Kisah Rasul-rasul 6:8 - Taaz Weru Witu u Nunuwu'en Tombulu

⁸ Si Stefanus, si mawuta-wuta karia ung kamang méitambér wo ung kawasa ni Opo Empung, mahwangun a makakompo'en wo an zéi'mo kakuaan im wia sé tou lakez.

Kisah Rasul-rasul 6:8 Iomraidhean Croise

Yohanes 4:48

Kuan ni Yesus wia ni sia, “Sa kamu zéi'kan nimilek a makakompo'en, ni kamu én zéi'kan ma'éman.”

Kisah Rasul-rasul 6:10

Taan ni séra zéi'kan makawawa i mahzéi-zéi'an karia ung katulapanna wo si Roh Lenas nimangun si Stefanus makawawa i mahnuwu'ma wia ni séra.

Kisah Rasul-rasul 6:15

In toro niitu, péléng sé tou sé rimumez i mahtotoz witi Mahkamah Agama itii nimerena wia si Stefanus, an ileken nérama ung giona é mahsena' tanu ung gio ni malaekat.

Kisah Rasul-rasul 6:3

Niitumo katuari-katuari, tawimo kamu i méléngla sé pitu tou im wia ni kamu. Ni séra é léwo'zéi' in tou lé'os, tulap wo kinawasa ni Roh Lenas. Sé tou kenu ém wéhan nai um paayangen i mahimek am pemandungen i mendo-endo,

Kisah Rasul-rasul 6:5

A méikuamé itii é niénéala péléng né tou ma'éman. A séra méléngla sé pitu tou kenu: si Stefanus si totoz ma'éman wia si Yesus wo kinawasa ni Roh Lenas, wo si Filipus, si Prokhorus, si Nikanor, si Timon, si Parmenas, wo si Nikolaus si zéi'kan tou Yahudi taan kimiitola um pa'émanen né tou Yahudi, ni sia ém witi Antiokhia a méyé.

Kisah Rasul-rasul 7:55

Taan si Stefanus si kinawasa ni Roh Lenas é limoho'ma witi langit an ilekennama ung kawangko'an ni Opo Empung, wo si Yesus si rimendai witu ung kakan ni Opo Empung.

Kisah Rasul-rasul 8:6

I sé tou lakez mahtalingama an ipahkua ni Filipus wo mahileka a makakompo'en pahwangunenna, péléng sé tou itii én totoz mahwéhé genang wana an ipahkuana.

Efesus 4:11

Ni Siamo si timambér wia sé tou i makawawa maéndo aatu-Na, maéndo nabi, wéwéhan sé maéndo mahwoka' u Nuwu' Lé'os, sé maéndo tonaas i mahahkit wo mahtuzu' sé jamaat.

1 Timutius 3:13

Sé diaken wangun pakahpaayang ém pahsigi'en wo kawuayana i mahnuwu' tumoro um pa'émanen néra wia si Kristus Yesus.