Kisah Rasul-rasul 9:11 - Taaz Weru Witu u Nunuwu'en Tombulu

¹¹ Ang kuan ni Mahpiara, “Rumendaiomé wo mangémo witi walé ni tou makangaran Yudas witi lalan makangaran Lalan Terén. Im witu ém penéronnula si tou makangaran Saulus si witi Tarsus a méyé. Ni sia éng karegas i mengaléi.

Kisah Rasul-rasul 9:11 Iomraidhean Croise

Yohanes 4:10

Si Yesus nimingkotla, “Sa ko mata'u tumoro an tatambér ni Opo Empung wo séi si mahnuwu'ma wia ni ko im ‘Wéhanpé'mé zano elepen Aku’, tantumo ni ko é nimahaléiola wia ni Sia wo ni Sia é niméhémola wia ni ko un zano katou-touan.”

Kisah Rasul-rasul 11:13

An isiritala ni Kornelius wia ni kai kura sia i nimilek si malaekat makarendai witi waléna ang kumuala wia ni sia in téntii, ‘Matuma tou mangé witi Yope i mangémé si Simon si pahkuan Petrus.

Kisah Rasul-rasul 11:25

Tumondong niitu, a si Barnabas mangé witi Tarsus i mamenéro si Saulus. I ni sia nimahilekanola wo si Saulus, an ipahwalinama si Saulus mangé witi Antiokhia.

Kisah Rasul-rasul 2:21

Wo séi uman si mahaléi wia si Opo Empung in ipilot im witu un ukuman wana a singkéla', ni sia én ipilot.’ ”

Kisah Rasul-rasul 21:39

A mingkotla si Paulus, “Ni aku én tou Yahudi, witi Tarsus a méyé, um wanua tua'na totoz ipahkua-kua witi Kilikia. Pahaléiengku wo ni aku toro numuwu'ma wia sé tou lakez itii.”

Kisah Rasul-rasul 22:3

“Ni aku én tou Yahudi, nimatou witi Tarsus witi tana' Kilikia, taan nimatu'a wia um wanua tua'na kenu. Si mésterku é si Gamaliel. Ni sia si nimahtuzu' wia ni aku un ukum Torat u méituzu' ni Musa wia sé nimaopota tou Israel. Niitumo ni aku é ma'ulit i mahwangun ang kapaaz ni Opo Empung masuat wo ni kamu péléng in tarékan kenu.

Kisah Rasul-rasul 8:22

Niitumo itula'umola a léwo'an pegena-genangennu itii! Wo mengaléiola wia si Opo Empung wo ko toro ampungan-Namé im wana a léwo'an pegena-genangennu itii.

Kisah Rasul-rasul 8:26

A si malaekat ni Opo Empung numuwu'ma wia si Filipus, “Rumendaiomé wo mangémo mapatimuhma, kumiita u lalan witi Yerusalem u mahperosa mangé witi Gaza.” U lalan itii én totoz pene-penesa.

Kisah Rasul-rasul 9:30

Ing kinata'uanla né katuari esa pa'émanen ung ginenang néra itii, ni sia é méipahwali nérama witi Kaisarea. Im witumokan a sia pekiangé néra witi Tarsus.