Kisah Rasul-rasul 7:53 - Taaz Weru Witu u Nunuwu'en Tombulu

⁵³ Ni kamu é nimakaileko un ukum Torat u méikua né malaekat, taan niitu én zéi'kan pahkiiten niou.”

Kisah Rasul-rasul 7:53 Iomraidhean Croise

Ibrani 2:2

Pahpaan sa a Nuwu' ni Opo Empung an im puuna méikuamo mengiité sé malaekat wia si Musa, wo um wia si Musa an ikuana wia sé tou Israel én totoz ulit, wo sé tou zéi'kan mahkii-kiit wo sé zéi'kan mahtali-talinga é nimakaileko un ukuman mengiit um pinahwangunnamé,

Galatia 3:19

Sa téntu, apa wé un torona un ukum Torat i méiwéhémé? Un ukum Torat é méiawes i mapata'u wia sé tou a singkéla' pahmualin néra. Un ukum Torat itii ém pahpakén akaz uman i méyé si suzu ni Abraham si méikua witu un taaz ni Opo Empung wia si Abraham. Un ukum Torat itii é méikua né malaekat mengiité si Musa wia sé tou Israel.

Kisah Rasul-rasul 7:38

I sé tou Israel witi tana' kapelasan, si Musa kenumo si mahwali-wali karia néra. Ni sia si mahkua wia sé nimaopota u Nuwu' ni Opo Empung u méikuamé né malaekat im witi Kentur Sinai. Ni sia kasii si nimakaileké u Nuwu' ni Opo Empung u mahwéhémé ung katou-touan in ipapaayo wia ni kita.

Galatia 6:13

Pahpaan sé sinunato itii, ni séra kangkasii én zéi'kan makawawa ing kumiit péléng a méipantik wana un ukum Torat. Taan kapaaz néra, ni kamu é sunaten wo séra mahloo-looz i milek ni kamu mahkiit a méipantik wana un ukum Torat.

Yohanes 7:19

Zéi'kankuaa si Musa é niméhémo un ukum Torat wia ni kamu? Taan zéi'kan siapa zozo' in esa im wia ni kamu si mahwangun un ukum Torat itii. Kaa kamu mahtututu' i munu' ni Aku?”