Kisah Rasul-rasul 9:2 - Taaz Weru Witu u Nunuwu'en Tombulu

² i mahaléi um pinantik u méhémé kawasa wia ni sia im pahalin wia sé tonaas am walé peraragésan né tou Yahudi witi Damsyik. Wo sa sia ikailekla sé tuama kaapa wéwéné sé mahkiit an tutuzu' ni Mahpiara, ni séra én toro tionanna wo ipahwali witi Yerusalem.

Kisah Rasul-rasul 9:2 Iomraidhean Croise

Matius 10:17

Taan mile-ilek im wia péléng sé tou. Pahpaan wéwéhan sé mayo ni kamu witi mahkama agama wo ni kamu kasii é masaluken néra witi walé peraragésan néra.

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Kisah Rasul-rasul 18:25

Ni sia én tinuzu'mo tumoro si Yesus Mahpiara. Ni sia ém wuaya i mahnuwu' wo totoz mahterang i mahtuzu' tumoro si Yesus. Taan zozo'pé' in téntu, ung kata'uanna én akaz uman u sarani ni Yohanes Menanarani.

Kisah Rasul-rasul 19:23

In toro niitu, im witi Efesus é nimarikoka' pahpaan wéwéhan sé tou sé mahsaru an tutuzu' ni Paulus tumoro u lalan kura ing kumiit si Mahpiara.

Kisah Rasul-rasul 19:9

Taan wéwéhan sé woopira tou soo tumalinga wo soo ma'éman. Witu u sinaru né tou lakez, pahséro'an néra uman taré u lalan kura ing kumiit si Mahpiara. Niitumo ni séra é méitula'umé ni Paulus, wo sé tou ma'éman wia si Yesus é méitampasnamé. Sekez in endo ni sia é mahsirita karia néra witi tampa pahtata'uan makangaran Tiranus.

Kisah Rasul-rasul 24:14

Taan ni aku é makaulit wia si tuang i ni aku é mahsigi' wo mahpaayang wia si Opo Empung né nimaopo nai in tou Israel. Ni aku kasii é mahkiit an tutuzu' ni Yesus Mahpiara um pahkuan néra i simala'. Ni aku é ma'éman wana péléng a méipantik witu un ukum Torat wo am pinantik witu ung kitap né nabi.

Kisah Rasul-rasul 24:22

Taan um pahzéi-zéi'an néra itii é méikana'la ni gubernur Feliks si totoz mata'u tumoro an tutuzu' ni Mahpiara, karia ing kimuala in téntii “Ni aku én tumotoz um pahzéi-zéi'an niou, sa wiamo si Lisias si tonaas né sana riwu suraro.”

Kisah Rasul-rasul 26:10

Ni aku kangkasii é nimahwanguné an téntu im witi Yerusalem. I nimakailekomé ung kawasa im wia sé tonaas né walian, ni aku én zéi'kan uman timionla sé tou ma'éman wia si Yesus an iuntepa witi bui, taan ni aku kangkasii é niménéla sa ni séra ukumen im wunu'en.

Kisah Rasul-rasul 26:12

A si Paulus kumua kasii, “Pahpaan ung ginenang itii, ni aku nimangé witi Damsyik karia i nimahalima um pinantik né tonaas né walian sé niméhémé ung kawasa wia ni aku.

Kisah Rasul-rasul 6:9

Taan wéwéhan sé woopira tou sé witi walé peraragésan né tou Yahudi u makangaran ‘Tou Zéi'mo Ata’, ni séra ém witi Kirene wo Aleksandria a méyé. Wo karia néra kasii ém wéwéhan sé woopira tou Yahudi sé witi Kilikia wo Asia a méyé. Ni séra é mahzéi-zéi'an karia ni Stefanus.

Kisah Rasul-rasul 7:19

Si kolano itii é nimahtowo wo nimahzézéhamé sé nimaopota. Ni sia kasii é nimatu sé nimaopota in tumia' sé koki' néra sé taré nimatoumé wo séra maté.

Kisah Rasul-rasul 9:14

Wo ni sia kasii i niméyé wia'i éng karia ung kawasa méiwéhémé né tonaas né walian witi Yerusalem in tumion sé tou mahtawah u ngaran-Mu.”

Kisah Rasul-rasul 9:21

Péléng sé tou timalinga si Saulus é mengusi-ngusingsing a mahkua, “Zéi'kankuaa si tou kenu si mahwunu' sé tou mahtawah u ngaran ni Yesus witi Yerusalem? Zéi'kankuaa sia i niméyé wia'i é métumion sé tou mahtawah u ngaran ni Yesus wo mahwali sé tou itii wia sé tonaas né walian?”

2 Korintus 11:32

Ni aku im witi Damsyik, si niéndo gubernur ni kolano Aretas, nimatu sé suraro in tuméiz u loloangan um wanua tua'na Damsyik in tumion ni aku.

Galatia 1:17

Ni aku kasii én zéi'kan nimangé witi Yerusalem i mahaléi a sésésa né nimaéndomola aatu ni Yesus Kristus puunala ni aku. Ni aku é nimangé uman taré witi tana' Arab, im witu mokan a ni aku mawurimé sumaup witi Damsyik.