Kisah Rasul-rasul 9:3 - Taaz Weru Witu u Nunuwu'en Tombulu

³ I ni sia melampang mangé witi Damsyik, i merétémoma um wanua tua'na itii, kumompo'mé ém wéwéhan u sena' mahsena'mé im witi langit limiklika ni sia.

Kisah Rasul-rasul 9:3 Iomraidhean Croise

Kisah Rasul-rasul 22:6

Taan i lolamboto i ni aku melelezoma un Damsyik, kumompo'mé ém wéwéhan u sena' witi langit un totoz merahra simena'mé wia ni aku.

Kisah Rasul-rasul 9:17

A si Ananias mangé witi walé pahento'an ni Saulus a muntepa witu. I nimahilekanola karia ni Saulus, si Ananias zimeta'ma u lengenna wia si Saulus ang kumua, “Saulus, katuariku, si Yesus Mahpiara si nimatu ni aku i méyé wia ni ko. Ni Sia si nimapailek un tou-Na wia ni ko witi lalan i mahéyé wia'i. Ni Sia si nimatumé ni aku i méyé wia ni ko wo ko toro milek sumaup wo mawuta-wuta ung kawasa ni Roh Lenas.”

Kisah Rasul-rasul 9:27

Taan wéwéhan si makangaran Barnabas nimahwalima si Saulus i nimangé wia sé aatu ni Yesus. Ni sia simirita wia sé aatu ni Yesus kura si Saulus i nimilek si Yesus Mahpiara witi lalan mangé witi Damsyik. Wo kura si Mahpiara i nimuwu' wia ni sia wo kasii kura ung kawuayana i mahwoka' tumoro u ngaran ni Yesus wia sé tou witi Damsyik.

1 Korintus 15:8

Wo si totoz kamurian im pinapailekan-Na un tou-Na é ni aku. Ni aku é mengompo' umané i niéndo aatu-Na. Ni aku én tanumokan si taré itoumé zéi'kampé' orasna.

1 Korintus 9:1

Katuari-katuari, ni aku én toro mahwangun péléng ang kapaazku. Ni aku én uli-ulit aatu ni Yesus Kristus. Ni aku é nimileko si Yesus, si Mahpiarata. Ni kamu ém wua'na am pinaayangku wia si Opo Empung.

1 Timutius 6:16

Ni Sia uman si zéi'kan kinala um patéan, menou-nou witu un ayah un zéi'kan mata'u kalelezan. Zéi'kan siapa tou si nimileko ni Sia wo un ulitna én zéi'kan siapa si tou toro milek ni Sia. Péléng a sisigi'an wo ang kawasa ém wia ni Sia uman makaz ing kauré-uré. Amin.

Wahyu 21:23

Um wanua tua'na itii én zéi'kan memandung u sena' ni endo wo u sena' ni loloho'en i sumena' witu, pahpaan u sena' ni Opo Empung é mahsena'ma witu um wanua tua'na itii wo u solo um wanua tua'na itii é si Anak ni Domba.

Wahyu 22:5

Im witu um wanua tua'na itii én zéi'mo siapa wengi wo péléng am witu én zéi'mo memandung sena' u solo wo u sena' ni endo, pahpaan si Opo Empung si nimaéndo sena' i mahsena'ma wia ni séra. Wo ni séra é merénta ing kolano makaz ing kauré-uré.