Kisah Rasul-rasul 3:16 - Taaz Weru Witu u Nunuwu'en Tombulu

¹⁶ In tarékan, pahpaan si tou kata'uan niou wo pengile-ngileken niou kenu ma'éman witu u ngaran ni Yesus, niitumo u Ngaran itii nimangun ni sia nimaenté'. Wo um pa'émanenna itii u nimangun ni sia nimalé'os witu u sinaru niou péléng.

Kisah Rasul-rasul 3:16 Iomraidhean Croise

Matius 14:29

Ang kuan ni Yesus wia ni sia, “Méyémo!” A si Petrus tumumpamé im witu u londéi a lumampang witu um wawo un zano mangé wia si Yesus.

Matius 9:22

Taan si Yesus luméngéma muri wia si wéwéné itii ang kuan-Na, “É oki'-Ku, enté'ela un atému! Um pa'émanennu u limé'os ni ko.” In toro niitukan si wéwéné itii é lé'oso.

Yohanes 14:12

Uli-ulit ikua-Kuma wia ni kamu: Séi uman si ma'éman ni Aku, ni sia é mamaayang am pahpaayangeng-Ku. Wo zéi'kan uman niitu, ni sia kangkasii é maayang am paayangen lumouspé'mé niitu, pahpaan ni Aku é mangé wia si Ama'.

Yohanes 7:23

In tarékan sa si tou toro sunaten im witu un endo Sabat, wo ni kamu zéi'kan mahsaru un ukum ni Musa, kaa kamu maupi' i ni Aku limé'osa u saki witu péléng un awak ni tou im witu un endo Sabat?

Kisah Rasul-rasul 14:9

Ni sia é rimumez mahtalinga si Paulus i mahnuwu'. Si Paulus nimileka si tou itii ang kata'uannala i si tou itii é ma'éman wia si Yesus, niitumo ni sia én toro malé'os.

Kisah Rasul-rasul 16:18

Woo pirana endomo si wéwéné itii i mengasa-ngasar téntu. I si Paulus seso'mo a sia luméngéhma muri ang kumua wia si roh si simelaz wia si wéwéné itii, “Karia u ngaran ni Yesus Kristus, mondolé ko im wia si wéwéné itii.” In toro niitukan si roh itii éng kimii-kiit i nimondolé.

Kisah Rasul-rasul 3:6

Taan si Petrus éng kimuama, “Ni aku én zéi'kan siapa mas kaapa péra'. Taan apa um wia ni aku iwéhéku wia ni ko: Witu u ngaran ni Yesus Kristus si tou Nazaret itii, rumendaiomé wo lumampangoma!”

Kisah Rasul-rasul 3:8

A si tou itii kumonta'mé, melampa-lampang wayaan ung kawurian, a sia kumiita ni séra nimuntepa witu um Walé ni Opo Empung. Ni sia é melampa-lampang karia i mengonta-ngonta' wo kasii mahlooz si Opo Empung.

Kisah Rasul-rasul 4:10

ni kamu wo péléng sé tou Israel é léwo'zéi' i mata'ula, i si tou lailai makarendai witu u sinaru niou kenu é nimalé'osa karia ung kawasa u ngaran ni Yesus Kristus, si tou Nazaret si sinalip niouola itii taan méitoumomé sumaup ni Opo Empung im wia sé nimaté.

Kisah Rasul-rasul 4:30

Iayomé u lengen-Mu i lumé'os sé tou saki wo ipapaileké a makakompo'en wo an zéi'kan kakuaan mengiité u ngaran ni Yesus, si Ata-Mu Lenas.”

Kisah Rasul-rasul 4:7

A si Petrus wo si Yohanes iwali néramé witu um paheruzan né Mahkama Agama im pahtata'un um winangun néra. Tumondong niitu a séra meligau in téntii, “Séi si niméhé ung kawasa wia ni kamu? Kaapa karia u ngaran ni séi kamu i mahwangun péléng niana?”

Roma 3:22

im pélén sé tou ma'éman si Yesus Kristus uman sé niéndo ulit ni Opo Empung. Si Opo Empung nimangun niitu wia péléng sé tou ma'éman pahpaan péléng sé tou é masuat uman.

1 Korintus 13:2

Wo kasii zozo' ni aku tinambéran u makawawa i mahkua wia sé tou a méikuamé ni Opo Empung wia ni aku, wo zozo' ni aku makawawa i makatulap péléng ang ginenang-Na un zéi'kampé' kata'uan né tou walina. Zozo' ni aku i mata'u péléng am péléng wo zozo' um pa'émanengku én enté' makaz ung kentur én toro iatuku mérama im witu, taan sa ni aku zéi'kan rumaraaté sé tou walina, ni aku én zéi'kan siapa torona.