Kisah Rasul-rasul 8:9 - Taaz Weru Witu u Nunuwu'en Tombulu

⁹ Im witi wanua tua'na itii ém wéwéhan si makangaran Simon. Ni sia én urémo i mahriara wo mahwangun sé tou Samaria i mengusi-ngusingsing wo ni sia mahwangu-wangun in tou ipahpuu-puuna.

Kisah Rasul-rasul 8:9 Iomraidhean Croise

Yohanes 7:18

Si tou si mahnuwu' karia ung genangna in esa, ni sia é menéro uman u sisigi'an witu un touna in esa, taan si tou mahpenéro u sigi' wia si Opo Empung si nimatumé ni sia, ni sia én ulit wo im wia ni sia én zéi'kan siapa an towo.

Kisah Rasul-rasul 13:6

Tumondong niitu, ni séra é mahliklik wana péléng an tampa witu ung katanaan itii makaz witi Pafos. Im witu ni séra é nimasungkulan karia ni tou Yahudi, si makangaran Bar-Yesus. Si tou itii é meriara wo nabi towo.

Kisah Rasul-rasul 13:8

Taan si Bar-Yesus si witu u nunuwu'en Yunani pahkuan Elimas si meriara itii é mahapé-apé' wia si Barnabas wo si Saulus. Pahtututu'enna si gubernur wo sia zéi'kan ma'éman wia si Yesus.

Kisah Rasul-rasul 5:36

Amoké genangen nioula. Im puuna ém wéwéhan si makangaran Teudas. Ni sia é mahkua-kua in tou ipahpuu-puuna wo sé mahkii-kiit ni sia ém woo epatna atus tou. Taan ni sia ém winunu', an ikaserama sé mahkii-kiit ni sia makaz am pahwangunen néra é nimazéi'ma.

Kisah Rasul-rasul 8:11

Ni séra é mahkii-kiit ni sia, pahpaan ni sia én urémo i memangu-mangun ni séra i mengusi-ngusingsing karia a riara pahwangunenna.

2 Tesalonika 2:4

Ni sia é masumaru si Opo Empung wo mahlooz un touna rumakékpé'mé sé pahsigi-sigi'en kaapa sé pahongko-ongkotan né tou in Opo Empung néra. Lumousé niitu, ni sia é marumumez witi untep um Walé ni Opo Empung wo mapakua witu u saru-sarun né tou i ni sia én Opo Empung.

2 Timutius 3:2

Sé tou é mahgenang uman un touna in esa wo nimaéndo ata an zoit. Ni séra i mahnuwu' é mahrakék un tou néra wo loozan, mahkua a léwo'an tumoro si kasuat tou wo mahsasarumokan sé tu'a, soo kumua u makasé wo zéi'mo pandung witu um pa'émanen,

2 Timutius 3:5

Ni séra ém pahileken i mahragés wia si Opo Empung taan un ulitna ni séra é mahkélong ung kawasa ni Opo Empung itii. Ma'katla im wia sé tou itii!

2 Petrus 2:18

Pahpaan ni séra é menuwu-nuwu' am wera' wo an zéi'kan siapa torona. U lelo léwo' un awak ém pahpakén néra i mahenou sé tou taré ikapiloté im witu ung katou-touan né tou méikalulu.

Wahyu 22:15

Taan sé tou tanumokan sé asu wo sé meriara, sé samek, sé mahwunu' tou, sé mahongkot wo mahsigi' sé opo-opo, wo sé totoz paaz an towo wo mahwangun niana, zéi'kan toro muntep witu um wanua tua'na itii.