Kisah Rasul-rasul 6:1 - Taaz Weru Witu u Nunuwu'en Tombulu

¹ In toro niitu, i sé tou ma'éman wia si Yesus éng kalakeznamo, a méhé sé tou Yahudi sé mahnuwu' karia u nunuwu'en Yunani mahpa'os sé tou Yahudi sé mahnuwu' karia u nunuwu'en Ibrani. Ni séra mahpa'os pahpaan sé wéwéné mahesa-esamokan im wia ni séra én zéi'kan pahwéhan genang i mahwéténg am pemandungen néra i mendo-endo.

Kisah Rasul-rasul 6:1 Iomraidhean Croise

Matius 23:13

Ang kuan kasii ni Yesus, “Ikaléwo'la ni kamu in tou tulap un Torat wo ni kamu i sana réwok tou Farisi, é kamu sé tou mahgau-gau lé'os. Pahpaan sé tou maéndo tou ni Opo Empung ém pahpoka-pokalan niou, un tanumokan i nimeneta um pepenet witi Kakolanoan ni Opo Empung. Ni kamu in esa é soo maéndo tou ni Opo Empung wo sé tou sé paaz maéndo tou ni Opo Empung ém pahapé-apé'an niou. [

Kisah Rasul-rasul 11:20

Taan im wia sé méikasera itii, wéwéhan sé woopira tou Siprus wo Kirene sé nimangé witi Antiokhia. Im witu, ni séra kasii é nimahwoka'mé u Nuwu' Lé'os tumoro si Yesus Mahpiara wia sé tou zéi'kan Yahudi.

Kisah Rasul-rasul 11:26

Ni séra zua é mahento' mahwali-wali karia né jamaat witu, sana ta'un ung kauréna. Im witu ni séra é mahtuzu' tumoro si Yesus wia sé tou lakez. Im witi Antiokhia itiimo ing kataré-taré sé tou ma'éman si Yesus im pahkuan tou Sarani.

Kisah Rasul-rasul 11:29

Tumalingamé niitu, sé tou ma'éman si Yesus én timotozla i ruméwok a sasawang mengiit ung kawawaan ni esa wo ni esa im pahalin wia sé katuari esa pa'émanen sé mahento' witi tana' Yudea.

Kisah Rasul-rasul 2:41

Sé tou niméhé genang witu u méikua ni Petrus é niméhéla un tou néra i sinarani. Im witu un endo itiikan, sé tou ma'éman wia si Yesus éng kinaawesan woo teluna riwu tou.

Kisah Rasul-rasul 2:45

Wo sekezé im wia ni séra ém wéwéhan sé mahwangkér a sangkum néra, an zoitna én ipahwéténg wia sé tou mengiit am pemandungen ni esa wo ni esa.

Kisah Rasul-rasul 2:47

Ni séra é mahlooz si Opo Empung wo ni séra kasii éng kapaaz né tou lakez. Wo sekez in endo ung kalakez né tou méipilot im witu un ukuman wana a singkéla' ém pahawesan ni Opo Empung.

Kisah Rasul-rasul 4:35

an iwéhéla wia sé aatu ni Yesus. Wo péléng an zoit itii é méipeméténgla né aatu ni Yesus wia si esa wo si esa mengiit am pemandungen néra.

Kisah Rasul-rasul 4:4

Taan im wia sé tou timalinga an tutuzu' itii é lakez sé nima'éman, taka-takazan sé tou ma'émano, sé tuama é nimaéndomoma woo limana riwu tou.

Kisah Rasul-rasul 5:14

Kauréna éng kalakezna sé tou ma'éman wia si Yesus Mahpiara, séra in tuama kaapa im wéwéné.

Kisah Rasul-rasul 5:28

Kuana, “Ni kamu én totoz sinéro' naimola i mahtuzu' karia u Ngaran itii. Taan sé tou wia péléng u Yerusalem én timalingamoma an tutuzu' niou. Wo ni kamu é mapahsasala' ni kai tumoro ung kinawalian ni Tou itii makaz i nimaté.”

Kisah Rasul-rasul 6:2

Niitumo, sé mapulu' wo zua aatu itii én timawahmé péléng sé mahkii-kiit si Yesus ang kumua, “Zéi'kan wangun sa kita kumana' i mahwoka' u Nuwu' ni Opo Empung wia sé tou pahpaan uman i mimek am pemandungen i mendo-endo.

Kisah Rasul-rasul 6:7

U Nuwu' ni Opo Empung éng kalousnamo im pahkawoka'ma, wo sé tou ma'éman wia si Yesus witi Yerusalem éng kalakeznamo. Wo lakez kasii sé walian sé ma'émano wia si Yesus.

Kisah Rasul-rasul 9:29

Si Saulus kasii é mahnuwu' wo mahzéi-zéi'an karia né tou Yahudi sé mahnuwu' karia a nunuwu'en né Yunani, taan ni séra mahtututu' i munu' ni sia.

Kisah Rasul-rasul 9:39

Timalingala niitu, a si Petrus rengan nimimekla a mangé karia néra witi Yope. I méikaayomoma wana, a sia ipahwali nérama witi welah atas. Péléng sé wéwéné mahesa-esamokan é marimété si Petrus. Karia i mahamé' ipapailek nérala wia ni sia péléng ang karai wo ang karai tonton am winilit ni Dorkas i ni sia memali-malipé' karia néra.

Kisah Rasul-rasul 9:41

Tionala ni Petrus u lengen ni Tabita a sawangannala sia i rimendaié. An tawahené ni Petrus sé tou ni Mahpiara wo sé wéwéné mahesa-esamokan, an ipapaileknala wia ni séra i si Tabita é nimatoumomé sumaup.

Roma 12:7

Sa un tatambér ni Opo Empung é mahsawang sé tou walina, wangunenola niitu uli-ulit i sumawang sé tou walina; sa un tatambér ni Opo Empung é mahtuzu', wangunenola niitu in uli-ulit mahtuzu'.

1 Korintus 10:10

Tia' menembu-nembut tanu am pinahwanguné né woopira im wia ni séra, makaz ni séra winunu' ni malaekat um patéan.

2 Korintus 11:22

Ni séra é mahkua in tou Ibrani? Ni aku kangkasii én tou Ibrani! Ni séra é mahkua in tou Israel? Ni aku kangkasii én tou Israel! Ni séra é mahkua i suzu ni Abraham? Ni aku kangkasii é suzu ni Abraham!

Filipi 3:5

Ni aku é sinunat in taré waluna endo i méitoumé, ni aku én tou Israel, wia sé suzu ni Benyamin a méyé. Ni aku én uli-ulit tou Ibrani. Ni aku kangkasii én esaané wia sé sana réwok tou Farisi, sé sana réwok tou Farisi itii én uli-ulit mahtali-talinga un ukum Torat.

1 Timutius 5:3

Pahsigi'ela sé wéwéné mahesa-esamokan sé uli-ulit menou-nou mengesa-ngesamokan.

1 Timutius 5:9

Sé wéwéné mahesa-esamokan sé méikarékén wangun i makailek a sasawang né jamaat é: sé zéi'kan mawa'mé witu un enemna pulu' ta'un, makasa uman kimawéng.

Ibrani 13:1

Katuari-katuari, tia'mo kumana' i mahraa-raatéan si esa wo si esa.

Yakobus 1:27

Un uli-ulit mahragés wo zéi'kan siapa um pahséro'an witu u sinaru ni Opo Empung, Ama'ta é mahileké sé zéi'mo siapa tu'a wo sé wéwéné mahesa-esamokan im wana ang kasusaan néra. Téntu kangkasii ni kamu, mile-ilekla én taa kamu ikakiitla i mahwangun a léwo'an wia ung kaayahan.

Yakobus 4:5

Tia' kamu mahgenangla a méipantik witu um Pinantik Lenas én zéi'kan siapa ung kalakoana ing kimua in téntii, “Si roh si méiwéhémé ni Opo Empung wia ni kita én téiz wia ni kita sa zéi'kan mahtali-talinga wia ni Sia!”

Yakobus 5:9

Katuari-katuari, ni kamu én tia' mema'o-ma'os wo mahpasasala' si esa wo si esa, wo kamu zéi'kan ukumen. Si mahtotoz am winangun né tou in ulit kaapa zéi'kan é rimendaio witu um pepenet.