Kisah Rasul-rasul 8:4 - Taaz Weru Witu u Nunuwu'en Tombulu

⁴ Sé jamaat méikaserama pahpaan im pahzézéhan itii é mahliklik péléng un tana' itii karia i mahwoka' u Nuwu' Lé'os tumoro si Yesus.

Kisah Rasul-rasul 8:4 Iomraidhean Croise

Matius 10:23

Sa kamu pahzézéhan néra witi wanua tua'na esa, tumingkasoma witi wanua tua'na walina. Pahpaan uli-ulit ikua-Kuma wia ni kamu: Puunala péléng am wanua tua'na witi Israel pakaangéan nioué, si Oki' ni Tou é niméyémo sumaup.

Lukas 1:2

Am pinantik néra itii é masuat wo a méisirita wia ni kita, né tou sé rengané ing kataré-taré nimilek karia am weren néra a nimamuali itii wo mahtuzu' u Nuwu' ni Opo Empung.

Kisah Rasul-rasul 11:19

Kumawusa si Stefanus im winunu', sé katuari esa pa'émanen ém pahzézéhan, a séra tumingkas méikasera wayaan u niangéan. Wéwéhan sé timingkas witi tana' Fenisia, Siprus wo witi Antiokhia. Sé tou timingkas itii é mahwoka' u Nuwu' Lé'os tumoro si Yesus, taan wia uman sé tou Yahudi.

Kisah Rasul-rasul 15:35

Si Paulus wo si Barnabas én urékan oki' i nimahento'mé witi Antiokhia. Séra zua karia né tou lakez é nimahtuzu'mé wo nimahwoka'mé u Nuwu' ni Yesus Mahpiara.

Kisah Rasul-rasul 8:12

Taan in tarékan ni séra é ma'émano wia si Filipus. Pahpaan ni sia é mahwoka' tumoro ung Kakolanoan ni Opo Empung wo tumoro si Yesus Kristus. Wo ni séra kasii, tuama wo wéwéné é sinarani.

1 Tesalonika 2:2

Kata'uan niouo kasii, puunala kai i niméyé wia an Tesalonika, ni kai é zinézéhamé wo pinahséro'ané im witi Filipi. Taan zozo' lakez sé tou mahsaru ni kai, si Opo Empungta é simawang ni kai akaz ni kai zéi'kan maindé' i mahwoka' u Nuwu' Lé'os-Na im wia ni kamu.