Kisah Rasul-rasul 27:1 - Taaz Weru Witu u Nunuwu'en Tombulu

¹ In tinotozola i ni kai é léwo'zéi' suméngkot mangé witi Italia, si Paulus wo sé woopira tou walina sé tinionan é méiayola wia si Yulius, si tonaas né sana atus suraro ni Kaisar.

Kisah Rasul-rasul 27:1 Iomraidhean Croise

Matius 27:54

Si tonaas né sana atus suraro karia né surarona sé mahtéiz wia si Yesus én totoz maindé' i nimendané un éhzo' wo nimilek péléng a nimamuali, ang kuan néra, “Totoz ulit, si tou kenu én Oki' ni Opo Empung!”

Lukas 23:47

I si tonaas né sana atus suraro nimilek a nimamuali, a sia mahlooz wo mahsigi' si Opo Empung, kuana, “Totoz ulit, si Tou kenu én zéi'kan siapa sinala'!”

Lukas 7:2

Im witu ém wéwéhan si tonaas né sana atus suraro Romawi. Ni sia ém wéwéhan si ata totoz karaaténa. Si ata itii én totoz saki wo tawimo maté.

Kisah Rasul-rasul 10:1

Witi Kaisarea ém wéwéhan si tuama makangaran Kornelius. Ni sia én tonaas né sana atus suraro Romawi nginaranan Italia.

Kisah Rasul-rasul 10:22

A séra mingkotla, “Si Kornelius si tonaas né sana atus suraro Romawi, si ulit wo maindé' si Opo Empung wo kata'uan né tou i lé'os uman wia péléng sé tou Yahudi én tinuzu'anomé ni malaekat lenas in tumawah ni ko i mangé witi waléna, wo tumalinga an ikuamu wia ni sia.”

Kisah Rasul-rasul 16:10

I si Paulus nimilekola niitu, ni kai rengan i nimimekla i mangé witi Makedonia. Pahpaan mengiité um pina'ilek ni Paulus itii, ni kai én timotozla i si Opo Empung én timawah ni kai i mangé mahwoka' u Nuwu' Lé'os tumoro si Yesus wia sé tou witi Makedonia.

Kisah Rasul-rasul 18:2

Im witu ni sia é nimahilekan karia ni tou Yahudi makangaran Akwila si tou Pontus. Si Akwila én taré méyé im witi Italia karia ni Priskila si mahayona. Ni séra niméyé pahpaan si kaisar Klaudius é nimerénta wo péléng sé tou Yahudi é léwo'zéi' mondolé im witi Roma. Si Paulus é matimuli witi walé néra.

Kisah Rasul-rasul 19:21

Kumawusa u nimamuali itii, si Roh nimangun si Paulus timotozla i mangé witi Yerusalem kimiita u Makedonia wo u Akhaya. Kuana, “Sa nimangémomé witi Yerusalem, ni aku kangkasii é léwo'zei' i mangé witi Roma.”

Kisah Rasul-rasul 21:32

Niitumo, si tonaas né sana riwu suraro itii é rengan i nimahwalima sé surarona wo sé tonaas né sana atus suraro, i mangé witi Walé ni Opo Empung u nimaringka'mo itii. I sé tou lakez nimileka si tonaas né suraro itii wo sé surarona, a sé tou lakez itii kumana'la i mahsondo' si Paulus.

Kisah Rasul-rasul 22:26

Kaitalingamé niitu, si tonaas né sana atus suraro itii é rengan i matimuzu' wia si tonaas néra. Kuana, “Pakagena-genangela lé'os um wangunen ni ama' wia si tou itii. Ni sia én tou Romawi.”

Kisah Rasul-rasul 23:11

Masandomé im wengi, si Yesus Mahpiara mérimendai witu u rété ni Paulus ang kumuama wia ni sia, “Enté-enté'en un atému. Pahpaan kuramo ni ko i mahkua a niilek wo tinalingamu tumoro ni Aku im wia sé tou witi Yerusalem, téntumo kangkasii ni ko léwo'zéi' i makumua niitu wia sé tou witi Roma.”

Kisah Rasul-rasul 23:17

A si Paulus tumawahmé si esaané im wia sé tonaas né sana atus suraro ang kumua wia ni sia, “Ipahwalima si tarétumou kenu wia si tonaas niou, pahpaan wéwéhan u léwo'zéi' maikua ni tarétumou kenu wia ni sia.”

Kisah Rasul-rasul 24:23

An iatuma ni gubernur si tonaas né sana atus suraro in zéi'kan toro milot si Paulus, taan ikenus umana. Wo kasii zéi'kan toro mahséro' sé kakaria ni Paulus i mengangalimé am pemandungenna.

Kisah Rasul-rasul 25:12

Kaitalingamé niitu, si Festus é nimeruz wo sé menénésa wia ni sia. Kumawusa niitu, a mingkotla si Festus, “Ni ko é nimahaléi in totozen ni Kaisar, niitumo ni ko é léwo'zéi' i maisaru wia si Kaisar.”

Kisah Rasul-rasul 25:25

Taan ni aku én zéi'kan nimakailekla un toro kawalian wo si tou kenu ukumen i maté. Wo ni sia kasii é nimahaléiola wo um pahéndo-éndoanna kenu én totozen ni Kaisar, niitumo ni aku én timotozola i matu tou mahwali ni sia i maisaru wia si Kaisar.

Kisah Rasul-rasul 27:11

Taan si tonaas né sana atus suraro itii é soo tumalinga si Paulus, ni sia é mahtalinga uman si mengangali u londéi tua'na wo si tonaas u londéi tua'na itii.

Kisah Rasul-rasul 27:43

Taan si tonaas né sana atus suraro itii é siméro' ni séra i mangun ang ginenang néra, pahpaan ni sia ém paaz in tumulung si Paulus. Am peréntanama sé tou mata'u mengoyou i mahpuunama ing kumonta'ma witi tasik wo moyoua mangé witi katanaan.

Kisah Rasul-rasul 27:6

Im witu, si Yulius é méikailekla u londéi tua'na um witi Aleksandria a méyé u mahséséngkot mangé witi Italia. Ang kai iéranama witu u londéi tua'na itii.

Kisah Rasul-rasul 28:1

I méikaayomoma witi katanaan karia i lé'o-lé'os uman, taré kata'uan naila sa u ngaran ung katanaan itii é Malta.

Kisah Rasul-rasul 28:16

I ni kai mémoikaayoma witi Roma, si Paulus é niénéala ni tonaas né sana atus suraro i mento' witu um walé esa, karia in tinéizan ni suraro esa.

Ibrani 13:24

Ipapaayopé'la u sigi'ku wia péléng sé tonaas niou wo wia péléng sé tou linenas ni Opo Empung. Sé katuari esa pa'émanen sé wia Italia é mapaayoma u sigi' wia ni kamu.