Kisah Rasul-rasul 5:12 - Taaz Weru Witu u Nunuwu'en Tombulu

¹² Lakez a makakompo'en wo an zéi'mo kakuaan am winangun né aatu ni Yesus witu u sinaru né tou lakez. Wo péléng sé tou sé ma'émano sekezé é meréréwok witi Loloangan Salomo witi Walé ni Opo Empung karia in esa genang.

Kisah Rasul-rasul 5:12 Iomraidhean Croise

Markus 16:20

Tumondong niitu, sé pahtuzu'en ni Yesus mangé wana péléng a saruan i mahwoka' wia sé tou u Nuwu' Lé'os tumoro si Yesus. Karegas niitu, si Mahpiara é mahpaayang karia néra mahwangun a makakompo'en i menté' u Nuwu' Lé'os itii.

Yohanes 10:23

Si Yesus melampa-lampang witi lésaz um Walé ni Opo Empung witi porés nginaranan Salomo.

Yohanes 4:48

Kuan ni Yesus wia ni sia, “Sa kamu zéi'kan nimilek a makakompo'en, ni kamu én zéi'kan ma'éman.”

Kisah Rasul-rasul 1:14

Ni séra péléng é nimaréwok karia un esa genang i mahmengaléi. Ni séra i mengaléi éng karia né woopira wéwéné, karia ni Maria ina' ni Yesus wo sé katuari ni Yesus.

Kisah Rasul-rasul 14:3

Niitumo, si Paulus wo si Barnabas én urékan oki' i nimahento'mé witu. Wo karia im wuaya ni séra mahnuwu' tumoro si Yesus Mahpiara. Ni Sia nimapailek sa an ipahnuwu' néra tumoro ung kamang tatambér-Na én ulit, karia i niméhé ung kawasa wia ni séra i mahwangun a makakompo'en wo an zéi'kan kakuaan.

Kisah Rasul-rasul 16:18

Woo pirana endomo si wéwéné itii i mengasa-ngasar téntu. I si Paulus seso'mo a sia luméngéhma muri ang kumua wia si roh si simelaz wia si wéwéné itii, “Karia u ngaran ni Yesus Kristus, mondolé ko im wia si wéwéné itii.” In toro niitukan si roh itii éng kimii-kiit i nimondolé.

Kisah Rasul-rasul 19:11

Si Opo Empung nimangun a makakompo'en an zéi'kan kakuaan mengiité si Paulus.

Kisah Rasul-rasul 2:46

Wo sekez in endo ni séra én zéi'kan kumana' i meréwo-réwok witi Walé ni Opo Empung wo ni séra én esa genang. Um walé ni esa wo ni esa é mahsasawel im pahangéan néra i mahkan mahwali-wali karia i mahpaa-paaz wo ung genang lé'os.

Kisah Rasul-rasul 28:9

Kumawusa u nimamualima itii, sé tou saki walina witi katanaan itii é niméyé wia si Paulus, wo séra péléng kangkasii liné'osnama.

Kisah Rasul-rasul 3:11

Si tou lailai woan itii é mengii-ngiit uman si Petrus wo si Yohanes. Pahpaano niitu péléng sé tou sé mengusi-ngusingsingpé' itii mérimimbung wia ni séra telu witi loloangan u makangaran ‘Loloangan Salomo’.

Kisah Rasul-rasul 4:30

Iayomé u lengen-Mu i lumé'os sé tou saki wo ipapaileké a makakompo'en wo an zéi'kan kakuaan mengiité u ngaran ni Yesus, si Ata-Mu Lenas.”

Kisah Rasul-rasul 9:33

Im witu ni sia nimahilekan karia ni tou makangaran Eneas, si waluna ta'uno i meneke-nekelokan pahpaan i lailai.

Kisah Rasul-rasul 9:40

Taan ni séra péléng é méipekiondola ni Petrus. Ni sia kumuruzla a mengaléi. Ni sia sumarula un awak ni tou nimaté itii ang kumuama, “Tabita, tumoozomé!” A si Tabita mukamé um werenna. Kaiileknala si Petrus a sia tumoozé a rumumezla.

Roma 15:19

karia a makakompo'en wo an zéi'kan kakuaan pahpaan ung kawasa ni Roh ni Opo Empung. U Nuwu' Lé'os tumoro si Yesus Kristus é mémoipahwoka'kumé wia sé tou, rengané im witi Yerusalem makaz witi Ilirikum.

2 Korintus 12:12

Ni aku i memali-malipé' karia niou, ni aku mapailek wia ni kamu an tumuzu'mé i ni aku én uli-ulit aatu ni Yesus, ni aku én ezen zozo' im pahzézéhan. Wo ni aku é nimangun a makakompo'en, an zéi'kan kakuaan an tumuzu'mé ang kawasa ni Mahpiara.

Ibrani 2:4

Si Opo Empung kangkasii é nimenté' an tinalinga wo an ipahkua néra itii, karia niméhé ung kawasa-Na wia ni séra i mahwangun sé tou mengusi-ngusingsing wo a makakompo'en wo an tatambér ni Roh Lenas, a méiwéhé-Na mengiit ung kapaaz-Na.