Kisah Rasul-rasul 6:3 - Taaz Weru Witu u Nunuwu'en Tombulu

³ Niitumo katuari-katuari, tawimo kamu i méléngla sé pitu tou im wia ni kamu. Ni séra é léwo'zéi' in tou lé'os, tulap wo kinawasa ni Roh Lenas. Sé tou kenu ém wéhan nai um paayangen i mahimek am pemandungen i mendo-endo,

Kisah Rasul-rasul 6:3 Iomraidhean Croise

Matius 23:8

Taan ni kamu, tia' ipahwaya niou sé tou mahtawah ni kamu i ‘méster’! Pahpaan si Méster niou én esa uman wo ni kamu péléng é mahtuari.

Yohanes 21:23

An ikaserama im wia sé katuari sé mahkii-kiit si Yesus itii u sirita i si pahtuzu'en itii én zéi'kan maté. Taan si Yesus én zéi'kan kimuama wia si Petrus i si pahtuzu'en itii én zéi'kan maté. U méikua-Na, “Sa ni sia kapaaz-Ku menou-nou makaz ni Aku i mawurimé sumaup, niitu én zéi'kan urusannu.”

Kisah Rasul-rasul 1:15

I sana endo, sé katuari esa pa'émanen é nimaréwok. Ung kalakez néra ém woo sana atus wo zuana pulu' tou. A si Petrus rumendaila witu un unez néra ang kumua,

Kisah Rasul-rasul 1:21

Niitumo kita é léwo'zéi' i méléng si tou esa i sumawel si Yudas. Si péléngenta itii ém wia sé tou sé sekezé memali-mali kariata i si Yesus Mahpiara memali-malipé' kariata,

Kisah Rasul-rasul 10:22

A séra mingkotla, “Si Kornelius si tonaas né sana atus suraro Romawi, si ulit wo maindé' si Opo Empung wo kata'uan né tou i lé'os uman wia péléng sé tou Yahudi én tinuzu'anomé ni malaekat lenas in tumawah ni ko i mangé witi waléna, wo tumalinga an ikuamu wia ni sia.”

Kisah Rasul-rasul 15:23

Ni séra ém winéhanna um pinantik in téntii, “Sigi' wangko' nai in aatu ni Yesus wo né penatua wo né katuari niou, ipapaayo wia ni kamu katuari-katuari esa pa'émanen sé tou zéi'kan Yahudi sé witi Antiokhia, Siria wo Kilikia.

Kisah Rasul-rasul 16:2

Si Timotius éng kata'uan né katuari esa pa'émanen witi Listra wo Ikonium in tou lé'os.

Kisah Rasul-rasul 2:4

A si Roh Lenas kumawasala wia ni séra péléng. Tumondong niitu, a séra méhé i mahnuwu' karia a nunuwu'en walina, mengiit a méiwéhémé ni Roh Lenas wia ni séra.

Kisah Rasul-rasul 22:12

Im witu ém wéwéhan si tou makangaran Ananias. Ni sia uli-ulit mahkiit un ukum Torat, wo kata'uan péléng né tou Yahudi sé mahento' witu in tou lé'os.

Kisah Rasul-rasul 28:14

Im witu, ni kai nimahilekan karia né katuari esa pa'émanen wo pahpaan im pinahaléi nérala, ni kai é nimento' karia néra pituna endo. Tumondong niitu a ni kai mangé witi Roma.

Kisah Rasul-rasul 6:2

Niitumo, sé mapulu' wo zua aatu itii én timawahmé péléng sé mahkii-kiit si Yesus ang kumua, “Zéi'kan wangun sa kita kumana' i mahwoka' u Nuwu' ni Opo Empung wia sé tou pahpaan uman i mimek am pemandungen i mendo-endo.

Kisah Rasul-rasul 6:5

A méikuamé itii é niénéala péléng né tou ma'éman. A séra méléngla sé pitu tou kenu: si Stefanus si totoz ma'éman wia si Yesus wo kinawasa ni Roh Lenas, wo si Filipus, si Prokhorus, si Nikanor, si Timon, si Parmenas, wo si Nikolaus si zéi'kan tou Yahudi taan kimiitola um pa'émanen né tou Yahudi, ni sia ém witi Antiokhia a méyé.

Kisah Rasul-rasul 6:6

Sé pitu tou itii é méisaru nérala wia sé aatu ni Yesus. A sé aatu itii zumeta'la u lengen néra witu um wawo né pitu tou itii a mengaléi wia si Opo Empung.

Kisah Rasul-rasul 9:30

Ing kinata'uanla né katuari esa pa'émanen ung ginenang néra itii, ni sia é méipahwali nérama witi Kaisarea. Im witumokan a sia pekiangé néra witi Tarsus.

1 Korintus 12:8

Pahpaan wia si tou, si Roh Lenas én timambér un tulap i mahkua u nuwu' ni Opo Empung. Wo wia si tou walina, si Roh Lenas itii kangkasii si timambér ang kata'uan wo makawawa ing kumua ang kata'uan itii wia sé tou.

1 Korintus 16:3

Sa ni aku ikaayomoma, ni aku é matu sé tou pinéléng niou mangé witi Yerusalem i mahali an zoit rinéwok niou wo wéhangkumokana um pinantik i mangé wana.

Efesus 5:18

Tia'mo kamu matewelen pahpaan un anggor, pahpaan niitu é luméwo' uman ung katou-touan niou. Taan, tawimo ni kamu kinawasa ni Roh ni Opo Empung.

1 Timutius 5:10

Wo kasii kata'uan né tou i ni sia é mahwangun a lé'os wia sé tou tanu ang kenu: sé oki'na ém piniaranamé lé'os, paaz mahsungkul si tou mento' witi waléna, mahwo'as un a'é né katuari esa pa'émanen, mahsawang sé tou witu ung kasusaan wo uli-ulit zéi'kan mazéi' i mahwangun péléng am wangun.

Yakobus 1:17

Péléng am pahkailekanta am wangun wo an zéi'kan siapa pahséro'an ém witi kasendukan a méyé, pahtumpamé ni Ama' si mahwanguné péléng a mahsena' witi langit a satorona é marimbengbenga. Taan ni Sia én zéi'kan tanu niitu, ni Sia én zéi'kan mahwali-walinala wo u lé'os-Na én zéi'kan mazéi-zéi'la.

3 Yohanes 1:12

Péléng sé tou é nimilek wo mahkua am wangun tumoro si Demetrius, um pahwangunenna é mahkiit ung kaulitan. Ni kai kangkasii é nimilek am wangun tumoro ni sia wo kata'uannu an ipahkua nai én ulit.