Kolose 1:11 - Taaz Weru Witu u Nunuwu'en Tombulu

¹¹ Ni kai kasii mengaléi, wo ung kawasa-Na un totoz wangko' é mangun un até niou i maenté', taka-takazan maan ing kuramokan ung kalakez an zézéha pahsarun niou, ni kamu én zéi'kan mazéi' i ma'éman wo totoz uman ezen i mengali niitu,

Kolose 1:11 Iomraidhean Croise

Kisah Rasul-rasul 1:8

Taan si Roh Lenasokan si tumumpamé wia ni kamu wo ni kamu makailek ung kawasa. Tumondong niitu, ni kamu sé makumua um pina'ilek wo tinalinga niou tumoro ni Aku wo matumuzu' wia sé tou witi wanua tua'na Yerusalem, witi péléng an tana' Yudea wo Samaria makaz witi pondol ung kaayahan.”

Kisah Rasul-rasul 5:41

Sé aatu ni Yesus itii mondolé im witu um pahtotozan né Mahkamah Agama karia i mahpaa-paaz, pahpaan ni séra é mahgenangla wangun mazézéha im pahséro'an pahpaan u Ngaran ni Yesus.

Roma 2:7

Si Opo Empung é méhé ung katou-touan makaz ing kauré-uré wia sé tou sé zéi'kan mazéi' mahwangun am wangun i menéro u sisigi'an, u lolooz wo ung katou-touan un zéi'kan maléwo'.

1 Korintus 16:13

Tuméga-tégam! Totoz menté-enté' witu um pa'émanen niou, enté'-enté'en un tou niou wo tia'mo maindé-indé'!

2 Korintus 4:7

Ni kai é nimakaileko u sangkum um wia si Opo Empung a méyé. Taan ni kai én tanu uman un tampayang u liné'osan u sangkum totoz mahal u mengataraz umanla. Karia in téntu ikatuzu'mé sa ung kawasa zéi'kan kakuaan ém wia si Opo Empung a méyé, zéi'kan wia ni kai a méyé.

Efesus 3:16

Ni aku mengaléi wia si Opo Empung si wa'ilan wo pahloozen wo pahsigi'en i menté' un até niou karia ung kawasa ni Roh-Na.

Efesus 4:2

Irorosla un até niou, mahelu-eluzan umanla wo meze-ezen. Ipapailekla u raraatéan niou karia i mahsawa-sawangan.

Efesus 6:10

Ing kamurian, enté'ela un até niou karia ung kaenté'an ung kawasa méiwéhémé ni Mahpiara pahpaan nimaesa karia-Na.

Filipi 4:13

Péléng am péléng én toro pengalingku pahpaan si Yesus Kristus si mahwéhémé ung ketez wia ni aku.

2 Petrus 1:6

wo witu ung katulapan tumoro si Opo Empung ém pahawesala karia u mata'u mahime-imek un tou. Wo u mata'u mahime-imek un tou ém pahawesala karia un ezen im wana an zézéha, wo un ezen im wana an zézéha ém pahawesala karia u mahkiit ang kapaaz ni Opo Empung.

Yudas 1:25

Si Opo Empung si esa uman, si nimiloté ni kita im witu un ukuman wana a singkéla', mengiité si Yesus Kristus Mahpiarata. Wia ni Sia uman u sigi' wo looz, ung kawangko'an, ung kaketezan wo ung kawasa um wiamo rengané im puuna, in tarékan wo makaz ing kauré-uré. Amin.

Wahyu 14:12

Un ipahpuu-puuna im wia'i éng kaezenan né tou ni Opo Empung, sé mahkiit am perénta-Na wo ma'éman wia si Yesus.