Kisah Rasul-rasul 6:7 - Taaz Weru Witu u Nunuwu'en Tombulu

⁷ U Nuwu' ni Opo Empung éng kalousnamo im pahkawoka'ma, wo sé tou ma'éman wia si Yesus witi Yerusalem éng kalakeznamo. Wo lakez kasii sé walian sé ma'émano wia si Yesus.

Kisah Rasul-rasul 6:7 Iomraidhean Croise

Matius 19:30

Taan lakez sé tou sé ipahpuu-puuna én ipahmuri-muri, wo sé ipahmuri-muri én ipahpuu-puuna.”

Lukas 2:34

Si Simeon mengaléi wia si Opo Empung a méhéma ang kamang wia ni séra ang kuana wia si Maria, si ina' ni Koki' itii, “Si Koki' kenu ém pinéléng ni Opo Empung i mukum sé tou Israel, sé zéi'kan ma'éman wia ni Sia wo kasii i mangun ni séra maéndo ulit witu u sinaru-Na. Ni Sia ém pinéléng ni Opo Empung i mapagenang wia sé tou a siningkéla' néra, taan lakez sé tou mahsaru uman ni Sia.

Yohanes 12:42

Zozo' in téntu, im wia sé tonaas né tou Yahudi é lakez kangkasii sé ma'éman wia si Yesus. Taan ni séra é soo kumua i ni séra é ma'éman wia ni Sia, pahpaan ni séra é maindé' wia sé sana réwok tou Farisi sé toro suméro' ni séra i muntep witu um Walé pahragésan né tou Yahudi.

Kisah Rasul-rasul 12:24

U Nuwu' ni Opo Empung éng kalousna im pahkawoka'ma wo kalakezna kasii sé tou nima'éman.

Kisah Rasul-rasul 13:8

Taan si Bar-Yesus si witu u nunuwu'en Yunani pahkuan Elimas si meriara itii é mahapé-apé' wia si Barnabas wo si Saulus. Pahtututu'enna si gubernur wo sia zéi'kan ma'éman wia si Yesus.

Kisah Rasul-rasul 14:22

Im witu, ni séra nimenté' un até né tou ma'éman wo mahsésa wia ni séra in tia' mazéi' i ma'éman wia si Yesus. Ni séra zua kasii mahkua i sé tou sé muntep witi Kakolanoan ni Opo Empung é léwo'zéi' i mendan an zézéha.

Kisah Rasul-rasul 19:20

Karia in téntu, u Nuwu' Lé'os ni Mahpiara éng kalousna in ipahkawoka'ma wo kalousna i mahwangun sé tou i ma'éman.

Kisah Rasul-rasul 2:47

Ni séra é mahlooz si Opo Empung wo ni séra kasii éng kapaaz né tou lakez. Wo sekez in endo ung kalakez né tou méipilot im witu un ukuman wana a singkéla' ém pahawesan ni Opo Empung.

Kisah Rasul-rasul 21:20

Kaitalingamé niitu, a séra mahlooz si Opo Empung. Ang kuan néra wia si Paulus, “Paulus! Kata'uannula i mariwu-riwumo sé tou Yahudi sé ma'émano wia si Yesus, wo ni séra péléng kangkasii én totoz mahkii-kiit un ukum Torat.

Kisah Rasul-rasul 6:1

In toro niitu, i sé tou ma'éman wia si Yesus éng kalakeznamo, a méhé sé tou Yahudi sé mahnuwu' karia u nunuwu'en Yunani mahpa'os sé tou Yahudi sé mahnuwu' karia u nunuwu'en Ibrani. Ni séra mahpa'os pahpaan sé wéwéné mahesa-esamokan im wia ni séra én zéi'kan pahwéhan genang i mahwéténg am pemandungen néra i mendo-endo.

Roma 1:5

Mengiité ni Sia, ni aku nimakailek ung kamang tatambér i maéndo aatu ni Opo Empung wo ni aku toro mahkit sé tahsasana wanua wo séra ma'éman wo mahtali-talinga si Yesus Kristus.

Roma 16:26

In tarékan witu um perénta ni Opo Empung si makaz ing kauré-uré, u méikawunipé' itii é mémoipahwoka' wana a méipantik né nabi wia péléng sé tahsasana wanua i mahkit ni séra i mahtali-talinga wia si Opo Empung si pa'émanen néra.

Galatia 1:23

Un tinalinga néra um pahkuan né tou é, “Si tou si im puuna mahzézéha ni kai, in tarékan ni sia é mahwoka' um pa'émanen un im puuna ém pahzézéi'enna.”

Galatia 6:10

Niitumo, im wéwéhampé' un oras wia ni kita, méyémo kita mangun a lé'os wia péléng sé tou, sé ipahpuu-puuna é sé katuarita esa pa'émanen.

Kolose 1:6

u mémoiwoka' wia ni kamu. U Nuwu' Lé'os itii é mémoiwoka'ma wia sé tou lakez wia ung kaayahan, wo u Nuwu' itii kangkasii éng kimamang ung katou-touan né tou wia ung kaayahan, tanu ung katou-touan niou ing kinamang rengan ni kamu in timalinga wo uli-ulit mata'u ung kamang méitambér ni Opo Empung.

2 Tesalonika 1:8

Ni Sia kasii in timumpamé é mémukum sé tou soo mata'u si Opo Empung wo soo mahkiit u Nuwu' Lé'os tumoro si Yesus, si Mahpiarata.

2 Timutius 2:9

Pahpaan i mahwoka' u Nuwu' Lé'os kenumo, ni aku nimazézéha an apusen tanu sé tou léwo'. Taan u Nuwu' ni Opo Empung itii én zéi'kan mata'u apusen.

Ibrani 11:8

Pahpaan i ma'éman, si Abraham é mahtali-talinga un ipahkua ni Opo Empung wia ni sia. I ni sia tinawah i mangé witi tampa u maéndo anuna, ni sia nimangé zozo' in zéi'kampé' kata'uanna wisa un angéanna itii.

Ibrani 5:9

Im pinakapendan-Namomé péléng am pengalin-Na, taré si Opo Empung mangun ni Sia zéi'kan siapa pahséro'an wo ni Sia uman si milot sé tou im witu un ukuman wana a singkéla' makaz ing kauré-uré wia sé tou mahtali-talinga ni Sia.

Yudas 1:20

Taan ni kamu katuari-katuari ikararaatéku, pahimekela ung katou-touan niou karia i mahkiit uman um pa'émanen un totoz lenas wo mengaléila karia ung kawasa ni Roh Lenas.

Yudas 1:3

Katuari-katuari ikararaatéku, ni aku én totoz mahtututu' i nimantik tumoro ni kita péléng i mémoipiloté im witu un ukuman wana a singkéla'. Ni aku én totoz paaz i mantik um pinantik kenu wo sumésama wia ni kamu, wo kamu uli-ulit mahtututu' i rumembe-rembet witu um pa'émanen u mémoiwéhé wia sé tou linenas ni Opo Empung.