-Na i si Kristus mémapailek ung kawangko'an-Na. Niitumo ni aku é sumésama wia ni kamu:

1 Yohanes 1:3

A niilek wo an tinalinga naimo itii én iwoka' nai kasiima wia ni kamu, wo kamu toro maesa karia nai. Wo um pahesa-esaanta ém pahesa-esaan karia ni Ama' wo karia ni Oki'-Na, si Yesus Kristus.

Wahyu 21:23

Um wanua tua'na itii én zéi'kan memandung u sena' ni endo wo u sena' ni loloho'en i sumena' witu, pahpaan u sena' ni Opo Empung é mahsena'ma witu um wanua tua'na itii wo u solo um wanua tua'na itii é si Anak ni Domba.

Wahyu 22:14

Mahpaa-paazola sé tou mahkemes ang karai tonton néra akaz i maweresi. Pahpaan ni séra én toro kuman am wua'na ang kai u mahwéhémé ung katou-touan wo toro muntep witu um wanua tua'na itii lumangkoia wana am pepenet tua'na.

Wahyu 22:5

Im witu um wanua tua'na itii én zéi'mo siapa wengi wo péléng am witu én zéi'mo memandung sena' u solo wo u sena' ni endo, pahpaan si Opo Empung si nimaéndo sena' i mahsena'ma wia ni séra. Wo ni séra é merénta ing kolano makaz ing kauré-uré.