Kisah Rasul-rasul 8:7 - Taaz Weru Witu u Nunuwu'en Tombulu

⁷ Pahpaan im wia sé tou lakez sé sinelazan é mahondolé sé sétang karia i mengéré-ngérét. Wo kasii lakez sé lailai wo sé kénto' é liné'osnama.

Kisah Rasul-rasul 8:7 Iomraidhean Croise

Matius 10:1

Si Yesus timawahmé sé mapulu' wo zua pahtuzu'en-Na a séra wéhan-Nala ung kawasa i mahwoho sé sétang wo mahlé'os sé tou saki wo sé lailai.

Matius 11:5

sé letok én toromo mahilek, sé lailai én toromo mahlampang, sé tinoro ung kusta é lé'oso, sé lunteng é mahtalingamo, sé nimatémo é méitoumomé sumaup wo sé tou zéi'kan siapa apa én timalingamo u Nuwu' Lé'os um wia si Opo Empung a méyé.

Matius 4:24

An ikaolanga u sirita tumoro si Yesus wana péléng an tampa witi Siria. Niitumo sé tou mahwalimé péléng sé tou saki, sé tou totoz zézéha pahpaan a saki néra an zéi'mo kaezenan, sé tou sinelazan né sétang, sé mati-mati ayang wo sé lailai, a séra pakalé'osena ni Yesus.

Markus 9:26

A si sétang itii mondola karia ing kiméréta wo nimanguna si koki' itii in totoz mengesé-ngeséi. Si koki' itii ém pahileken tanu si tou nimatémo, taka-takazan lakez sé tou mahkua, “Ni sia é nimatémo.”

Lukas 10:17

Sé pituna pulu' tou méiatu ni Yesus nimawurimé karia i mahpaa-paaz. A séra kumua wia si Yesus, “Tuang, sé sétang kangkasii é mahtali-talinga i méiwoho naimé karia u ngaran-Mu.”

Yohanes 14:12

Uli-ulit ikua-Kuma wia ni kamu: Séi uman si ma'éman ni Aku, ni sia é mamaayang am pahpaayangeng-Ku. Wo zéi'kan uman niitu, ni sia kangkasii é maayang am paayangen lumouspé'mé niitu, pahpaan ni Aku é mangé wia si Ama'.

Kisah Rasul-rasul 5:16

Téntu kangkasii sé tou lakez sé wana am wanua tua'na walina witi liklik u Yerusalem mahtotondongané i niméyé nimahwalimé sé tou saki wo sé tou sinelazan né sétang. Ni séra péléng é nimalé'os.

Kisah Rasul-rasul 8:6

I sé tou lakez mahtalingama an ipahkua ni Filipus wo mahileka a makakompo'en pahwangunenna, péléng sé tou itii én totoz mahwéhé genang wana an ipahkuana.

Ibrani 2:4

Si Opo Empung kangkasii é nimenté' an tinalinga wo an ipahkua néra itii, karia niméhé ung kawasa-Na wia ni séra i mahwangun sé tou mengusi-ngusingsing wo a makakompo'en wo an tatambér ni Roh Lenas, a méiwéhé-Na mengiit ung kapaaz-Na.