Kisah Rasul-rasul 4:13 - Taaz Weru Witu u Nunuwu'en Tombulu

¹³ Sé tou méikauntep witu u Mahkama Agama é mengusi-ngusingsing i nimilekla si Petrus wo si Yohanes zéi'kan maindé' i mahwingkoté wo ni séra kasii é mata'u i ni séra zua én tou kanaramen wo zéi'kan simikola. Kinata'uan néra kasiila i ni séra zua é mahkii-kiit si Yesus.

Kisah Rasul-rasul 4:13 Iomraidhean Croise

Matius 11:25

In toro niitu si Yesus mengaléi, “Ni Aku kumuama u makasé wia ni Ko, Ama', Opo Empung u langit wo ung kaayahan, pahpaan niana é méiwuni ni Ama' im wia sé tou tulap wo lakez ang kata'uan. Taan niana é méipapailek ni Ama' wia sé tou kanaramen sé mahkii-kiit uman tanu sé koki'.

Matius 26:71

I ni sia nimangé witi pepenet tua'na, si ata wéwéné walina nimileka ni sia ang kumua wia sé tou witu, “Si tou kenu é mahkari-karia si Yesus, si tou Nazaret itii.”

Matius 26:73

Zéi'kan uré kasii, sé tou witu rimétéla si Petrus, ang kumuama, “Tantumo ni ko kasii én esaané im wia ni séra, niitu én toro kata'uan witu um pakahnuwu'mu.”

Lukas 22:8

A si Yesus matuma si Petrus wo si Yohanes, kuan-Na, “Mangémo wo maimekela un tikohon kanenta i lumé'os un endo Paskah.”

Yohanes 19:26

I niilekla ni Yesus si Maria ina'-Na wo si pahtuzu'en si ikararaaté-Na witu ung kasaru ni Maria, a Sia kumuama wia si ina'-Na, “Ina', kenumo si oki'mu!”

Yohanes 7:15

Sé tonaas né tou Yahudi é mengompo' a mahkua, “Ni Sia én zéi'kan pinahtuzu-tuzu'la, taan kaa kahuman wékalakez ung kata'uan-Na?”

Yohanes 7:49

Taan sé tou lakez kenu sé zéi'kan mata'u un ukum Torat, ni séra é nimakaileko un epa'!”

Kisah Rasul-rasul 4:14

Taan ni séra én zéi'kan mata'u kumua ing kura, pahpaan nimilekla si tou lailai woan itii é rimendaio witu u rété né aatu zua itii.

Kisah Rasul-rasul 4:19

Taan si Petrus wo si Yohanes é nimingkotla in téntii, “Totozen niouola in esa wisa un ulit im witu u sinaru ni Opo Empung: mahtali-talinga wia ni kamu kaapa mahtali-talinga wia si Opo Empung.

Kisah Rasul-rasul 4:29

Wo in tarékan o Opo Empung, ilekené am pahmualin néra i ma'indé' ni kai sé ata-Mu wo wangunené ni kai in zéi'kan maindé' i mahwoka' u Nuwu'-Mu.

Kisah Rasul-rasul 4:31

Karegas i mengaléi, un tampa kinaréwokan néra é mahogémo. Ni séra péléng éng kinawasamo ni Roh Lenas, a séra mahwoka' u Nuwu' ni Opo Empung karia in zéi'kan siapa un ikaindé'.

Kisah Rasul-rasul 9:27

Taan wéwéhan si makangaran Barnabas nimahwalima si Saulus i nimangé wia sé aatu ni Yesus. Ni sia simirita wia sé aatu ni Yesus kura si Saulus i nimilek si Yesus Mahpiara witi lalan mangé witi Damsyik. Wo kura si Mahpiara i nimuwu' wia ni sia wo kasii kura ung kawuayana i mahwoka' tumoro u ngaran ni Yesus wia sé tou witi Damsyik.

Kisah Rasul-rasul 9:28

Niitumo, si Saulus nimento' mahwali-wali karia néra witi Yerusalem, wo karia im wuaya ni sia mahwoka' wia sé tou u ngaran ni Yesus Mahpiara.

1 Korintus 1:27

Pahpaan si Opo Empung é niméléng um pahgenangen né tou wia ung kaayahan i lemou, i mapaiza-izang sé pahkuan né tou in tou tulap. Wo ni Sia é niméléng am pahgenangela né tou wia ung kaayahan in zéi'kan enté', i mapaiza-izang sé tou enté'.

1 Korintus 14:25

Wo péléng a méikawuni witu un aténa é makata'uanna. Niitumo sia kumuruzla a mongkot wo mahsigi' si Opo Empung ang kumua, “Totoz ulit, si Opo Empung ém witu un unez niou.”

2 Korintus 3:12

Pahpaan ni kai niméré' witu um pinataazan weru um wia si Opo Empung, niitumo ni kai én zéi'kan maindé' i mahwoka' u Nuwu' Lé'os tumoro si Yesus wia sé tou.