Kisah Rasul-rasul 5:2 - Taaz Weru Witu u Nunuwu'en Tombulu

² Kata'uan ni mahayona im wéwéhan an zoit méilé'os ni Ananias. Wo am walina ém pinahalima an iwéhénala wia sé aatu ni Yesus.

Kisah Rasul-rasul 5:2 Iomraidhean Croise

Matius 23:5

Péléng am paayangen am pahwangunen néra én akaz uman in ipapailek wia sé tou. Un tali pemamakén i mengaléi ém winangun nérala malempa-lempaz wo a rumbaina ung karai tonton néra é linambo-lambo'.

Yohanes 12:6

Niitu méikuanama zéi'kan pahpaan ni sia mahwéhé genang wia sé tou zéi'kan siapa apa, taan pahpaan ni sia é maremu'. Ni sia sekezé é mahéndo an zoit méilé'os wia ni sia.

Kisah Rasul-rasul 2:44

Péléng sé tou ma'émano itii sekezé é nimaréwok mahwali-wali. Wo péléng a sangkum ni esa wo ni esa é nimaéndomo anu néra péléng.

Kisah Rasul-rasul 4:37

Ni sia nimangkér un umana wo nimahalima un zoit itii an iwéhénala wia sé aatu ni Yesus.

Kisah Rasul-rasul 5:1

Wéwéhan si tuama makangaran Ananias, wo si mahayona si makangaran Safira. Ni séra é nimangkérla un tana' anu néra.

Kisah Rasul-rasul 5:3

Taan si Petrus éng kimuala, “Ananias, kaa si tonaas né sétang é méiwayamu ing kimawasa un atému, taka-takazan si Roh Lenas én tinowoannu wo wéwéhan an zoit um winangkéran un tana' itii é méilé'osmu?

Kisah Rasul-rasul 5:8

Ang kuan ni Petrus wia ni sia, “Ikuamumé wia ni aku. Apa téntu uman un zoit méiwaéré un tana' itii?” A mingkotla si Safira, “Ulit, téntu uman.”

Filipi 2:3

Tia' menéro-néro uman um pemandungen in esa kaapa menéro-néro a lolooz an zéi'kan siapa torona. Tawimo in irorosla un tou niou wo pahgenangela i sé tou walinapé' sé ipahpuu-puuna taan un tou in esa.

1 Timutius 6:10

Pahpaan u megena-genang uman an zoit, niitu u nimangun sé tou mahwangun péléng a léwo'an. Wo pahpaan i megena-genang uman an zoit, sé woopira tou én zéi'mo ma'éman wia si Yesus wo un até néra é rumara pahpaan in zézéha.