Kisah Rasul-rasul 8:5 - Taaz Weru Witu u Nunuwu'en Tombulu

⁵ Si esaané im wia ni séra si makangaran Filipus é nimangé witi wanua tua'na esa witi tana' Samaria. Im wana ni sia mahwoka' wia sé tou tumoro si Mesias.

Kisah Rasul-rasul 8:5 Iomraidhean Croise

Kisah Rasul-rasul 1:8

Taan si Roh Lenasokan si tumumpamé wia ni kamu wo ni kamu makailek ung kawasa. Tumondong niitu, ni kamu sé makumua um pina'ilek wo tinalinga niou tumoro ni Aku wo matumuzu' wia sé tou witi wanua tua'na Yerusalem, witi péléng an tana' Yudea wo Samaria makaz witi pondol ung kaayahan.”

Kisah Rasul-rasul 21:8

Masandomé a ni kai tumula'umé um wanua tua'na itii an ikaayoma witi Kaisarea. Im witu ni kai é nimahento'mé witu um walé ni Filipus si mahwoka' u Nuwu' Lé'os tumoro si Yesus, si esaané im wia sé pitu tou sé pinéléng im witi Yerusalem.

Kisah Rasul-rasul 5:42

Wo sekez in endo, ni séra é mahtuzu' witi lésaz um Walé ni Opo Empung wo wana am walé. Ni séra é mahtuzu' u Nuwu' Lé'os tumoro si Yesus i ni Sia é si Mesias.

Kisah Rasul-rasul 6:5

A méikuamé itii é niénéala péléng né tou ma'éman. A séra méléngla sé pitu tou kenu: si Stefanus si totoz ma'éman wia si Yesus wo kinawasa ni Roh Lenas, wo si Filipus, si Prokhorus, si Nikanor, si Timon, si Parmenas, wo si Nikolaus si zéi'kan tou Yahudi taan kimiitola um pa'émanen né tou Yahudi, ni sia ém witi Antiokhia a méyé.

Kisah Rasul-rasul 8:26

A si malaekat ni Opo Empung numuwu'ma wia si Filipus, “Rumendaiomé wo mangémo mapatimuhma, kumiita u lalan witi Yerusalem u mahperosa mangé witi Gaza.” U lalan itii én totoz pene-penesa.

Kisah Rasul-rasul 8:30

Si Filipus éng kimii-kiita i marimétéla, an talinganala si tonaas itii é mahbaca ung kitap ni nabi Yesaya. Ang kuan ni Filipus wia ni sia, “Katulapan ni Tuang um pahbacan itii?”

Kisah Rasul-rasul 8:40

Si Filipus ndéén ém witimo tana' Asdod. Ni sia mahkiité un tana' itii wo mahwoka' u Nuwu' Lé'os tumoro si Yesus wia sé tou wana péléng am wanua tua'na, makaz ni sia i méikaayoma witi Kaisarea.

Kisah Rasul-rasul 8:6

I sé tou lakez mahtalingama an ipahkua ni Filipus wo mahileka a makakompo'en pahwangunenna, péléng sé tou itii én totoz mahwéhé genang wana an ipahkuana.

Kisah Rasul-rasul 9:20

In toro niitu kangkasii ni sia mahuntepa wana am walé peraragésan né tou Yahudi wo mahkua wia sé tou i si Yesus én Oki' ni Opo Empung.

1 Korintus 1:23

Taan ni kai é mahwoka' i si Kristus é nimaté sinalip. Un ipahwoka' nai kenu éng kasoo né tou Yahudi pahpaan mahwangun un até néra i rumara, wo im wia sé tou zéi'kan Yahudi niitu ém pahkuan néra ing kalemouan.

1 Korintus 2:2

Pahpaan karegas ni aku i memali-malipé' karia niou, ni aku é mahkua umana wia ni kamu un tumoro si Yesus Kristus, si sinalip i miloté ni kita im witu un ukuman wana a singkéla'ta. Ni aku én timotozola in zéi'mo kumua am walina wia ni kamu.

1 Korintus 3:11

Pahpaan un to'tolan itii é si Yesus Kristus wo zéi'kan siapa tou zozo' in esa si toro zumeta' un to'tolan walina.