Kisah Rasul-rasul 3:1 - Taaz Weru Witu u Nunuwu'en Tombulu

¹ I sana endo witu un jam katelu im wengindo, un oras i mengaléi, si Petrus wo si Yohanes é nimangé witi Walé ni Opo Empung.

Kisah Rasul-rasul 3:1 Iomraidhean Croise

Matius 17:1

I limangkoioma enemna endo, a si Yesus tumawahmé si Petrus karia né zua mahtuari, si Yakobus wo si Yohanes, i sumosoz karia-Na mangé witi kentur rakék. Im witu é ni séra uman.

Matius 26:37

A si Yesus tumawahma si Petrus wo sé zua oki' ni Zebedeus ing kumiita ni Sia. Un até-Na é mahpendano i rumara wo zéi'mo si katu'tulan.

Matius 27:45

Rengané witu un jam mapulu' wo zua i lolambot makaz witu un jam katelu im wengindo, péléng um witi tana' itii é nimarimbengbeng.

Lukas 1:10

In orasnamo in tumunu ung kamania a sia muntepa witi Tampa Lenas. Karegas sia i mahtunu ung kamania, péléng sé tou witi lésaz um walé ni Opo Empung é mahmengaléi.

Lukas 18:10

“Wéwéhan sé tou zua nimangé witi Walé ni Opo Empung i mengaléi. Si esa é esaané im wia sé sana réwok tou Farisi wo si esa é menanagi am pajak.

Lukas 22:8

A si Yesus matuma si Petrus wo si Yohanes, kuan-Na, “Mangémo wo maimekela un tikohon kanenta i lumé'os un endo Paskah.”

Lukas 24:53

Sekezé ni séra ém witi walé ni Opo Empung i lumooz wo sumigi' si Opo Empung.

Yohanes 21:7

A si pahtuzu'en si karaaté ni Yesus itii kumuama wia si Petrus, “Ni Sia én Tuang.” I si Petrus timalingama i ni Sia én Tuang, a sia kumaraila pahpaan ni sia é rimonai ang kumonta'ma witu un zano.

Kisah Rasul-rasul 10:3

I sana endo, woo jam katelu im wengindo, oras i mengaléi, si Kornelius ém wéwéhan um pina'ilek. In toro niitu, totoz niileknama si malaekat ni Opo Empung i nimuntepé witu um waléna ang kumua wia ni sia, “Kornelius!”

Kisah Rasul-rasul 10:30

Si Kornelius mingkotla in téntii, “Epatna endo limangkoila, in jam katelu im wengindo woo tanu in tarékan, ni aku éng karegas i mengaléi witu um waléku. Kumompo'mé wéwéhan si tou rimendaila witu u sinaruku, ung karaina é meto-petot.

Kisah Rasul-rasul 2:46

Wo sekez in endo ni séra én zéi'kan kumana' i meréwo-réwok witi Walé ni Opo Empung wo ni séra én esa genang. Um walé ni esa wo ni esa é mahsasawel im pahangéan néra i mahkan mahwali-wali karia i mahpaa-paaz wo ung genang lé'os.

Kisah Rasul-rasul 3:3

I ni sia nimileka si Petrus wo si Yohanes i mahuuntepo witu um Walé ni Opo Empung kumiit um pepenet itii, a sia mahaléi wia ni séra.

Kisah Rasul-rasul 3:4

Si Petrus wo si Yohanes nimileka wia ni sia, ang kuan ni Petrus wia ni sia, “Mileké wia ni kai!”

Kisah Rasul-rasul 4:13

Sé tou méikauntep witu u Mahkama Agama é mengusi-ngusingsing i nimilekla si Petrus wo si Yohanes zéi'kan maindé' i mahwingkoté wo ni séra kasii é mata'u i ni séra zua én tou kanaramen wo zéi'kan simikola. Kinata'uan néra kasiila i ni séra zua é mahkii-kiit si Yesus.

Kisah Rasul-rasul 5:25

A méyé wia ni séra si tou ang kumuama, “Maileken. Sé tou sé méiuntep niouola witi bui, in tarékan ém witi Walé ni Opo Empung wo ni séra é mahtuzu' sé tou lakez.”

Kisah Rasul-rasul 8:14

I sé aatu ni Yesus sé witi Yerusalem timalingala i lakezo sé tou witi tana' Samaria sé ma'émano u Nuwu' ni Opo Empung, an iatu nérama si Petrus wo si Yohanes mangé witu.

Galatia 2:9

I nimilekola ung kamang méitambéré ni Opo Empung wia ni aku, si Yakobus, si Petrus wo si Yohanes sé pahkuan in tonaas ipahpuu-puuna né jamaat, nimaayoala lengen kariaku wo karia ni Barnabas, niitu un tumuzu'mé i ni kai é nimaesaano. Um pinaesaan nai é, ni kai mahwoka' u Nuwu' Lé'os tumoro si Yesus wia sé tou zéi'kan Yahudi wo ni séra é mahwoka u Nuwu' Lé'os tumoro si Yesus wia sé tou Yahudi.