Kisah Rasul-rasul 28:2 - Taaz Weru Witu u Nunuwu'en Tombulu

² Sé tou witu én totoz uman lé'os im wia ni kai. Ni séra én zimiketla, ang kai tawahen nérama i mangé witu, pahpaan in toro niitu un uzan é mahta'samo wo u reges é zatémo.

Kisah Rasul-rasul 28:2 Iomraidhean Croise

Matius 10:42

Séi uman si méhéma un elepen, zozo' in zano zaté uman wia si esaané im wia sé tou kanaramen kenu pahpaan sia mahkii-kiit ni Aku, uli-ulit ikua-Kuma: Ni sia én zéi'kan kaliongan um wawaér wia ni sia!”

Yohanes 18:18

Karegas niitu sé ata wo sé menénéiz um walé ni Opo Empung é zimiketola un api, pahpaan u reges in toro niitu én zaté wo ni séra rimendai witu i mahrarang. Si Petrus kangkasii é rimendai witu i mahrarang.

Kisah Rasul-rasul 27:3

Masandomé, kai timulima witi Sidon. Si Yulius én totoz lé'os im wia si Paulus wo ni sia é niénéala ni Yulius i mangé mahilekan karia né kakariana wo séra toro méhémé am pemandungen ni Paulus.

Kisah Rasul-rasul 28:3

I si Paulus nimuruté am panga rintek peramo in iwéhé witu un api, kumompo'mé si ulé' melangu nimondolé pahpaan um pasu'na un api ang kumikima u lengen ni Paulus.

Kisah Rasul-rasul 28:4

I sé tou mahwitu-witu nimileka si ulé' itii i makaintoi witu u lengen ni Paulus, a séra mahkua wia si esa wo si esa, “Si tou kenu én uli-ulit memumunu' tou. Pahpaan, zozo' ni sia in zéi'kan nimatémé witi tasik, taan ni sia én zéi'kan méiwaya i menou-nou ni wéwéné pa'opoen Zéi'kan Mahsanaweka.”

Roma 1:14

Wéwéhan um paayangen u léwo'zéi' im paayangengku wia sé tou Yunani wo wia sé tahsasana wanua walina, wia sé tou simikola wo wia sé tou zéi'kan simikola.

Roma 14:1

Sungkulela sé tou zéi'kan tahlous enté' um pa'émanenna wo tia' mahzéi-zéi'an karia néra.

Roma 14:3

Sé mahgenangla in toro kuman péléng ang kakanen én tia' memawa' sé mahkan uman a séndé'en. Pahpaan si Opo Empung é simungkulo ni séra. Téntu kangkasii sé mahkan uman a séndé'en én tia' mapahsasala' sé toro kuman apa uman an toro kanen. Pahpaan si Opo Empung kangkasii é simungkulo ni séra.

Roma 2:27

Wo sé tou zéi'kan sinunat taan mahwangun a méipantik witu un ukum Torat, ni séramo sé matumotoz ulit kaapa zéi'kan am pahwangunen niou, sé makaanu un ukum Torat wo sinunat taan zéi'kan mahwangun un ukum Torat itii.

1 Korintus 14:11

Taan sa wéwéhan tou mahnuwu' wia ni aku karia u nunuwu'enna, wo un ipahkuana én zéi'kan kata'uangku, si tou itii éng kuangku in tou limepuh umané wo si tou itii éng kumua ni aku i limepuh umané.

2 Korintus 11:27

Ni aku én totoz ma'ulit wo mahtututu' i mahpaayang, makalakez in zéi'kan timekel, maharem wo maré'o, makalakez ing kinaapuan kanen, wo kasii mahpendan un zaté wo zéi'kan siapa karai sawelen.

Kolose 3:11

Niitumo, wia ni kita én zéi'mo siapa si pahkuan tou Yunani kaapa tou Yahudi, tou sinunat kaapa zéi'kan sinunat, tou Barbar kaapa tou Skit, ata kaapa zéi'mo ata, pahpaan si Kristus si ipahpuu-puuna wo péléng sé tou ma'éman é nimaesamo karia-Na.

Ibrani 13:2

Tia'mo mahzua-zua genang i sumungkul sé tou mangémé witi walé niou. Pahpaan karia i nimangun un téntu, wéwéhan sé woopira tou, zéi'kan kata'uan néra i ni séra é simungkulola sé malaekat witi walé néra.