Kisah Rasul-rasul 27:10 - Taaz Weru Witu u Nunuwu'en Tombulu

¹⁰ “Katuari-katuari, mengiit ung genangku, sa kita meméhé-méhéma i suméngkot, niitu én totoz makaindé'en pahpaan ni kita én tawi uman maikaléwo'. Wo lakez kasii an toro ikaliong im wia ni kita, zéi'kan uman am pahali-alinta wo u londéi tua'na kenu taan ni kita kangkasii én toro maté.”

Kisah Rasul-rasul 27:10 Iomraidhean Croise

Kisah Rasul-rasul 21:3

Zéi'kan uré, ileken naima ung katanaan Siprus witu ung kawihi nai, taan u londéi tua'na sinakéan nai é limangkoi umané witu a mangé witi Siria. Ing kamurian, ni kai é méikaayola witi Tirus, pahpaan a méisaké witu u londéi tua'na itii é léwo'zéi' itumpa witu.

Kisah Rasul-rasul 27:31

Taan si Paulus éng kimuama wia si tonaas né sana atus suraro karia né surarona, “Sa sé memamaayang wia u londéi tua'na kenu zéi'mo wia'i, ni kamu én ikaléwo'.”

Kisah Rasul-rasul 27:34

Niitumo pahaléiengku wia ni kamu ing kumanpé'la, wo kamu toro maenté'mé wo zéi'kan maté. Pahpaan zéi'kan siapa si kaliongan um wuuk zozo' in esa im wia ni kamu.”

1 Petrus 4:18

Im witu um Pinantik Lenas é méipantik in téntii, “Sa sé tou ulit én tawi zéi'kan ipilot im witu un ukuman wana a singkéla' néra, kura u lamamuali wia sé tou zéi'kan pandung si Opo Empung wo mahsingkéla' wia ni Sia?”