Kisah Rasul-rasul 4:12 - Taaz Weru Witu u Nunuwu'en Tombulu

¹² Akaz uman si Yesus si toro milot sé tou im witu un ukuman wana a singkéla', zéi'kan siapa ngaran walina. Pahpaan im wia ung kaayahan kenu, zéi'kan siapa ngaran walina si winéhan ni Opo Empung ung kawasa i milot sé tou im witu un ukuman wana a singkéla' néra.”

Kisah Rasul-rasul 4:12 Iomraidhean Croise

Matius 1:21

Ni sia én tumoumé si lowai wo ni Sia é ngaranannula Yesus, pahpaan ni Siamo si mamilot sé tou-Na im witu un ukuman wana a singkéla' néra.”

Lukas 24:47

Witu u ngaran-Na kangkasii um wowoka' tumoro un tumula'ula a singkéla' wo i si Opo Empung zuméi' a singkéla' én totoz maiwoka'la wia péléng sé tahsasana wanua, rengané witi Yerusalem.

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Yohanes 3:36

Séi uman si ma'éman wia si Oki', si tou itii é makailek ung katou-touan makaz ing kauré-uré. Taan séi uman si zéi'kan mahtali-talinga wia si Oki', zéi'kan makailek ung katou-touan makaz ing kauré-uré taan ukumen ni Opo Empung makaz ing kauré-uré.

Kisah Rasul-rasul 13:26

Katuari-katuariku suzu ni Abraham wo ni kamu kasii sé maindé' si Opo Empung. U Nuwu' i ni kita én ipilot im witu un ukuman wana a singkéla' é mémoikua ni Opo Empung wia ni kita.

Kisah Rasul-rasul 2:5

In endo mahpésta itii, lakez sé tou Yahudi sé uli-ulit mahragés wia si Opo Empung, sé siméngkot wana péléng am wanua wia ung kaayahan é niméyé witi Yerusalem.

1 Korintus 3:11

Pahpaan un to'tolan itii é si Yesus Kristus wo zéi'kan siapa tou zozo' in esa si toro zumeta' un to'tolan walina.

Kolose 1:23

Niitumo, ni kamu én tia'mo kumana' i ma'éman wo tia'mo mahzua-zua genang. Ni kamu én uli-ulit ma'émanla wo tia' ipahtutula'u um pahéré'an niou witu u Nuwu' Lé'os tumoro si Yesus, un tinalinga niouo itii. U Nuwu' Lé'os itii é méikawoka'mo wia ung kaayahan, wo ni aku, Paulus, si mahpaayang a méiatu ni Opo Empung i mapata'u u Nuwu' Lé'os tumoro si Yesus itii.

Ibrani 12:25

Niitumo mile-ilekla, tia' kamu soo tumalinga si Opo Empung si mahnuwu'mé. Ni séra sé soo mahtalinga ni sia si mahkua u Nuwu' ni Opo Empung én zéi'kan mata'u tumingkas, apapé' kasii ni kita sé mahtalingamé si Opo Empung si mahnuwu'mé witi kasendukan. Sa kita zéi'kan mahtalinga ni Sia, tantumo ni kita én zéi'kan ikatingkas im witu un ukuman wana a singkéla'.

Ibrani 2:3

kura kita in ikapilot sa kita zéi'kan mahwéhé genang witu un ipilot im witu un ukuman wana a singkéla' un totoz wangko' itii? Niitu ing kataré-taré é mémoipahwoka'ma ni Yesus Mahpiara, tumondong niitu, sé tou timalinga niitu in esa im wia si Yesus éng kimua wia ni kita i niitu én ulit.

Wahyu 20:15

Peléng sé tou sé makangaran un zéi'kan méikapantik witu ung kitap katou-touan itii, méiwerit witu un tasik api melaya-layas itii.