Kisah Rasul-rasul 3:25 - Taaz Weru Witu u Nunuwu'en Tombulu

²⁵ Ni kamu é makailek a méitaaz ni Opo Empung a méikua-Na mengiité sé nabi-Na. Wo kasii um pinataazan winangun ni Opo Empung karia né nimaopo niou é makailekan niou. Um pinataazan itii ém winangun ni Opo Empung i ni Sia kimua wia si Abraham, ‘Péléng sé tahsasana wanua wia ung kaayahan éng kamangen mengiité si suzumu.’

Kisah Rasul-rasul 3:25 Iomraidhean Croise

Lukas 1:72

i mapailek u raraatéan-Na wia sé nimaopota wo gimenang un taaz-Na lenas.

Kisah Rasul-rasul 13:26

Katuari-katuariku suzu ni Abraham wo ni kamu kasii sé maindé' si Opo Empung. U Nuwu' i ni kita én ipilot im witu un ukuman wana a singkéla' é mémoikua ni Opo Empung wia ni kita.

Kisah Rasul-rasul 2:39

Pahpaan u méitaaz ni Opo Empung itii méiwéhé wia ni kamu wo wia sé suzu niou, wo kasii wia sé tou sé mahento' witi tampa zou'ma, kalakez né tou sé tawahen-Na.”

Roma 15:8

Ung kalakoana én téntii: Si Kristus é nimaéndomo menanawang im wia sé tou Yahudi i mapailek i si Opo Empung én zéi'kan maliuz wana a méitaaz-Na wia sé nimaopota.

Roma 4:13

Si Opo Empung é niméhé un taaz wia si Abraham karia né suzuna i ni séra é makailek ung kaayahan. Ni Sia én timaaza un téntu, zéi'kan pahpaan si Abraham mahkiit un ukum Torat, taan niéndo ulit pahpaan um pa'émanenna wia si Opo Empung.

Galatia 3:16

Péléng an taaz itii é méikuamo wia si Abraham wo wia si suzuna. Si Opo Empung ing kimua un taaz itii én zéi'kan kimua “wia sé suzuna”, pahpaan sa méikua “wia sé suzuna” ung kalakoana é lakez sé makailek un taaz itii, taan si Opo Empung éng kimua “wia si suzumu”, ung kalakoana én esa uman si makailek un taaz itii, ni siamo si Kristus.

Galatia 3:29

Sa ni kamu én anu ni Kristus, ni kamu kangkasii é méikarékéno suzu ni Abraham wo ni kamu é makailek a méitaaz ni Opo Empung wia si Abraham.

Galatia 3:8

Rengan im puuna toro kata'uanta witu um Pinantik Lenas i si Opo Empung éng gimenang i mangun sé tou zéi'kan Yahudi in éndon-Na ulit pahpaan um pa'émanen néra wia ni Sia. Si Opo Empung é nimapata'umo u Nuwu' Lé'os tumoro si Yesus Kristus wia si Abraham, kuan-Na, “Mengiité ni ko, péléng sé tou wia ung kaayahan éng kamangen.”

Wahyu 14:6

An ilekengkuma si malaekat walina menéwé-néwél witi langit. Ni sia é nimahalimé u Nuwu' Lé'os tumoro si Yesus u makaz ing kauré-uré. U Nuwu' Lé'os itii én iwoka' wia sé tou mahento' wia ung kaayahan wo wia sé tahsasana wanua wo wia sé tahsasana suzu wo wia sé tahsasana nunuwu'en wo wia sé tahsasana réwok mahtuari.

Wahyu 5:9

A sé epat tumou-tou wo sé zuana pulu' wo epat pahtutu'an kumantaré ung kakantaren weru. Kuan néra, “Ni Ko si wangun i makailek ung kitap ginulung itii, wo muka a segelna; pahpaan ni Ko si Anak ni Domba éng kinerizo, wo karia un zaha'-Mu sé tou wia ung kaayahan ém winaér-Mumo im wia sé tahsasana suzu, sé tahsasana nunuwu'en, sé tahsasana réwok mahtuari wo wia sé tahsasana wanua i maéndo anu ni Opo Empung.

Wahyu 7:9

Kumawusa niitu, ilekengkuma sé sana réwok tou totoz lakez sé zéi'mo karékénan. Ni séra ém wia péléng sé tahsasana wanua, tahsasana suzu, tahsasana réwok mahtuari, wo sé tahsasana nunuwu'en. Ni séra péléng é rimendai witu sinaru u rurumezan ni Kolano wo witu sinaru ni Anak ni Domba, kimarai ang karai tonton kulo', timion am pala'pa'na am palem.