Kisah Rasul-rasul 8:12 - Taaz Weru Witu u Nunuwu'en Tombulu

¹² Taan in tarékan ni séra é ma'émano wia si Filipus. Pahpaan ni sia é mahwoka' tumoro ung Kakolanoan ni Opo Empung wo tumoro si Yesus Kristus. Wo ni séra kasii, tuama wo wéwéné é sinarani.

Kisah Rasul-rasul 8:12 Iomraidhean Croise

Matius 28:19

Niitumo, mangémo wangunela péléng sé tahsasana wanua maéndo pahtuzu'eng-Ku wo saranila séra karia u ngaran ni Ama', ni Oki' wo ni Roh Lenas,

Lukas 9:2

Sé pahtuzu'en-Na é méiatu-Na mahwoka' wia sé tou tumoro ung Kakolanoan ni Opo Empung wo i lumé'os sé tou im wana a saki néra.

Lukas 9:60

Ang kuan ni Yesus wia ni sia, “Iwayamola sé tou nimatémo i malumewengla sé nimatémo. Taan ni ko, mangémo wo maiwoka'la tumoro ung Kakolanoan ni Opo Empung.”

Kisah Rasul-rasul 1:3

Wia sé aatu-Na kenu, kumawusa Sia im pinahzézéhamé makaz nimaté, ni Sia nimapailek un tou-Na un tumuzu'mé i ni Sia én uli-ulit menou-nou. Im witu un epatna pulu' endo, ni Sia é menau-naup i nimapaileka un tou-Na wo nimahnuwu'ma wia ni séra tumoro ung Kakolanoan ni Opo Empung.

Kisah Rasul-rasul 11:20

Taan im wia sé méikasera itii, wéwéhan sé woopira tou Siprus wo Kirene sé nimangé witi Antiokhia. Im witu, ni séra kasii é nimahwoka'mé u Nuwu' Lé'os tumoro si Yesus Mahpiara wia sé tou zéi'kan Yahudi.

Kisah Rasul-rasul 18:8

Taan si Krispus, si tonaas um walé peraragésan né tou Yahudi witi Korintus wo péléng sé mahento' witu um waléna é nima'éman wia si Yesus Mahpiara. Wo lakez kasii sé tou witi Korintus sé timalinga an ipahwoka' ni Paulus é nima'éman wia si Yesus wo niméhé un tou néra i sinarani.

Kisah Rasul-rasul 19:5

Tumalingamé un téntu, a séra saranila witu u ngaran ni Yesus Mahpiara.

Kisah Rasul-rasul 2:38

A mingkotla si Petrus wia ni séra, “Itula'umola a singkéla' niou wo iwéhémola un tou niou i saranin witu u ngaran ni Yesus Kristus wo ni kamu makailek un ampungan ni Opo Empung wana a singkéla' niou. Karia in téntu ni kamu é makailek un tatambér. Un tatambér itii é si Roh Lenas.

Kisah Rasul-rasul 2:41

Sé tou niméhé genang witu u méikua ni Petrus é niméhéla un tou néra i sinarani. Im witu un endo itiikan, sé tou ma'éman wia si Yesus éng kinaawesan woo teluna riwu tou.

Kisah Rasul-rasul 20:21

Ni aku sekezé é mahkua a niilekku wo an tinalingaku wia sé tou Yahudi wo sé tou Yunani, wo a singkéla' néra wia si Opo Empung itula'u nérala wo ma'éman wia si Yesus Mahpiarata.

Kisah Rasul-rasul 20:25

In tarékan kata'uangku i ni kamu péléng sé niéyéangkumoma i mahwoka'ma ung Kakolanoan ni Opo Empung én zéi'mo mahile-ilekala kariaku.

Kisah Rasul-rasul 28:31

Karia in zéi'kan siapa si ikaindé' wo zéi'kan siapa a mahraung, si Paulus mahwoka' tumoro ung Kakolanoan ni Opo Empung wo tumoro si Yesus Kristus Mahpiara.

Kisah Rasul-rasul 5:14

Kauréna éng kalakezna sé tou ma'éman wia si Yesus Mahpiara, séra in tuama kaapa im wéwéné.

Kisah Rasul-rasul 8:4

Sé jamaat méikaserama pahpaan im pahzézéhan itii é mahliklik péléng un tana' itii karia i mahwoka' u Nuwu' Lé'os tumoro si Yesus.

Roma 10:10

Pahpaan karia un até si tou é ma'éman wo éndon ulit, wo karia u sumah si tou é makaulit i si Yesus é Mahpiara, ni sia én ipilot im witu un ukuman wana a singkéla'.

1 Korintus 11:11

Zozo' in téntu, wia ni kita i ma'éman wia si Opo Empung, zéi'kan siapa wéwéné si zéi'kan memandung si tuama wo zéi'kan siapa tuama si zéi'kan memandung si wéwéné.

Galatia 3:28

Niitumo, im wia ni kamu én zéi'kan siapa sé pahkuan tou Yahudi kaapa zéi'kan tou Yahudi, zéi'kan siapa sé pahata-atan wo sé zéi'mo pahata-atan, zéi'kan siapa tuama kaapa wéwéné, ni kamu péléng é nimaesamo pahpaan ma'éman wia si Kristus Yesus.

1 Petrus 3:21

Un ampuhan itii én toro pasuaten karia u sasarani in tarékan un tumuzu'mé si Opo Empung nimiloté ni kamu im witu un ukuman wana a singkéla', mengiité si Yesus Kristus si méitoumomé sumaup ni Opo Empung im wia sé nimaté. Ni kamu i sinarani én zéi'kan i meresi un tou niou, taan u sasarani én tumuzu'mé i ni kamu mahaléi wia si Opo Empung i makaileké un até weresi.