Kisah Rasul-rasul 3:21 - Taaz Weru Witu u Nunuwu'en Tombulu

²¹ Taan in tarékan si Yesus Kristus é léwo'zéi' i mento' witi kasendukan, makaz péléng am péléng ém pinakawerumoma ni Opo Empung. Niitu é mémoikua ni Opo Empung rengané im puuna mengiité sé nabi-Na sé lenas.

Kisah Rasul-rasul 3:21 Iomraidhean Croise

Lukas 1:70

Tanu u mémoikua-Na rengané im puuna, wia sé nabi linenas-Na,

Kisah Rasul-rasul 1:11

Ang kuan né tou zua itii wia ni séra, “É kamu tou Galilea, kaa kamu meloho-loho'pé' witi langit? Si Yesus é mawénétoma nimangé witi kasendukan. Kuramo Sia i niilek nioua i mawénéta nimangé witi kasendukan téntu kangkasii Sia i mawurimé sumaup.”

Kisah Rasul-rasul 10:43

Péléng sé nabi éng kimuamo tumoro ni Sia. Ni séra mahkua im péléng sé tou ma'éman wia ni Sia, a singkéla' néra én ampungan mengiité u ngaran-Na.”

Kisah Rasul-rasul 3:19

Niitumo, itula'umola a singkéla' niou wo kumiitola si Opo Empung. Karia in téntu, a singkéla' niou ém pali'en ni Opo Empung.

Kisah Rasul-rasul 3:20

Ni Sia é mangun ni kamu maena'. Wo si Opo Empung kasii é matumé si Yesus, si rengané im puuna én tinotoz-Namo i maéndo Kristus niou.

Roma 8:21

Taan wéwéhan um pahéré'an, pahpaan péléng sé wia ung kaayahan én ikapilot im witu ung kawasa u mangun ni séra i léwo'en, wo péléng sé wia ung kaayahan én uli-ulit méikapilot i loozen wo sigi'en karia né oki' ni Opo Empung.

Ibrani 1:1

Im puuna si Opo Empung é makalakezo kimua wo pahsasawelnokala um pakahnuwu'-Na wia sé nimaopota mengiité sé nabi-Na.

2 Petrus 1:21

Pahpaan zéi'kan kawisa a méikuamé ni Opo Empung wia sé nabi é nimamuali witu ung ginenang né tou, taan niitu é nimamuali pahpaan si Roh Lenas si kimawasa wia sé tou sé mahnuwu' u Nuwu' ni Opo Empung.

2 Petrus 3:2

Kapaazku ni kamu gumenang a méikua né nabi lenas im puuna wo am perénta ni Mahpiara wo si nimilot ni kita im witu un ukuman wana a singkéla', wia sé aatu-Na, an ikua néra wia ni kamu.

Wahyu 18:20

Mahpaa-paazola é kamu sé witi kasendukan, ni kamu sé tou ni Opo Empung, sé aatu wo sé nabi, pahpaan am winangun néra wia ni kamu, sé tou witu um wanua tua'na itii é niukummoma ni Opo Empung!

Wahyu 22:6

Ang kuan ni malaekat itii wia ni aku, “Péléng a méikuakuma kenu én ulit wo toro pa'émanen. Si Opo Empung, si niméhé roh wia sé nabi é nimatumoma si malaekat-Na wia sé ata-Na i mapata'u an zéi'mo uré in totoz mamuali.”