Kisah Rasul-rasul 7:8 - Taaz Weru Witu u Nunuwu'en Tombulu

⁸ A si Opo Empung méhéla an tinotoz tumoro u sunat wia si Abraham, un tumuzu'mé i si Abraham wo si Opo Empung ém wéwéhan um pinataazan. A si Abraham makaileké si lowai a ngaranannala Ishak, a sia sunatennala im witu un endo kawalu i méitoumé. Wo si Ishak nimakaoki'mé si Yakub, ni sia kasii é nimangun un téntu. Wo si Yakub kasii é nimakaoki'mé sé mapulu' wo zua sé nimaéndo nimaopota. Ni séra kangkasii é sinunat ni Yakub.

Kisah Rasul-rasul 7:8 Iomraidhean Croise

Matius 1:2

Si Abraham makaoki'mé si Ishak. Si Ishak makaoki'mé si Yakub. Si Yakub makaoki'mé si Yehuda wo sé katuarina.

Yohanes 7:22

Si Musa niméhé wia ni kamu an tinotoz tumoro um pahsunaten (Zozo' u sunat itii un ulitna én zéi'kan wia si Musa a méyé, taan wia sé nimaopota a méyé). Pahpaano niitu, zozo' in endo Sabat ni kamu é mahsunat sé tou.

Kisah Rasul-rasul 2:29

Katuari-katuari, ipakaulitkuma wia ni kamu tumoro si kolano Daud, si nimaopota. Ni sia é nimatémo wo u linewengan sia ém wiapé' makaz in tarékan wia um wanua kenu.

Roma 4:10

Kawisa si Abraham niéndo ulit ni Opo Empung? Apa puunala ni sia i sinunat kaapa i sinunato? Ni sia é niéndo ulit puunala sia i sinunat, zéi'kan i sinunato.

Galatia 3:15

Katuari-katuari, ni aku é méhéma un toro maéndo kékéréan u mahmuali i mendo-endo. Sa wéwéhan um pinataazan wo um pinataazan itii én tinékénano ni nimangun niitu zozo' ni sia in tou uman, zéi'kan siapa zozo' in esa si tou toro zuméi' kaapa mawes witu um pinataazan itii.

Galatia 3:17

Ung kalakoan u méikuakuma itii én téntii: Un pinataazan méikua wia si Abraham im puuna u niénéano ni Opo Empung, zéi'kan mata'u zéi'en karia un ukum Torat, um winangunokan in epatna atus wo teluna pulu' ta'un tumondongé, taka-takazan um pinataazan itii én zéi'mo enté'.

Ibrani 7:4

Ileken nioula lumé'o-lé'os si Melkisedek, ni sia én totoz ipahpuu-puuna taka-takazan si Abraham, si ama' né nimaopota niméhé u sana pahpulu' im wana péléng ang kinahatnamé an totoz wangun, i ni sia kimoro' kimalamé sé kolano.