Kisah Rasul-rasul 9:16 - Taaz Weru Witu u Nunuwu'en Tombulu

¹⁶ Ni Aku in esa si mapata'u wia ni sia, an zézéha totoz lakez a léwo'zéi' im pendanenna pahpaan u ngaran-Ku.”

Kisah Rasul-rasul 9:16 Iomraidhean Croise

Matius 24:9

In toro niitu, ni kamu én iayo in zézéhan. Ni kamu ém wunu'en wo maikazi'zis péléng né tou pahpaan mahkiit ni Aku.

Matius 5:11

Mahpaa-paazola ni kamu, sa pahpaan ni Aku, ni kamu pahséro'an karia a nunuwu'en merara un até wo ni kamu ém pahzézéhan, wo kasii pahtawuruken péléng a léwo'an.

Yohanes 15:20

Gena-genangen apa u mémoikua-Ku wia ni kamu: si ata én zéi'kan lumousé si tuangna. Niitumo sa ni Aku in tuang niou én zinéhamola né tou wia ung kaayahan kenu, tantumo ni kamu kangkasii é mazézéhan néra. Sa ni séra nimahwangunola a nuwu'-Ku, ni séra kangkasii é mangun an ipahnuwu' niou.

Kisah Rasul-rasul 14:22

Im witu, ni séra nimenté' un até né tou ma'éman wo mahsésa wia ni séra in tia' mazéi' i ma'éman wia si Yesus. Ni séra zua kasii mahkua i sé tou sé muntep witi Kakolanoan ni Opo Empung é léwo'zéi' i mendan an zézéha.

Kisah Rasul-rasul 21:11

Ni sia é niméyé wia ni kai a méndoma un embet ni Paulus. Tumondongla niitu, karegas i mahapus un a'é wo un lengenna in esa ni sia mahkua, “Si Roh Lenas éng kimua in téntii, ‘Téntiimo si tou makaembet ung kenu in apusen né tou Yahudi witi Yerusalem. Wo ni sia én iayo néra wia sé tou zéi'kan Yahudi.’ ”

Kisah Rasul-rasul 21:13

Taan si Paulus nimingkot umané, “Kaa kamu mahamé', taka-takazan nimangun un atéku i rumara? Ni aku én zéi'kan uman paaz in apusen taan ni aku kangkasii ém paaz i maté witi Yerusalem pahpaan i mahwoka' u ngaran ni Yesus Mahpiara.”

Kisah Rasul-rasul 21:4

Im witu, ni kai é nimangémé wia sé tou ma'éman witu a mento'la karia néra pituna endo ung kauréna. Si Roh Lenas é mapata'u wia sé tou ma'éman witu i sumésa wia si Paulus wo sia tia'mo mahaangé witi Yerusalem.

Kisah Rasul-rasul 9:14

Wo ni sia kasii i niméyé wia'i éng karia ung kawasa méiwéhémé né tonaas né walian witi Yerusalem in tumion sé tou mahtawah u ngaran-Mu.”

Kisah Rasul-rasul 9:6

Taan in tarékan é rumendaiomé wo muntepoma witi Damsyik. Im wanamokan wo ko makuaan apa u léwo'zéi' im wangunennu.”

2 Korintus 6:4

Taan, im wana am péléng, ni kai é mapailek i mahpaayang uman u méiatu ni Opo Empung. Niitu méipapailek nai i ni kai ezen im wana: an zézéha, am pengalin wo ang kasusaan,

1 Tesalonika 3:3

Karia in téntu, ni kamu én zéi'kan mazéi' i ma'éman wia si Yesus zozo' in zézéha. Ni kamu in esa é mata'umo sa sé tou ma'éman wia si Yesus én tinotozo i mengali an zézéha itii.

2 Timutius 1:12

Pahpaano niitu, ni aku mengali péléng an zézéha kenu. Taan ni aku én zéi'kan maizang, pahpaan kata'uangku séi si pa'émanengku wo totoz ing kata'uangku, ni Sia é mahkawasa i mahtéiz am pahpaayangengku u mémoitarawésa-Na wia ni aku, makaz witu un endo kaakazan ung kaayahan.

2 Timutius 3:11

Kata'uannumo an zézéha wo ang kapendisan am pinendankumé i ni aku witi Antiokhia, witi Ikonium wo witi Listra. Péléng an zézéha itii ém pinendankumomé, taan ni aku é méipilotomé ni Mahpiara im wana péléng an zézéha itii.

1 Petrus 4:14

Ni kamu é mahpaa-paazola sa wéwéhan tou sé mahséro' wia ni kamu pahpaan i mahkiit si Kristus. Pahpaan si Roh si pahloozen wo pahsigi'en ém wia ni kamu, ni Siamo si Roh ni Opo Empung.

Wahyu 1:9

Ni aku, Yohanes, katuari niou esa pa'émanen. Ni kita é nimendanomé an zézéha pahpaan i mahkiit si Yesus, méikauntep witi Kakolanoan ni Opo Empung wo ezen ma'ento' si Yesus i mawurimé sumaup. Ni aku é méitia' witi katanaan makangaran Patmos pahpaan mahkua u Nuwu' ni Opo Empung wo a mémoipapata'u ni Yesus.