Kisah Rasul-rasul 27:11 - Taaz Weru Witu u Nunuwu'en Tombulu

¹¹ Taan si tonaas né sana atus suraro itii é soo tumalinga si Paulus, ni sia é mahtalinga uman si mengangali u londéi tua'na wo si tonaas u londéi tua'na itii.

Kisah Rasul-rasul 27:11 Iomraidhean Croise

Kisah Rasul-rasul 27:21

Pahpaan woopirana endomo ni séra zéi'kan kiman, a si Paulus rumendaia witu un unez néra ang kumua, “Katuari-katuari, sa kiniitan nioula u méikuaku im witipé' katanaan Kreta in tia'pé' suméngkot, ni kita én zéi'kan nimasusa tanu in tarékan wo timia' am pahali-alinta.

Ibrani 11:7

Pahpaan i ma'éman, si Nuh nimangun u londéi totoz tua'na in tumulung ni sia wo sé sana awuna. Karia in téntu, ni sia nimapailek i ni sia én uli-ulit ma'éman wia si Opo Empung, taan sé tou walina wia ung kaayahan é simingkéla' pahpaan soo ma'éman u méikua ni Opo Empung itii. Niitumo, si Nuh éng kinua ni Opo Empung in tou ulit mengiit um pa'émanenna.

Yakobus 3:4

Wo kasii a londéi tua'na, zozo' niitu in totoz tua'na wo ipahwali-wali u reges repet, taan toro ipahsaru-saruma wisa uman karia ung kamudi ung kori' uman, kiit um paaz ni mengangali u londéi tua'na itii.

Wahyu 18:17

pahpaan witu u sana jam uman péléng ang kawa'ilanana é nimaapumoma.” Péléng sé mahali-ali a londéi tua'na, wo sé tou simaké wana a londéi tua'na, wo sé tou mahpaayang wana a londéi tua'na, wo péleng sé tou mahpaayang witi tasik é rimendai zimou'ma.