Kisah Rasul-rasul 3:22 - Taaz Weru Witu u Nunuwu'en Tombulu

²² Zéi'kankuaa si Musa éng kimuamola in téntii, ‘Si Opo Empung é méhé si nabi wia ni kamu wo si nabi itii é méyé im wia sé tahsasana wanua niou, tanu ni Sia i niméhémé ni aku.’ Péléng an ipahkua ni nabi itii wia ni kamu é léwo'zéi' im pahwéhan nioula genang.

Kisah Rasul-rasul 3:22 Iomraidhean Croise

Matius 21:11

A sé tou lakez itii mingkotla, “Si Kenumo si Nabi Yesus si witi Nazaret tana' Galilea a méyé.”

Lukas 13:33

Taan in endo kenu, i sando wo in asusa ni Aku é léwo'zéi' lumampang mangé witi Yerusalem. Pahpaan zéi'kan mamuali si nabi im wunu'en né tou witi ondol u Yerusalem.

Lukas 24:19

Ang kuan-Na wia ni séra, “Apa itu wé?” Am wingkoten nérala, “U nimamuali wia si Yesus tou Nazaret. Ni Sia é nabi, si mawuta-wuta ung kawasa im wana am pahpaayangen wo am pahnuwu'en-Na witu u sinaru ni Opo Empung wo wia péléng sé tou.

Yohanes 1:17

Pahpaan un ukum Torat é méiwéhé mengiité si Musa, taan ung kamang tatambér wo ung kaulitan é méyé mengiité si Yesus Kristus.

Yohanes 12:46

Ni Aku é niméyé wia ung kaayahan kenu in tou si nimahalimé u sena', wo sé tou sé ma'éman wia ni Aku én zéi'kan mahwitu-witu ung karimbengbengan.

Yohanes 5:24

Uli-ulit ikua-Kuma wia ni kamu: Séi uman si timalinga u méikua-Ku wo ma'éman wia ni Sia si nimatumé ni Aku, si tou itii é makailek ung katou-touan makaz ing kauré-uré wo zéi'kan makailek un ukuman, pahpaan ni sia é méikapilotomé im witu um patéan wo niméramoma witu ung katou-touan.

Yohanes 8:12

A si Yesus kumua kasiima wia sé tou lakez itii, “Ni Akumo si sena' ung kaayahan. Si tou mahkiit ni Aku én zéi'kan mahlampang witu ung karimbengbengan taan ni sia makailek u sena' u mahwangun sé tou makailek ung katou-touan makaz ing kauré-uré.”

Kisah Rasul-rasul 7:37

Si Musa kenu kasii si kimua wia sé tou Israel in téntii, ‘Im wia sé tahsasana wanua niou é méyé si nabi tanu ni aku si iwéhé ni Opo Empung.’

Roma 8:3

An zéi'kan kawawaan im wangunen witu un ukum Torat pahpaan ni kita én tou zéi'kan enté' ém winanguno ni Opo Empung. Ni Sia é nimatumé si Oki'-Na in esa in tou uman tanumokan si tou simingkéla', in zuméi' a singkéla' wo méhé ukuman wana a singkéla' witu un awakta.

Roma 9:5

Ni séra é suzu né nimaopota. Si Mesias in tou é nimatoumé wia sé nimaopota wo ni Sia é mahkawasa wana péléng am péléng. Ni Siamo si Opo Empung si léwo'zéi' im pahloozen makaz ing kauré-uré. Amin!

Galatia 4:4

Taan sa méikaayomola witu un orasna, si Opo Empung matumé si Oki'-Na si méitoumé ni raraha wo si Koki' itii é menou-nou mahkiit un ukum Torat.

Ibrani 2:1

Niitumo, totoz im pahwéhanla genang an tutuzu' tumoro si Yesus an tinalingatamo, wo kita tia' kauréna éng kazou'na im wana an tutuzu' itii a mémoikua wia ni kita wo sinungkultamo, ang kumiit an tutuzu' a mahlululu uman um pa'émanenta.

Ibrani 5:9

Im pinakapendan-Namomé péléng am pengalin-Na, taré si Opo Empung mangun ni Sia zéi'kan siapa pahséro'an wo ni Sia uman si milot sé tou im witu un ukuman wana a singkéla' makaz ing kauré-uré wia sé tou mahtali-talinga ni Sia.

Wahyu 1:1

A méipantik witu um pinantik kenu én tumoro a méipapailek ni Yesus Kristus, a méiwéhé ni Opo Empung wia ni Sia in ipapata'u wia sé ata-Na wo séra toro mata'u an totoz i mamuali. Si Yesus Kristus é nimapaileko niana péléng wia si Yohanes ata-Na, mengiité si malaekat méiatu-Na.