Kisah Rasul-rasul 5:3 - Taaz Weru Witu u Nunuwu'en Tombulu

³ Taan si Petrus éng kimuala, “Ananias, kaa si tonaas né sétang é méiwayamu ing kimawasa un atému, taka-takazan si Roh Lenas én tinowoannu wo wéwéhan an zoit um winangkéran un tana' itii é méilé'osmu?

Kisah Rasul-rasul 5:3 Iomraidhean Croise

Matius 13:19

Am watuna tatanemen méikagogo witi tembir u lalan é masuat wo sé tou timalingamo u Nuwu' tumoro ung Kakolanoan ni Opo Empung, taan ni séra én zéi'kan makatulap niitu, a méyé si tonaas né sétang kimahata u Nuwu' itii witu un até néra.

Lukas 22:3

A si tonaas né sétang nimuntepa wia si Yudas, si pahkuan Iskariot, si esaané wia sé mapulu' wo zua pahtuzu'en ni Yesus.

Yohanes 13:2

I si Yesus wo sé pahtuzu'en-Na mahkan mahwali-wali, si tonaas né sétang éng kimewitoma ung genang léwo' witu un até ni Yudas Iskariot, si oki' ni Simon, i mangkér ni Sia wia sé kakoro'-Na.

Yohanes 13:27

I si Yudas nimakailekola u roti itii a si tonaas né sétang sumelazla wia ni sia. A si Yesus kumuala wia ni sia, “Apa um paaz im wangunennu, rewekenola i mangun niitu.”

Kisah Rasul-rasul 5:2

Kata'uan ni mahayona im wéwéhan an zoit méilé'os ni Ananias. Wo am walina ém pinahalima an iwéhénala wia sé aatu ni Yesus.

Kisah Rasul-rasul 5:4

In zéi'kampé' méiwangkérmula, un tana'mu én anumu. Wo niitu i mémoiwangkérmula, un zoitna én anumupé'. Taan kaa ko gimenang un téntu witu un atému? Zéi'kan si tou si tinowoannu taan si Opo Empung si tinowoannu.”

Kisah Rasul-rasul 5:9

Ang kuan ni Petrus wia ni sia, “Kaa ko wo si mahayomu é nimaesaanola i mema'wa' si Roh ni Opo Empung? Amoké ilekenuma, sé tou sé malimewengé si mahayomu é rimendai witi loloangan wo ni séra kangkasii é masaan ni ko i mondol.”

Yakobus 4:7

Niitumo, iwéhéla un tou niou wo kumiitla si Opo Empung, sarula si tonaas né sétang, wo sia tumingkasé im wia ni kamu.

1 Petrus 5:8

Ni kamu é léwo'zéi' i mile-ilek wo tuméga-tégam! Pahpaan si tonaas né sétang si kakoro' niou itii é melili-liklik menéro tou ing kalan, masuat wo si singa melili-liklik i menéro tou in tongko'en.