Kisah Rasul-rasul 3:8 - Taaz Weru Witu u Nunuwu'en Tombulu

⁸ A si tou itii kumonta'mé, melampa-lampang wayaan ung kawurian, a sia kumiita ni séra nimuntepa witu um Walé ni Opo Empung. Ni sia é melampa-lampang karia i mengonta-ngonta' wo kasii mahlooz si Opo Empung.

Kisah Rasul-rasul 3:8 Iomraidhean Croise

Lukas 18:43

In toro niitukan, si tou letok itii é mahileko a sia kumiit si Yesus karia i mahlooz wo mahsigi' si Opo Empung. Sé tou lakez kangkasii i nimilekla niitu é mahlooz wo mahsigi' si Opo Empung.

Lukas 6:23

Mahkonta-konta'la ni kamu i mahpaa-paaz, pahpaan um wawaér kailekan niou witi kasendukan én totoz wangko'; pahpaan téntu kangkasii am pinahwanguné né nimaopo néra im puuna wia sé nabi.

Yohanes 5:14

Tumondongé, si Yesus nimahilekan karia ni tou itii witi Walé ni Opo Empung ang kumua wia ni sia, “Gena-genangen, ni ko é lé'oso, tia'mo ko memangu-mangunpé' kasii a singkéla', wo ni ko zéi'kan makailek an zézéha lumouspé'mé ung kawutez u nimamuali wia ni ko.”

Kisah Rasul-rasul 14:10

A rumimeza si Paulus ing kimuama, “Rumendaiomé!” A si tou itii rengan ing kimonta'mé rimendaié a lumampang memuri-muri.

Kisah Rasul-rasul 19:16

A si tou sinelazan ni roh léwo' itii kumonta'ma, zimézéhama ang kumalama ni séra, a séra tumingkasé im witu um walé itii karia im pélaan wo rimonai pahpaan ung karai néra é sinangsangé.

Kisah Rasul-rasul 3:7

A si Petrus tumiona u lengen kakan ni tou itii a sumawanga ni sia i rumendaié. In toro niitukan a maenté'mé an a'é wo am wukuna an a'é ni tou itii.