Kisah Rasul-rasul 4:22 - Taaz Weru Witu u Nunuwu'en Tombulu

²² Pahpaan ung katou-touan ni tou lailai woan itii é limangkoio epatna pulu' ta'un, wo in tarékan é lé'oso.

Kisah Rasul-rasul 4:22 Iomraidhean Croise

Matius 9:20

Karegas séra i mahlampang wéwéhan si wéwéné si mapulu' wo zuana ta'uno zézéha im pahondolan. Ni sia é rimétéla witu u muri ni Yesus a sumahiza u rawisna ung karai tonton ni Yesus.

Lukas 13:11

Im witu ém wéwéhan si wéwéné saki. Ni sia i saki é mapulu' wo waluna ta'uno pahpaan ni sia é sinelazan ni roh léwo' makaz ni sia é nimawohko zéi'mo toro rumendai makaterén.

Yohanes 5:5

Im witu ém wéwéhan si tuama saki teluna pulu' wo waluna ta'uno ung kauréna.

Yohanes 9:1

I si Yesus mahlampang, ni Sia mileka si letok renganpé' i nimatoumé.

Kisah Rasul-rasul 3:2

Im witu ém wéwéhan si tuama un a'éna é lailai rengan i nimatoumé, ni sia ém pahwulé-wulénganokan. Sekez in endo ni sia ém pengangaliné witu rété um pepenet um Walé ni Opo Empung um pahkuan Pepenet Wangun. Ni sia im witu é mengangaléi wia sé tou mémuntep witu um Walé ni Opo Empung.

Kisah Rasul-rasul 4:21

Tumalingamé niitu, sé tonaas né tou Yahudi éng kalousna i ma'indé' si Petrus wo si Yohanes. Taan sé zua aatu itii é méipilot néramé pahpaan ni séra zéi'kan méikailekla ung kawalian i mukum ni séra, wo kangkasii maindé' én taa sé tou lakez maupi'. Pahapaan sé tou lakez itii é mahlooz u ngaran ni Opo Empung i si tou lailai itii liné'osa.

Kisah Rasul-rasul 4:23

I si Petrus wo si Yohanes mémoiondolé im witi pengengeruzan itii, a séra mawurima wia sé kakaria néra. An isirita nérala zua a méikuamé né tonaas né walian wo né pahtutu'an né tou Yahudi wia ni séra.

Kisah Rasul-rasul 9:33

Im witu ni sia nimahilekan karia ni tou makangaran Eneas, si waluna ta'uno i meneke-nekelokan pahpaan i lailai.