Kisah Rasul-rasul 5:21 - Taaz Weru Witu u Nunuwu'en Tombulu

²¹ Kumawusa séra in timalingama u méikuama ni malaekat itii, i maayahmo a séra muntepa witi lésaz um Walé ni Opo Empung a mahtuzu' witu. Karegas niitu, si Walian Wangko' wo sé mahkii-kiit ni sia é riméwoké sé tou méikauntep witu u Mahkamah Agama, ni séra ém péléng sé pahtutu'an né tou Israel. Tumondong niitu an ipekiangé néramé sé aatu ni Yesus im witi bui.

Kisah Rasul-rasul 5:21 Iomraidhean Croise

Matius 5:22

Taan in tarékan ni Aku éng kumuama wia ni kamu: Séi uman sé maupi' wia si katuarina, ni sia é léwo'zéi' in ukumen. Séi si mahsalou si katuarina, ni sia é léwo'zéi' in isaru wia sé Mahkama Agama. Wo séi si mahkua si katuarina i letup, ni sia é léwo'zéi' in ilombo' witu un api naraka zéi'kan mahpaté.

Lukas 22:66

I mawoondomomé a maréwoké sé pahtutu'an né tou Yahudi wo sé tonaas né walian wo sé tou tulap un Torat, a Sia ipahwali nérama witi Mahkamah Agama.

Yohanes 18:35

Kuan ni Pilatus, “Tou Yahudi aku wé? Sé kawanua-Mu karia né tonaas né walian sé nimayo ni Ko wia ni aku. Apamo um winangun-Mula wé?”

Yohanes 8:2

Masandonamé, woondopé' karengan ni Sia ém witimo lésaz um Walé ni Opo Empung wo lakez sé tou mahéyé wia ni Sia. Ni Sia rumumezla a mahtuzu' ni séra.

Kisah Rasul-rasul 22:15

Pahpaan ni ko é léwo'zéi' i makumua wia péléng sé tou a niilek wo an tinalingamu tumoro ni Sia.

Kisah Rasul-rasul 22:5

Si Walian Wangko' wo sé Mahkamah Agama kasii én toro kumuamé, sa péléng an ipahkuaku én ulit. Wo ni séra kasii sé niméhémé um pinantik u niméhé ung kawasa wia ni aku im pahalin wia sé tou Yahudi witi Damsyik. Um pinantik itiimo u nimangun ni aku in toro tumion sé tou sé mahkiit an tutuzu' ni Yesus Mahpiara witi Damsyik a mahwali ni séra witi Yerusalem i maukumen.

Kisah Rasul-rasul 5:17

Ing kamurian, si Walian Wangko' wo sé sana réwok tou Saduki sé mahkii-kiit ni sia, timotozla in zumézéha sé aatu ni Yesus pahpaan ni séra én totoz menéutéu sé aatu itii.

Kisah Rasul-rasul 5:27

Ipahwali néramé sé aatu itii a maisaru wia sé Mahkama Agama. A méhé si Walian Wangko' i meligau wia sé aatu itii.

Kisah Rasul-rasul 5:34

Taan wéwéhan si esaané im wia sé sana réwok tou Farisi si méikauntep witu u Mahkamah Agama, makangaran Gamaliel. Ni sia én tou tulap un Torat wo totoz pahsigi-sigi'en péléng né tou. Sia rumendaié a mahaléila, wo sé aatu ni Yesus itii i mondola im witu zéi'kan uré.

Kisah Rasul-rasul 5:41

Sé aatu ni Yesus itii mondolé im witu um pahtotozan né Mahkamah Agama karia i mahpaa-paaz, pahpaan ni séra é mahgenangla wangun mazézéha im pahséro'an pahpaan u Ngaran ni Yesus.