Kisah Rasul-rasul 6:11 - Taaz Weru Witu u Nunuwu'en Tombulu

¹¹ Niitumo, ni séra sumorokla sé woopira tou ing kumua téntii, “Ni kai én timalingamola ni sia i mahkuama a séséro'an wia si Musa wo wia si Opo Empung.”

Kisah Rasul-rasul 6:11 Iomraidhean Croise

Yohanes 1:17

Pahpaan un ukum Torat é méiwéhé mengiité si Musa, taan ung kamang tatambér wo ung kaulitan é méyé mengiité si Yesus Kristus.

Yohanes 16:3

Ni séra mahwangun an téntu wia ni kamu pahpaan ni séra én zéi'kampé' mata'u si Ama' wo ni Aku.

Yohanes 9:29

Kata'uan nai si Opo Empung éng kimuamo wia si Musa. Taan tumoro si tou itii, zéi'kan kata'uan nai wisa Sia a méyé.”

Kisah Rasul-rasul 15:21

Pahapaan rengané im puuna un ukum ni Musa é mémoikua wana péléng am wanua tua'na. Wo makaz in tarékan un ukum itii ém pahbacan wana am walé peraragésan né tou Yahudi sekez in endo Sabat.”

Kisah Rasul-rasul 18:6

Taan pahpaan sé tou itii é mahsaru wo mahséro' uman taré wia ni sia, niitumo si Paulus timangkarla an awu witu ung kinaraina, i mapagenang wia ni séra i ni séra é simala'mola, ang kumua wia ni séra, “Ni kamu in esa sé nimangun si Opo Empung i mukum ni kamu. Zéi'kan sumala'ku. Rengan in tarékan, ni aku é mangé wia sé tou zéi'kan Yahudi i mahwoka' u Nuwu' Lé'os tumoro si Yesus.”

Kisah Rasul-rasul 21:28

karia i mahkérét, “É, tou Israel, sawangané kai! Kelasiamo si tou si mahtuzu' wia péléng sé tou an tutuzu' a mahsaru sé tou Israel, un ukum Torat wo um Walé ni Opo Empung kenu wana péléng an tampa niangéannamé! In tarékan, ni sia kangkasii é nimahwalimé sé tou Yunani wia um Walé ni Opo Empung wo nimangun un tampa lenas kenu makati'tiren!”

Kisah Rasul-rasul 25:3

Ni séra totoz mahaléi wia si gubernur i mapaileké u lé'osna wo si Paulus toro ipahwalimé witi Yerusalem. Pahaléien néra téntu pahpaan ni séra éng gimenang i munu' si Paulus witi lalan.

Kisah Rasul-rasul 25:7

I si Paulus méikaayomola witu, péléng sé tou Yahudi sé witi Yerusalem a méyé é rimendai limiklik ni sia. Lakez an ipahtoké néra wia si Paulus i mahwuwutez ni sia, taan ni séra én zéi'kan makawawa i mapailek sa an ipahtoké néra itii én ulit.

Kisah Rasul-rasul 26:11

Ni aku kangkasii sekezé é mahzézéha ni séra im wana am walé peraragésan né tou Yahudi, wo menutu' ni séra ing kumélong um pa'émanen néra. Wo karia in totoz maupi', ni aku é mahkikiit ni séra, makaz wana am wanua tua'na walina.”

Kisah Rasul-rasul 6:10

Taan ni séra zéi'kan makawawa i mahzéi-zéi'an karia ung katulapanna wo si Roh Lenas nimangun si Stefanus makawawa i mahnuwu'ma wia ni séra.

Kisah Rasul-rasul 6:12

Karia in téntu ni séra mahaker sé tou lakez, sé pahtutu'an wo sé tou tulap un Torat. A sia rengan in tionan néramé, pahkéhongen néramé an ipahwalima witi Mahkamah Agama.

Kisah Rasul-rasul 6:13

An isaru néra kasiimé sé woopira tou ing kumua an towo tumoro si Stefanus. Sé tou itii é mahkua, “Si tou kenu én zéi'kan kumana' i mahkua a séséro'an tumoro um Walé ni Opo Empung wo un ukum Torat.

Roma 3:8

Kaa kita zéi'kan kumua, “Mémo kita mangun un zéi'kan wangun wo ikatuzu'mé um wangun?” Wéwéhan sé tou mahwuwuul u ngaranku i ni aku mahkua un téntu. Sé tou téntu ém wangun i makailek un ukuman ni Opo Empung.

1 Timutius 1:13

Im puuna ni aku é mahséro' u ngaran ni Kristus Yesus wo mahzézéha wo totoz loozan i mahsalou sé tou ma'éman wia ni Sia. Taan ni aku é méiraraatémé ni Yesus, pahpaan in toro niitu ni aku én zéi'kampé' ma'éman wia ni Sia, niitumo péléng am pahwangunengku itii én zéi'kan kata'uangku.